بسم الله الرحمن الرحيم



أخواني .. أعضاء .. ومشرفي .. منتديات عبير ..!




السلام .. عليكم .. ورحمة .. الله .. وبركاته ..








أبتسامه .. الطفله . أبتهال المطيري .. المفقوده في المجمعه .. من يوم الأربعاء 7/3/1427ه الموافق 5/4/2006م




هي .. السبب .. في .. تواجد .. هذه .. القصيده ..




اللهم .. أعدها .. الى .. اهلها .. سالمه .. معافاه .. وأقر .. بها .. عين .. والديها ..




وعليك .. بمن .. تسبب .. بالمصيبه .. فأنك .. العليم .. الخبير ..!

















يالله يارب السما والأرض والبيت الحرام
تلطف بحال ( أم ابتهال ) وحال بيت ٍ فاقده
.
سمعت قصة ( أبتهال ) وضاعت حروف الكلام
مابين عبرة شايب ٍ أو دمعة أم ٍ ساجده
.
ياربّي أنت ارحم بها من دمعة أم ٍ ماتنام
تدعيك مانامت أبد وعيون غيره راقده
.
تسهر تناجي صورته مابين دمع ٍ وأبتسام
أي أبتسام .؟! وداخله نار المصيبه واقده
.
تذكر ( شقاوتها ) بقلب ٍ عقبها أصبح ركام
و ( غرفة منامه ) عقبها صارت مخيفه بارده
.
و ( الطير ) من عقب أبتهال أطلق جناحينه وحام
و ( العابها ) من عقبها كله مكانه راكده
.
و ( البيت ) من عقبه على جدرانها ناح الحمام
و ( الباب ) يشكي ( للنوافذ ) والنوافذ صامده
.
يالله ياسامع دبيب النمل في جنح الظلام
نرجيك بأعمال الجميع الصالحه والحامده
.
يالله ترجع ( أبتهال ) بخير وتوفيق وسلام
ترجع لحضن أمّه من يدين القلوب الحاقده
.
الأم دمعه لو نزل تخضع له قلوب ٍ عظام
لو ينتثر دمعه يذوّب هالثلوج الجامده
.
والله يعظّم أجر ( سلمان ) الحميّه يوم قام
ماهي غريبه قومته دام الفعايل شاهده
.
حكّامنا أهل الحميّه هم ذرانا بالعتام
هم عزوة الشعب السعودي من عيون ٍ حاسده
.
واللي تسبب بالأسى له رب من فوق الغمام
نشكي على الله ضعفنا والحال صارت زاهده
.
واللي على شان ( أبتهال ) أرهى قصيده مايلام
يكتب على شانه قصيده والمعاني واجده
.
دام الأمل بالله كبير وعينه اللي ماتنام
هو ربها وأرحم بها من دمعة ام ٍ ساجده
.
نرجيك يارب البشر والكون والبيت الحرام
تلطف بحال ( ام ابتهال ) وكل شخص ٍ فاقده



من الايميل