بسم الله الرحمن الرحيم


قال الله تعالى (( ولا تلقوا بايديكم الى التهلكه))


الصراحه انا شفت والكل شاف والكل جالس يشوف انه التدخين اصبح ظاهره ثقافيه تدل على وعي الفرد وثقافته العاليه وخبرته في الحياه وتدل على انتمائه الى شريحه معينه من المجتمع مجهولة الهويه تسعى وتبذل كل ما تستطيعه للوصول للقمة!! اي قمة!! ؟؟؟
ونظرا لما وصلت اليه هذه الشريحه من المجتمع من سمعه كبيره حيث يكاد صيتهم يغطي الافق قررت انا محاكيكم الساحر القاء نظره وتسليط الكبس على منظمه(( ولع لي زقارة اصير خويك)) ومنظمه (( احرق الروح قبل لاتروح ))

المدرسه:
مثلا تلاقي طلاب الثانويه في الفسحه شاردين وجالسين على بلوكه برا المدرسه وكلن يشكي وكلن يحكي عن همه وكلن في قلبه شقى الليل مع ان الواحد منهم عمره ما يتعدى 15 سنه ؟؟؟ تتوقعون انه الاحساس بالمسؤليه ؟ بس اي مسؤليه هذي الي راح يشيلون همها ؟؟ هل هو الي يوصل اخوانه ولا فيه سواق يوديهم ويجيبهم ... عنده سياره ولا ماعنده ... فيه تفحيط الليه ... في شكشكه ورقص ومن بيوديني ..
الي يقولي ياخي الحياه صعبه والي يقول انه هموم الدنيا فوق راسه والي يحب (( اكيد وحده ؟؟))
والكل جامع بينهم الدخان (( خوش جمعه ))

حكمه:
ما كل ما يتمنى المرء يدركه
تدخن ال ام وانت خاطرك في ملبورو

الجامعه:
شباب في الجامعه طالعين متجهين الى سيارتهم بعد انتهاء الدوام ؟؟؟ والكل يدخل يده في جيبه ويباشر على الشباب الي جمبه والي حوله والي من حواليه ويعزم فلان وفلان ولو القطو الي في الشارع يبي يدخن راح واعطاه بعد ؟؟؟ وهو طالع من البوابه بيباشر على السكرتيه واذا وقف عن الاشاره يبي يفتح الشباك ويباشر على الي واقفين في الاشارات ولو حصل انه يبي يرقم وحده بيكتب لها الرقم على زقاره ولا على ورقة البكت

تسائل؟؟؟؟؟؟؟:
الزقاره هي نفسها الزقاره بس بكل وقت لها طعم قبل الاكل طعمها غير عن بعد الاكل وفي الصباح غير عن قبل النوم وفي الكوفي غير عن اذا كنت ماسك خط مع انه نفس البكت اتسال عن السبب ؟؟

حكمه:
احرق الروح قبل لا تروح واكتب على القلب طفايه
ولسانك حصانك..إن صنته صانك..وان خنته رفسك على جبهتك

بنات:
تشم ريحة دخان في قسم العوايل في كوفي تروح تطل تلقى حصه ومزنه و شنه وشمايل مربعات على الارض يلعبون بلوت وحرق في الملبورو الفضي (( ينقاله خفيف))
وعلى الطاوله فوق تلقى نوال وتهاني معاهم بكت كرتير ازرق بس يدخنون باناقه ؟؟
هل فيه فرق بين التدخين فوق الطواله ولا تحتها!!

الفن الهابط:
اربع زقاير بلا كبريت والي صنعها ولد عفريت
اشرب زقاير واشرب كنت واشرب مع الكنت ملبورو



حيره:
يعني الحين الدخان ؟؟ اصبح مزاج وكيف ولا صار ديكور يكمل الشخصيه ؟؟ ولا صار من اجل قتل وقت الفراغ ؟؟من جد احترت ؟؟ ولا صار كلمه تنقال في الشعر ويتفاخر فيها ؟؟
فيه ناس تدخن وتكن << يعني تدخل الدخان داخل الرئتين << هذول مدخنين ما قلنا شي ؟
بس الناس الي بس تشفط وتطلع الهوى ؟؟ ليه ؟؟

تصدقون:
تصدقون سالفة انه الملبورو الاحمر ثقيل ؟ والابيض وسط والفضي خفيف
ولا الكرتير الاحمر ثقيل والازرق خفيف
ولا الي بالنعناع ؟ ؟؟ ؟؟؟ صحيح فيه نوع ثقيل وفيه نوع خفيف بس الظرر واحد


عوده الى الواقع:
شاب مظلل السياره كتم ما يبين منها شي منسم الشباك وغيوم تطلع من السياره لعنبو بليسهم مصنع تكرير فاتحين داخل السياره ولا ايش ؟

أين تذهب في عطلة هذا الأسبوع مع العائلة، السوق ولا المطعم ولا السوق ولا المطعم ولا السوق ولا المطعم ولا المستشفى، ملاحظة (ممنوع دخول العزاب).
ولا تروح تدخن

المرأة السعودية لها توجهان فقط إما الطبخ والتلفونات وإما العباءة المخصرة والغزل.
او انها تروح تدخن

الساعة عشرة بالليل الشباب كلهم عند الحلاقين. وفي موضه جديده عند الحلاقين يحط لك تركش كوفي وطفايه وهات يا حرق دخان الين يجي دورك
ومره شفت واحد يدخن والحلاق يحدد سكسوكته!!!!

في نفس الساعة البنات في المطاعم المتوفر بها أغاني ومعسل اكيد دخان بعد

هل هذا هو السبب ان الواحد ما يعرف وين يروح؟ يقوم يروح يدخن


فحبيت اطرح موضوع التدخين للنقاش والبت في امره والنظر له من زوايا غير الزوايا الي الناس كلها يطالعونها.....؟

وفي الختام لكم مني أطيب وارق المنى

اخوووووكم / سف الأحزان ير