قالوا : لي ارقد قلت : ماجاني نعاس""قالوا: سهاله قلت : ماهي سهاله

ماهي بلحية ضحكت والناس جلاس""وقت الحميه كل شيٍ لحاله

ياهيه ماهو ضحك وأقول لا باس""اللي يطوف يطوف مالي وماله

المسأله بديت فيها على ساس""انك تشيع إشاعة بالوكاله

لكن خذ المعنى على خد قرطاس""قصيدةٍ تبقى لجيلك رساله

حنا مطير أفعالنا ترفع الراس""والنذل من يطلق علينا النذاله

حنا على روس الوفيين نبراس""رمزٍ عسانا ما ندور بداله

فينا (وفا) فينا (كرم) ماله قياس""والطيب يبقى دام حنا عياله

طيبٍ بقى مثل الجواهر والألماس""معدن ذهب فوق الأصاله أصاله

حنا من أصغرنا له العز نوماس""ليا لاح له برقٍ كريمٍ رقاله

زبن الدخيل اللي شكى لوعة الياس""وعوووون الرفيق بحلته وارتحاله

ياما تكاتفنا على قب الأفراس""للظلم ظلم وللعداله عداله

لا ثارت الهيجا قبل قطع الأرماس""كل شي يهون ولا نوينا صماله

بالفعل ما حنا مثل فعل جساس""ماهو ظفر طعن الظهر للثعاله

لا تسمعووووون منقع الهرج يا ناس""اللي ينال من الردا ما يناله

خطه عدا كلمة ردا مالها راس""وقامت تناقلها ضعوف وجهاله

اليا خطينا قالوا :العرق دساس""صاير [مطيري] ألعن أم النذاله

كلمه وجات بلحظة تشبه الياس""من بعدها من ريح البال باله

ماهي سهاله إن جات من أطيب الناس""وإلا الخبول ان جات منهم سهاله




الشاعر : فارس الساير