تويت
لا تمادى بالخطأ .. وتقول من باب الميانه
ما أختلفنا .. هي ميانة .. بس ما هي كل حين
كان قصدك بالتمادي .. ودك أذوق الإهانه
والله لتبطي وتبطي .. ما خضع لك هالجبين
وكانك تدور سبب .. لأجل المفارق والخيانه
إبتعد عني .. ولاني ناشدك .. رايح .. ل/ وين
من يبي فرقاي في حفظ الكريم وفي أمانه
ما التفت له لو يصد .. أيام .. وشهور .. وسنين
وأنت لو قصدك كذا .. ف/ أرحل ترى مالك مكانه
صد عني .. وإنتبه .. لا عاد ترجع .. لو تلين
رد قلبي .. يوم قلبك ماحفظ ودي وصانه
بادلك بالحب .. لكن ما لقى قلب(ن) يعين
رد قلبي .. دام قلبك ماعطاني من حنانه
ما عرفت تصون حبي .. ولاعرفت تحب زين
لاتظن قلبي .. عقب ما خنت به ماله مكانه
والله إنك لاجرحته .. وما شكى جور السنين
ولاتظن حالي عقب فرقاك .. يرثى في زمانه
ما .. / شكيت الحال ولابيحت سدي والكنين
لاتحسب إني ب/ دونك عيشتي عيشه مهانه
والله إني ماحسبت حساب .. شوق ولا حنين
أبك انا اخوي ليا من صد .. خليته في شأنه
كيف عاد اللي .. ما يربطني معه حبل(ن) متين
عشت في وقتي .. عزيز النفس ماعرف الليانه
شامخ(ن) .. مايرتخي رأسي .. ولايمكن يلين
من شراني إشتريته .. وصنت عهده والأمانه
عادتي ما أخون عهد الحب .. وما أخون اليمين
ومن يبي فرقاي .. في حفظ الكريم .. وفي أمانه
ما التفت له لو يصد .. أيام .. وشهور .. وسنين
وإنتبه تخطي علي .. / وتعتذر لي بالميانه
ما أختلفنا .. هي ميانة .. بس ما هي كل حين ..؟
.
.
راقت لي ان شاء الله تروق لكم
تعليق