احب البر واشد الرحايل ... وادور قلب ضايع في البوادي

تقليص
X
تقليص
 
  • الصفحة لـ 3
  • الوقت
  • عرض
إلغاء تحديد الكل
مشاركات جديدة
السابق 1 2 3 template التالي
  • وزير السلطان
    عضو مؤسس
    • May 2005
    • 3779
    #1

    احب البر واشد الرحايل ... وادور قلب ضايع في البوادي


    يازين مجلاس(ن) به الكيف موجود
    ................في فيضه(ن)مافيه حي(ن)وطاها
    وحولك رجال(ن)للسوليف مشدود
    ................سوالف(ن)تفتح لك النفس فاها
    ثم للقصايد ننتقي خير مورود
    ................وكلن بشعره يفتخر ويتباها



    السلام عليكم ورحمة الله وبركاته:
    أسعد الله أوقاتكم بكل الخيرات والمسرات...ياهلا فيكم..شرفتونا ونورتنا الله مير يسلمكم....
    يقول الشاعر:
    البر دواء لأبو قلبن عليل............والمرض للي جالس ببيته.
    أجتمعنا أنا وأيا ربعن لي.(ترى بعضهم مو معنا في المنتدى) هههه
    ..وقررنا نخلي هالخميس والجمعه بريه...
    نب نغير من روتيننا كل إسبوع....قررنا تكون طلعتنا لروضة خريم...
    بدأت الرحله تقريبا على الساعه 3ونص من عصر يوم الأربعاء...


    طبعا روضة خريم هذه تبعد عن مدينة الرياض تقريبا حوالي ال100كيلو متر تقريبا




    وأخيرا وصلنا بحفظ الله ورعايته...



    بعد ماوصلنا هناك قابلنا موكب أبومتعب وهو توه طالع من الروضه لزمنا على طويل العمر
    بالقهوه...وخذا له فنجال على الماشيء...يطولنا بعمره ويحفظه لنا....

    طبعا جلسنا نلف بحدود النصف ساعه على أساس نختار لنا مكان مناسب ننصب فيه
    خيمتنا....

    وبالأخير إتفقنا على مكان...وبدينا ننزل كول حاقه..!!

    عمركم شفتوا واحد كرشته على إستقامه أفقيه....!!

    على فكره ترى هذا مو معنا في المنتدى وترى إول حرف من إسمه.....@@...؟
    يسعدلي أيامك ولياليك..يابو.....خلها بيني وبينك....
    تب تعرفون وش هاللي بوسط بطنه...!!!
    تابعوا معي وتب تعرفون...!!


    هالشيء لابد منه....مباراة الهلال والسد....مهمه...!!


    بدينا ننصب الخيمه....والشباب ماقصروا كلهم يد وحده....مثل ماهم على خبري فيهم...



    هذه هي الخيمه بعد ماإنتهينا من نصبها وفرش الزل...

    تشوفون الكوره اللي بزاوية الخميه ...هذه هي اللي كانت بوسط بطن خوينا
    اللي مو معنا في المنتدى ولاإسمه ...@@
    هههه


    هذه عدة الطبخ..وأهم شيء المخلل..شيء مهم لغالبية الشباب....

    طبعا من الأشياء الأساسيه والمهمه بالنسبه لي أننا نحاول قد مانقدر نحافظ على المكان اللي إحنا
    جالسين فيه....وهالشيء بصراحه أعتبره أول إهتماماتي في أي رحله..

    طبعا بدينا نحضر للعشاء...


    وهالأخ داخل جو وهو يقطع الطماطم والفلفل البارد....تسلم يدينك ياغلاي....


    بدينا نشب النار..نب نسوي العشاء عليها.....له طعم غيييييير...!!





    طبعن لابد من دهن القدر بزيت على أساس يسهل تنظيفه من الفحم اللي يلصق فيه....ماهي بوصاة
    أمه......خخخخ

    يتبع
    الكلمات الدلالية (Tags): لا يوجد
    • وزير السلطان
      عضو مؤسس
      • May 2005
      • 3779
      #2
      نرجيك ربي عيشتن مستقره بين الجنان اللي بها الحور وانهار


      وهينا مقموعه من الشباب بيلعبوا لعبتهم المفزله....ياعيني عليك يامجودي...متحمس
      وأيا اللعبه..ههههههه


      منتدى عبير هذا هو زعيم هالتغطيه الأعلاميه كولها....لابد تواجده
      شيء مهم بالنسبه لي....يالبى قلبك ياعبير....


      طبعا بعد ماأتعشينا ...قلنا نبيها جلسه برى...عند شبة النار....والشاي الجموري




      وسمرنا لحد الساعه 2الصباح....ثم كلن راح وخذا له غفوه لحدود صلاة الفجر...

      وبداء النور يطلع لنا....

      وأحلى مافي الصباح شروق شمسه

      بديت وجهزت لهم حليب على شبة النار...


      ياعيني على لون الحليب....!!


      يتبع

        تعليق

        • وزير السلطان
          عضو مؤسس
          • May 2005
          • 3779
          #3
          يابوعبدالله نزلنا وسط فيضة خضراء تداعبها الحباري

          لحظة تشاور في من يطلع للسوق ويجيب لنا اللي ناقص من أدوات الطلعه


          وهذا التيس اللي ناوين نسوي عليه الفطور المقلقل يالبى والله عيونك...



          يجننننننننننننننننننننننن




          وبعد كذا طبخناه بقدر الضغط



          الشكل هنا يشهي ماهيك......يابو شكيب..!!!



          لحظة التوزيع



          بعد كذا قلنا نب نتمشى شويا


          وتعمقنا بداخل الروضه شوي



          ثمن رجعنا المخيم...وجلسنا مابين سوالف واللي خذا له غفوه شوي...

          ثم بدأ تجهزي العشاء....وإبتدينا بالأخ اللي هنا




          الوداع الأخير لهالدنيا.....







          وأخيرا نزلناه بالقدر









          وهنا الشباب جالسين يحضرون لسلطة العشاء.....يسلم لي إيدياتهم يارب...




          لحظة غروب الشمس شيء خيالي...



          يتبع

            تعليق

            • وزير السلطان
              عضو مؤسس
              • May 2005
              • 3779
              #4
              واشيد خيمتي والدمع سايل... وانوح بصوت وازقر بالحوادي

              وهذه لحظة توزيع العشاء







              وبعد هالكبسه الجونأإأإأإن تحن قلبونا لبراد الشاي على الجمر






              وهنا الشباب كولهم...بيلوحون بإياديهم...حسبالهم أني مندوب جريدة الرياض



              يقول الشاعر:
              وعلى ضوء القمر تسري لك اهاتي وحرماني .................ومابين النوح وألوانه ودمع عيوني الشفقان





              والحين بدأت ساعة الرحيل من المكان اللي إجتمعنا فيه...أسأله سبحانه أن يجمعنا في دار كرامته
              جميعا...






              طبعا خذينا كل الأشياء الغير مستفاد منها ونزلنها بالنار...على أساس تنتهي من الوجود




              وهنا لحظة وداع للأصحاب...ربي يحفظهم ويجمعنا وأياهم في المرات القادمه على خير


              وهنا لحظة دخولنا لمدينة الرياض....

                تعليق

                • وزير السلطان
                  عضو مؤسس
                  • May 2005
                  • 3779
                  #5
                  احب البر والمزيون واحب البدو والاوطان واحبك قبل لا يدرون هلي

                  ونأتي الأن إلى أخر تقريرنا لهذا الرحله الممتعه
                  ونتقدم بالشكر الجزيل لكل من زارنا وشرفنا لهذا التقرير
                  وكعادة أخوكم
                  مايحب يطلع أحد إلا وخذا كرم الضيافه.....تفضلوا حياكم الله

                  هذا مشروبي المفضل الموكا




                  وياحلوه لو صار معاه كيكة الحروف





                  مخرج بسيط

                  حرام البعد يالمظنون حرام الصد والهجران
                  تعطف و ارحم المفتون بحبك هايم حيران
                  تبات انت مريح الشجون وانا شجوني بها طوفان

                    تعليق

                    • ح ـكآية
                      V - I - P
                      • Nov 2008
                      • 1818
                      • اللهم لك الحمد ..
                      #6
                      ماشاء الله عليكم فله وتعاون

                      تمنيت اني كنت معكم ياووووووووووو
                      الله يهنيكم يارب

                      تقبل مروري

                        تعليق

                        • مزون الربيع
                          عـضـو فعال
                          • Aug 2008
                          • 199
                          • تظن ان منزلك عندي صغيرواافقدك ادا غبت00

                            عسى الله لا يبين غلاك000وقدرك الخافي

                            انا لو جيت ابوصف لك مكانك عنديوحاولت00

                            بقدم لك سكوتي00ماحس انو الحكي كااااافي
                          #7
                          رحله ممتعه وموفق ان شاء الله

                          بجد شوقتني لمثل ها الرحلات

                          رحله جنان
                          والحمد الله على السلامه

                          رغم اني ماحب الموكا لكن اخدتها على شانك

                          يسلمو

                          تحياتي

                            تعليق

                            • بنت الاجوااد
                              عضو فضي
                              • Jan 2025
                              • 582
                              • ****((( حيآكم بالخيمه الرمضانيه )))****


                                http://v.3bir.com/235712/


                                كونو على الموعد ...teeth
                              #8
                              يعطيك الف عافيه على المجهود

                                تعليق

                                • عالي مستواه
                                  عضوه مؤسسة
                                  • Jan 2006
                                  • 1043
                                  • .
                                    .
                                  #9
                                  ما ششششاء الله عليكم ..
                                  والله الموضوووع بقو و و و ة بطل . ,
                                  من جد تصويرك وتعليقاتك واخراجك للموضوع حاقه ما حصلت . .
                                  والطلعة باين انها قميلة قدن .,
                                  وان ششاء الله دوم .. وعقبالنا احنا :(

                                  أهما شششي بالموضوع دي القملة

                                  وهنا الشباب كولهم...بيلوحون بإياديهم...حسبالهم أني مندوب جريدة الرياض

                                  ههههههههههه ضحكتني

                                  بس مين دا اللي يبدأ حرفو ب .. عسى مو وليد ؟

                                  فايف ستارز + تقييم .. وقليله بحقك كمان (:

                                  وأخيرا / . .
                                  ليتك اخدت صورة لابو متعب وهوا معاكم .,
                                  لان ضيف بمكانتو ما يتفوت ولازم ينأخد له صورة .. بس أنا متأكده إنو كان رافض
                                  ولا مثل هالشي ما يفوتك ..


                                    تعليق

                                    • ~oo×NAWARAH×oo~
                                      عضو متألق
                                      • Mar 2008
                                      • 446
                                      #10
                                      ياعيني عليكم ..//
                                      ياحبي لروضة خريم بس هالسنة ماجت على البال
                                      لقلة الامطار ../
                                      ماشاء الله تقريرك كان ممتع وحسستنا انه كنا معكم..
                                      انت والي مب معنا في المنتدى ..
                                      تسلم على كوب الموكا
                                      بس ماكانت القهوة التركيه هي المفضلة..
                                      ننتظر تقاريرك القادمة
                                      :,
                                      التعديل الأخير تم بواسطة ~oo×NAWARAH×oo~; 01-03-2010, 01:13 AM.

                                        تعليق

                                        السابق 1 2 3 template التالي

                                        google Ad Widget

                                        تقليص
                                        يعمل...