ديوان هلال المطيري

تقليص
X
تقليص
 
  • الصفحة لـ 1
  • الوقت
  • عرض
إلغاء تحديد الكل
مشاركات جديدة
السابق template التالي
  • طير القوافي
    V - I - P



    • Apr 2009
    • 9205
    #1

    ديوان هلال المطيري

    السلام عليكم






    هنا ديوان الشاعر الرائع / هلال المطيري

    سوف نقوم بوضع قصائد له وابيات عن قصائد

    والشاعر هلال المطيري ضمن المشاركين في شاعر المليون

    ولكن ضهوره كشاعر كان قبل المليووون بعشرات السنين

    اتركمم
    الكلمات الدلالية (Tags): لا يوجد
    • طير القوافي
      V - I - P



      • Apr 2009
      • 9205
      #2
      بيتين له رددها الكثير والكثير
      حفتهما منذو صغري

      ولم اعلم منهو شاعرها
      فما بحثت عن الشاعر وجدته هلال المطيري


      بعض العرب طبعه مقدر ومحشوم
      وبعض العرب عيب عليك احترامه
      ....
      واللي ستر عيبه عن الناس بهدوم
      وش يستره لاصار عيبه كلامه

        تعليق

        • طير القوافي
          V - I - P



          • Apr 2009
          • 9205
          #3
          بعذر السحاب اللي ترزم ولا هل
          علي دروب ضايع من رجاها

          مابقي الا شجرة مالها ظل
          لو الجراد يمرها مارعاها

          الصاحب اللي لا تعذر ولا مل
          وش بعدها وش عقبها وش وراها

          كم له وهو يخطي وانا اقول مازل
          من يفقد بيوت الحيا ماعطاها

          عذبتني ياراعي الطرف الاكحل
          ليت الظنون جروح والقى دواها

          ليتك عدو وارتاح من شرهة الخل
          ولاتلحق النفس الوفيه وفاها

          ماهو شجاع اللي يشوفك ولاذل
          من خاف من عين المحبه حماها

          ماقول وش يفرق عيونك على الكل
          الكل في عيونك ولاحد ملاها


          هلال المطيري

            تعليق

            • طير القوافي
              V - I - P



              • Apr 2009
              • 9205
              #4
              بشاير الايام في حكمة الغيب
              يامن يبشر مسهر العين بنعاس



              مادت هيال ولا مكنت المقاضيب
              يارب عطفك لايضيقن الانفاس


              اخطيت قالوا لي وقالوا لي مصيب
              وليت المصيب عن الخطى قال لاباس


              عامين ماسمع للسوالف ولا اجيب
              لاسرني حظ ولا مل عساس


              غديت مابين الوعد والمناديب
              لا عاذر(ن) نفسي ولا لايم الناس


              كن النصيحه من كبار العذاريب
              لوقالها الطيب من الراس للراس


              كن النوايا شرها له مخاليب
              تجرح صدور(ن) خيرها ماله قياس


              الصدق كلمه ماتبي منك ترتيب
              وتموت لامن قيلت على ميت احساس

              طويل بالك تختصره المطاليب
              وش كبر همك لاصبح الضحك مقياس

              اما يخفف وقع الحال تكذيب
              والا نوقف لباب الاحلام حراس

              هلال المطيري

                تعليق

                • طير القوافي
                  V - I - P



                  • Apr 2009
                  • 9205
                  #5
                  الشاعر هلال المطيري


                  العمر جمره والمشيب الرماده = لاضاق صدرك مرضي الناس يرضيك

                  لازاد عمري زاد حبك زياده = والا أنت لامن زاد زاد الحلا فيك

                  والله مدري بس هذي شهاده = كن العمر يكبر جماله ويعطيك

                  صارت سنين العمر مثل القلاده = تاخذ من عيون القصايد وتهديك

                  هي ذكرياتك باقيه للسعاده = والا السعاده ذكرياتك وماضيك

                  ماهوب عاشق من تحقق مراده = لا فكه الله من جفاك وتغليك

                  يمكن فرح بك حظ تقليد عاده = لكن غلا والله مهو بمغليك

                  يامن بلاد الحزن صارت بلاده = ترى فرح غيرك يضرك ويبكيك

                  لو ينفع العاشق كثير اجتهاده = ماعاش مع هذي وهو ميت بذيك

                    تعليق

                    • طير القوافي
                      V - I - P



                      • Apr 2009
                      • 9205
                      #6
                      ياعاشق الصمت بيبان الحكي فضه = أدخل بها يمكن الاحزان تنساني

                      مض الزمن بالحكي والسالفه مضه = ما باقي الا انت..والا..مت وحداني

                      مابيك تذخر تعب كل التعب قضه = مرتاح لا صرت تأمرني وتنهاني

                      لك وردتين على صدر الترف غضه = لا مال غضك تهاوت لين تلقاني

                      ليل جمعته تحت تاج الذهب قضه = من هامة النور.. والقى ليلي الثاني

                      حتى تجيك الجروح الزرق منقضه = من خاطري لين ينطق حبك لساني

                      لو تشعل الجمر ماني خايف عضه = اكتب بلونه مواعيدي وعنواني

                      ما شفت غيرك عشان اقول يا حظه = هنيت نفسي معك من كل وجداني

                        تعليق

                        • NEXT
                          عـضـو فعال
                          • Sep 2010
                          • 73
                          •
                          #7
                          رد: ديوان هلال المطيري

                          شكرا

                          الله يعطيك العافية

                            تعليق

                            • طير القوافي
                              V - I - P



                              • Apr 2009
                              • 9205
                              #8
                              رد: ديوان هلال المطيري


                              اسعدني تواجدك وحضورك المشرف لي كثير
                              طول الله عمرك ياطويل العمر
                              الله يعافيك
                              حياك الله

                              مودتي
                              طير القوافي

                                تعليق

                                السابق template التالي

                                google Ad Widget

                                تقليص
                                يعمل...