اه يا هم تهون إ له الحتوف
واه يا وقت رخص فيه العمر

من يقول الحظ / لو نصبر يروف ؟
والقهر لا مات .. يورثنا قهر ؟!

والظروف ان كانها مثل الظروف
وش بيد المحتضر غير الصبر

لا الإذن تسمع ولا فالشوف شوف
ولا العقل صاحي ولا شارب خمر !!

والحزن شهم يحوف الحال حوف
والدموع ف دلة وسط الجمر !

ما على الدنيا مخاسير وحسوف
ما بقى بالطيب ربع اللي خسر

ذا محمد راح مع ساره و نوف
ما يوازي وحشة الفرقا كدر

لو حرمه الله لا عينه تشوف
فالجنان الحيييين شاف اللي يسر

ذاك يوم ماله بوصفي وصوف
ذاهلين و ينقسم فيه القمر

تحت حر الشمس والعالم وقوف
والكتاب يديننا .. وين المفر

البلا كل بهالدنيا شغوف
يا هنى منهو توعظ واعتبر

واه من قلب يموت بلا حتوف
واه من عمر يضيع بلا عمر