تويت
قصيدة عارية - عبير بنت أحمد
من قصائدها الوطنيه و الاجتماعيه ...
~ عارية ~
تمشي ولاهي أبد بالمشي متواسيه
فالسوق .. والناس تركض تبدي اعجابها
عباية لابستها عاريه كاسيه
وشلون اجل لبسها من داخل حجابها ؟
هي مسلمه.. بس .. خلت نفسها خاسيه
أبوي لو ذيك بنته ؟؟ حرم إنجابها
وين الحشيمة وين عقولنا الراسيه
والا النصيحة أبد ماعاد يرجا بها ؟؟
لاقلت وش حكم لبسك .. رددت :- ناسيه
عبايتك – صدقي - ملعون من جابها ...!
راحت وانا اشوفها مثل الحصا قاسيه
تلبس قزازة عطر من ريحة حجابها
تمشي ولاهي أبد بالمشي متواسيه
يمكن لأن البشر مانالوا اعجابها
