وماكنت .. بغير الله سأستعين ..

**تخفي غلآها** · 02-08-2010, 01:35 PM

خلني بحالي وروح اذا ودك تروح
لاتشيل همي دام قلبك جفاني

بتغيب غيب يالغالي مسموح
ترى غيابك مايحرك كياني

صدقني متعود اذا ضقت مابوح
والله ماتفرق معي يا اناني

هذا انا من الله خلق فيني الروح
كل مانتهى جرح يجي جرح ثاني

شفني مع الضيقات واشلون مطروح
شفني وشوف اشسوى فيني زماني

دنياي صارت كلها جروح بجروح
اصلا انا مخلوق بس للاماني

الهم والصدمات والثالث النوح
جوني يزفون بحياتي التهاني

ماهي غريبه لوتخليني مجروح
وتشوفني قدام عينك اعاني

وماهي غريبه لو تصد عني وتروح
غيرك عطيته ماي عيني ونساني

بقولك شغله ومن بعدها روح
مومشكله لاخنت حبي وحناني

الموت كل الموت مع طلعت الروح
لا شفت محبوبك مع شخص ثاني

**تخفي غلآها** · 03-08-2010, 03:59 AM

صبحكم الله بالخير .،
تكفون دعواتكم انقبل بالجامعه موعدي اليوم .،
اخ يالقههههر مافيهم الا الظلم .، وكله بالواسطات .، وبعد ايش العميد يقول اتحدى اخذنا احد بالواسسطه .، ع باله مصدقينه.،
المشكله وحد من زميلاتي نسبتها اليوم .، ومع الواسطه وكل شيء راحت امس واخذوها .، وللان ينكرون انهم اخذوا احد بالواسسطه.،
المشكله عيونا تششوف كيف معاملتهم لبعض البنات الي عندهم واسطه معامله مختلفه جدا ومازالوا ينكرون.،
والي امس اخذوهم احتياط .، اجل انا بكرا وش بسسو ولي شكلي بكبر المخده وانام بالبيت احسن .، ماتوقع يقبلوني .، بس بروح اليوم وانششبلهم بسسنتر عندهم من 7

عندها امل ،
لي يومين مرابطه عندهم ع الفاضي .،
والله حرام حتى الادبي قبل يومين اكتفوا وعلمي خلاص شكلهم اكتفوا .، يقولوا ايش المقاعد محدوده .،
لكن اذا كانت فيه واسطه تطلع مقاعد من فين مادري .،
حوسه وزحمه الجامعه والي اغمى عليها كل منهم لاتنظيم ولاشششيء .،
اخ بس شكلي مالي الا البيت والعصصر اروح لبيت الجيران يازين جلسسه البيت

تخفف ع روحها

اكره هالجامعه كلها واسطات وظلم ..، جامعه الملك عبدالعزيز اخذت نسب اقل الا هالجامعه ع راسها ريششه يعني .؟
اصلا انا مابيها

ماقول الا حسسبي الله ونعم الوكيل .،
والله الله بالدعوات الزينه.،
:(

**تخفي غلآها** · 03-08-2010, 05:16 AM

عسى ربي يوفقك يارب ويدخلك المجال اللي تبيه يادوبتي
ولاتخافي حتى مع هالواسطات وكل شي ربك مايضيع تعب احد

وياك يالغاليه .،
الله يسسمع منك يارب (=

**تخفي غلآها** · 03-08-2010, 10:47 PM

السسلام عليكم ورحمه الله وبركاته
ومازال نظام الظلم والواسطات في جامعتنا .،
اليوم رحت للجامعه مسكرين البوابه واحنا بشارع .،_______(( ماشاءالله عليهم عندهم ذوق

يقولوا ايش اكتفينا .، فين اكتفيتوا وانتم من الاساس ماخذتوا الا قليل .،
وكل الي قدموا اغلبهم من المدينه والقصيم .، واحنا وين نروح جامعتنا ولا قبلونا .،
المشكله حارس الجامعه يقولنا يابنات تروا فيه مقاعد لكن للواسطات وبعد يقول امس جو بنات نسبهم اقل من نسبكم واخذوهم .،
اخ والله قهههههر والادريات جوا بالمبني وماتسمعون الا صوت الضحك يضحكون علينا وجالسين يتفرجون علينا من الدريشه .، !
وايش بعد جابولنا الشرطه والهيئه .، وفيه شرطي جالس يصصور البنات __مروق الاخ
طلبنا العميد وجاء بس يرفع اصواته على اولياء الامور ويقول مافي مقاعد اكتفينا .، ياعمي وين اكتفيتوا اجيب كرسي معاي واجلس والابلاش كرسي بالحوش نجلس اهم شيء ننقبل .، !
مبنى طول وعرض ومافيه الاخريجي السنه هذي وبعد يكذبوا ويقولوا اكتفينا .،من يومين يعني اكتفوا .، ع بالهم ماحنا عارفين لعبتهم الي كل سنه يعملوها فينا .،
طيب استاجروا مبني .، بدل هالمشاريع الي تعملوها مالها داعي .،
الله لايوفقهم طيب ليش ياخذون نسب اقل منا .، ومن الاساس ليش اعطونا موعد وامل .، كان خلونا نقدم باي شيء .، اللحين كل شيء فات .،
ونطلب المحافظ يقولوا مسسافر.،
بس حلو جاء صحفي وششاف الوضع .، بجد شيء يقهههر من 7 الى 12 بالشارع لاهم قادرين يفتحون البوابه ويدخلونا نتفاهم .،
كله من راس زهور .، الله لايوفقها نظام الواسطات ماشي عن طريقها .،
ادرس 12 سنه وبالنهايه يقولوا الى ماعندها واسطه ترتاح وتجلس بالبيت .، الله لايوفقهم
بجد ماعندها قلب البنات يدعوا عليهم وبعد ايه هي تضحك .،
مايخافون من الله .، مايعرفون ان فوقهم رقيب وحسيب .،!
ماقول الا حسبي الله ونعم الوكيل .،
.
.
.
اللهم عليك بهم فانهم لايعجزونك.،اللهم ارنا فيهم عجائب قدرتك .،
فقد تجاوز الظلم حدوده بيننا .، وبات كالماء يجري تحت اقدامهم بلا مخافه .،
حسسبنا الله ونعم الوكيل .،

**تخفي غلآها** · 05-08-2010, 01:50 PM

ياشرفة الغياب . . كم غايب - جاي ؟!
و كم غايب بيظل ذكرى حزينه ؟!
و كم من صباح يمرني يطفي اشياء ؟!
و كم شي مر الصبح . . وأطفى حنينه ؟!

**تخفي غلآها** · 06-08-2010, 09:01 AM

صباحكم امل وخير وسعاده .،
اممم
بخاطري احتسي بس ماعرف وشلون اطلع الحتسي الي بقلبي :(
ماعرف افضفض للشخص غير يكون يمي يعني ماحب عن طريق مسن والا تلفون وماعرف اكتب لجل اطلع كل الي بقلبي .،
لازم وجها لوجه :(
ودي اسال الناس الي فقدو غالي وشلون تحملوا فراقه وشلون رجعوا لحياتهم طبيعيه .؟!
جد حاولت لكن ماقدرت شي صعب الشخص يرجع زي قبل .،
..................................الخلوه مع النفس تجيب الهم .، وكثره التفكير ..~
جد الواحد قد مايقدر يبعد عن التفكير .،لكن مو بيده هالششيء .،
ماقول الا
.
.

جرح الفراق بخاطري ماقدر انسساه .،
.................................من يفقد احباب عسسى الله يعينه .،

**تخفي غلآها** · 17-08-2010, 03:35 AM

=(

الهي*،
امحي ذكرا ا ا ا اه من قلبي
............................فانها تؤلمني....!

**تخفي غلآها** · 22-08-2010, 01:08 PM

وحشتيني (=

مطنوخة سعيده وبشده هذا الصباح (=
.،

ان شاءالله دوم يالغاليه (=
والله يجعل لك بكل خططوه سعاده ..~
يابت وحششتيني وينك ماعدت اشوفك.؟!
الموهم انك بخير يارب .،

**تخفي غلآها** · 27-08-2010, 04:22 PM

رد: مايخونك قلب علمته وفاء

...
السلام عليكم ورحمة الله وبركاته
مساؤكم .. طاعه

فضل قراءة سورة الكهف
قال صلى الله عليه و سلم :
"من قرأ سورة الكهف في يوم الجمعة أضاء له النور ما بين الجمعتين" رواه النسائي والحاكم
سورة الكهف
نحن مع سورة هي نور للمسلم إذا قرأها ما بين الجمعتين،أضاء الله له النور ما بينه وبين البيت العتيق يوم القيامة ...فهي حرز وأمان للمسلم من نزغات الشيطان وتوهينه وكيده..
قال صلى الله عليه وسلم: (من قرأ سورة الكهف -كما أنزلت- كانت له نورا يوم القيامة من مقامه إلى مكة ومن قرأ عشر ايات من اخرها ثم خرج الدجال لم يضره...)

اسأل مالك الملك ..
الذي يهب ملكه لمن يشاء
أن يغمركم بنعيم الإيمان .. وعافية الأبدان ..
ورضا الرحمن وبركات الإحسان
وأن يسكنكم أعلى الجنان ..

...

**تخفي غلآها** · 27-08-2010, 04:48 PM

رد: مايخونك قلب علمته وفاء

مخنوقه يمه، و أحس الخنقة هدتني . . !

مكسورقلبي . . و عيني مدري وش فيها !

و دموعي اللي غصب عن عيني بكتني
مليت أغمض جفوني { . . لجل أداريها ! !

وماكنت .. بغير الله سأستعين ..

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget