المقادير :
سارا كيك فانيليا جاهز
2علبتين جلي فراولة اذوبهم في كوب واحد من الماء الحار مع 2 ملعقة سكر
10 حبات جبن كيري مربعات
علبة واحده قيمر (قشطة)
علبة كريمة للخفق (كريمة حمره يسمونها)
كوبين فراولة مثلج (الجياسة اللي تنباع بالجمعيات مثلجه)
الطريقة:
الطبقة الاولى اصفف سارا كيك فانيليا في صحن الدائري الخاص للكيك واللي يفتح من الجوانب ويفضل تيفال
الطبقة الثانية بالخلاط 10 جبن كيري مع الجلي 2 طبعا اكون قبلها مذوبته وبعدين اضيفه بالخلاط وهو حار واضيف القيمر والكريمة وكوبين من الفراولة المثلجه لمدة 7 دقايق بالخلاط ولما اشوف انه الفراولة المثلجه ذابت وطبعا الخليط راح يكون لونه وردي فاتح
احطه بالفريزر لمده ساعتين حتى تتماسك هالطبقة جيدا
وبعيدين اطلع الكيك من الفريزر واضيف الطبقة الثالثة وهي عباره عن 1 علبة جلي مذاب فيك كوب ونص من ماء الحار مع ملعقتين سكر واخليه يبرد هالخليط وبعدين اضيف فوق الطبقة الثانية وشوي شوى بالملعقة
واحطه بالثلاجه لما تتماسك الطبقة الثالثة وهي الجلي وطبعا بالنهاية راح نفتح القالب الدائري من الجوانب وراح يكون اكيد شكلها دائري وحاولو تمريرها بسكين قبل لا تفتحونها من الجوانب وبالعافيه عليكم
وانشالله تعجبكم ولا اطوفكم واذا عندكم اى استفسار عن الكيكة انا حاضر