زمان البعثرة - جلاجل الجلاجل


المعذرة ياذمتي شيلتك الحمل الثقيل
كله على شان اجتماع في زمان البعثرة

مدري وش اخرها طريق سرتها وازريت اشيل
زودتها واتعبت ضلع كلما اجبره اكسره

كنت احسب الخطوة واقول ان الخطا حظه قليل
كنت اقهر الليل بشعاع الشمس واضحك واسهره

كنت اجهل ان الليل وان طال السهر باله طويل
وانه يجي لليل حيل وكل ضاحك يقهره

وان اليدين اللي تمد لنيله الصيت الجميل
اول رجاها ترجع بأطيب غنيمة مصفرة

يالله كل القصد خير وخالطة شي دخيل
غصب علي برغم حرصي وانتباهي لاكثرة

ويالله مانيب اطلب الحاجة من كفوف البخيل
يالله عفوك والعفو يالله عند المقدرة

ادري منال الخير صعب وفي مداهيلي دليل
وادري يمين الفعل تالي هالزمن صار ايسرة

لكني ارجي يالزمن لو هدني حمل الشليل
لا مالت اعناق السنابل فالسنابل مثمرة

هذي سوالف ذمة شالت من الحمل الثقيل
كلة على شان اجتماع في زمان البعثرة


للاستماع اضغط الرابط ادناه