يعني من جدك تفكر عنك تكفيني قصيده ؟
لا زعلت ارجع لها وارضى وانا كلي عتاب ؟؟

وإلا يعني ذي جزات القلب يوم اعطاك قيده
يومني مأخترت غيرك إنت من بد الشباب ...؟


لا !
.
.
.
لا
.
.
.
لا ورب الخلق مأركع لأي عبد من عبيده
لا ورب الخلق وش لي بالمهانه والعذاب ؟؟

دام راس العز راسي والطريق أمشيه ( سيده )
لا الدروب العوج تعنيني ولا هي لي ماب

وما يضر الدمع عيني لا مسح حزني بإيده
لو تقفل باب واحد ينفتح لي ألف باب

إسأل اللي يعرفوني .. لينه لكن شديده
وإن تحيرت بطباعي ؟ دوك من عندي جواب :-

ما قهرت بإبتسامي غير فجر يوم عيده
واللي اهدي له خفوقي .. جاه من ربي ثواب

الله اللي جامع بي كل ميزات فريده
ومالقيت / إن كان طيبي / يستحق إنه يعاب

وأدري إن الورد فتنة / كل من شمه يريده
ما تشوف العطر / توه فالمهد / لابس حجاب !!

ولنت مرضيني ولو خلدت حبي في قصيده
بس يمكن / يممممكن ارضى..في مسا ( كتب الكتاب )