جلست البارحه والفكر حالف ما يجيني نوم
أبي أكتب قصيده .. بس وين ألقى اللي تشبهلك ؟

ومن باب المسا طلت عيونك .. حفلتين ا نجوم
وشفت مراية وسط السما في وسطها مثلك

أقول النور؟ يمكن .. بس فرق النور فيك يدوم
وحللت الصعب من يوم حاولت أكتب افسهلك

توكلت ودعيت الله وكيلك دعوة المظلوم
وخفت ادعي عليك .. وصارت الدعوة على أهلك !!

عرفتك يوم ..وعشقتك قبل عامين من هاليوم
واظنك همت فيني طول عمرك وانت في جهلك !!

الا من شفتني زعلانة متشرهه بالكوم
فلا تشره علي .. إلا تشره بس على وصلك

يموت الشيخ ما يوصل مكانك وان علا فالقوم
وباقي الناس تعلا لو توصل ما وطت رجلك

قصيدي حين يقعد لك.. وحين يرتبك ويقوم
إلى من حس بقدومك.. بأقل ..شوي.. من مهلك

أحبك وان غدى حلمي قصيده ..قلت.. صح النوم
يقوم الحلم عمره ما يلاقي شي يشبهلك ؟!