تويت
قصيدة أنتم الدولة - عبير بنت أحمد
من قصائدها بالمدح و الفخر ...
~ أنتم الدولة ~
قدمتها ليلة العيد في ذكرى زواج والداي
~~~~~~~~~~~~~~~~~~~~~~~~~~
سنة .. تقفي سنة .. تقفي سنة .. تقفي وراها اعوام
على عهد المودة كل شعب وانتم الدولة
غرستوا تربيتنا تحت ظل وراية الإسلام
وغرس كان غرسه من وراكم ؟ حظ محصوله
نعم يمه فديتك كل يوم وانتي الإلهام
لكل اشعار كتاب القصايد واللي باقوله
بحضنك يا بعد قلبي سهرنا.. وان بغينا ننام
تلحفنا حنانك و السهر لك سحب رجوله
وهذي يا يبه بنتك تسابق ظلها قدام
و فخر مافتخرته لك .. أجل بالله منهو له ؟!
ابوي احس ابوي إن قلتها .. صار الوجود هيام
وانا خبري من اول معجبه..والحين مهبوله!!
مضت عشرين عام .. كنها من عشتكم .. أيام
وقت دونكم ( وان كان لحظة) قلت يا طوله
وانا يا شاعرة ؟.. إسم اني اكتب و الهم الأقلام
ولكن .. لا قصيد عبر و لا جبت مدلوله
عساني ما اخلا منكم.. واحقق معكم الأحلام
ودام اليوم عيدي .. كل شعب وانتم الدوله