تويت
دجاج بكريمة المشروم من مطبخي بالصور
{ يسعد مساكم ..~ 
هذي وصفة جديدة جربتها وعجبتني فحبيت أشارك فيها إن شالله تعجبكم .. 
في البداية ,, هالطبخة تعتمد أعتماد كلي على صوص كريمة الفطر الجاهز المعلب , وإحتمال ماتلقونها بأي مكان ..
أنا لقيتها متوفرة في أسواق التميمي ... مكتوب عليها ( صوص كريمة الفطر ) وماركتها ( كنور ) وهذا شكلها :
المقادير :
دجاجة / علبة لبن كبيرة / كاس طحين أو أكثر ( للتغطية ) / 2 فص ثوم / ملح وفلفل أسود / علبة صوص كريمة الفطر ..
الطريقة :
1/ قطعي الدجاج قطع صغيرة ( أثمان ) وانزعي عنه الجلد وإغسليه لحد ماينظف ....
2/ نقعي الدجاج في اللبن + الملح + الفلفل أسود + الثوم ( لمدة نص ساعة _ ساعة ) ...
3/ صفي الدجاج من التتبيلة ( بدون غسل ) وغمسية في صحن طحين لحد ما يتغطى تماما ورصيه في صينية ...
4/ غطي عليه بقصدير و دخليه في فرن حار لمدة نص ساعة ...
5/ طلعي الصينية من الفرن , وعلى جنب اخلطي علبة صوص كريمة المشروم مع لبن ( عبي علبة الصوص نفسها باللبن بعد ماتفضينها من الصوص ) , و أضيفي لهم ملح وفلفل أسود ,,,
6/ صبي الخليط على الدجاج و رجعيه في الفرن لمدة نص ساعة ثانية ( بدون قصدير هالمره ) ...
7/ بعدها طلعيه من الفرن وقدميه مع الرز الأبيض المشخول ,, أو مع خبز إذا حابه , وزينيه بشوية كزبرة مفرومة ...
بس خلصنا ,, هناء و عافية ... 
لحد يحذف ردودنا ترانا نمزح .. بس مزحنا مزح تكارنة غضوا النظر 
تعليق