تعب هالقلب من همي تعب من طرفي الساهر
تعب من غربته حتى و لو هو بين أصحابه

وسعت بصدري أحزاني و ضاقت بي سما الحاضر
وش أردى من سواة القلب لا من ضاق باحبابه ؟

( مفارق ) .. أقرب هموم بقلبي ما لها اخر
و اظن ان الفراق أهون ( وصال غابت أسبابه )

أنا و إن غبت ما غابت حروفي بإسمي تفاخر
نقشت إسمي على كف القمر و زين خضابه

أنا اللي لا نويت أكتب يفز الشعر لي صاغر
يبي يحظى بأبيات تشرف فهرس كتابه

ذبحني حر هالفرقا كأني حرمة عاقر
تشفق لو تشوف الطفل بين ايدينه ألعابه

أحب اللي يبي وصلي و حزن يوم أنا اسافر
يعاف العيد من دوني و حار الدمع بأهدابه

تعبر وجهه بعبرة يتيم يكسر الخاطر
ويطوي عمره إهمال يطول الوقت ما عابه

أنا برجع لكم مابي ورود ترضي القاصر
ولا عطر ومفارش حمر أو حفلات صخابه

أنا برجع أبي ألقى قلوب تعكس الظاهر
أبي لا من رجعت ألثم زوايا البيت و ترابه

أنا برجع لمن ظلوا نشامى والوفا نادر
لوقت الحزن و الأفراح كل شرع أبوابه

أنا برجع لكم باكر .. و حتى لو بطى باكر
مرد الشمل في يوم يعود الطير لأسرابه