لمعوا إسمي مثل ما تشتهون
لبسوا شعري صناديق ا ذهبي

وامدحوني ضعف منتم تمدحون
دام هذي كورتي في ملعبي !!!

فهموا سحر القوافي وش تبون؟
واتركوا قلبي على ما هو يبي !

ليتكم يوم ان عرفتوا تجهلون
ما جهلتوا معرفة حظ غبي !!

ابتدت فيني غرابيل و طعون
وانتهت فيني براءات ا لعبي

مابقى مني سوى روح و شجون
أغتذي عمري ودمعي مشربي

لو على همي أنا ؟؟ كلش يهون
بس لو أدري حياتي وش تبي؟!

يمتلي سطري بهمزات وسكون
و البنا(ء) أصبح ضحية معربي

وينهم ياللي اذا هم يشعرون
الشعر واحنا لهم نحبي حبي

يحلفون و يحلفون و يحلفون
ما لهم مطلب يوازي مطلبي

أسقي اوراق الشعر حبر العيون
العيون اللي كما عين الظبي

تصغر الدنيا إذا هم يزعلون
وإن رضوا كل الضوايق ترحبي

تاجي الطيبه ولو وشو يكون
اوي هموم يشيب إ لها الصبي

لكن الشرهه على اللي يدعون
الشعر عن قولة إني معجبي

المشاعر و المعاني و الوزون
والهجوس اللي تحدد منصبي

نختم بمثل الذي به تختمون
بالصلاة اللي على اخر نبي