إلى متى يعني على ذا الحال؟
لا شغل يشغلني إلين الحين

أبي وظيفة ، وابتدا الموال
عجزت لا ألقى شي يملا العين

يا مكتب وعندي ثلاث رجال
أو مدرسة في قلعة لوادرين

والا معاهد نصب واستغلال
عقب الوسايط راتبك 2000

أو شركة بتزيد راس المال
بأصواتنا و احنا نرد ب لين

والا بمستشفى في الاستقبال
و12 ساعة دوم متغطين

والبنك صاير حلم ما ينطال
كل ما سألت يجاوبوا: بعدين

دخلت الاسهم مضرب الأمثال
أحسب حلالي يوصل الضعفين

والحين نصفه راح في غربال
والنصف الاخر ناقص الثلثين

مالي سوى أصبر وصبري طال
والحال أسود من غراب البين

الله يعدل ميلة الأحوال
قولوا معي ياسامعين: امين