~ صغيرة بيت أبوي ~

قالتها في زفاف أختها مشاعل

~~~~~~~~~~~~~~~~~~~~~~~

ما ألوم الشعر لو تقصر تعابيره معاك
كيف أجل لا صرت ابكتب وانتي الليلة عروس

يا صغيرة بيت ابوي و يا كبيرة في غلاك
ومن غلاك اغلي معك مغليك وأرخص لك نفوس

ياللي أهديتي عيون الناس شوفتهم بهاك
و في رجاحة منطقك والذوق أعطيتي دروس

وما عطيتي فرصة لمخلوق يلحق مستواك
حتى في رفة جفون العين لك فيها طقوس

يا مشاعل والحلا كلمة قليلة في حلاك
يكفي ان الأرض تزهر لا بغت رجلك تدوس

وجالك محمد ترك ناس ايتمنونه / فداك
لو طلبتي شمعة / أهداك من جوده شموس

فارس من طيب أفعاله / عطاه الله ملاك
والشهامة فيه مثل البذر في الصغر امغروس

كاتبه ربه شريك لك ويتنفس هواك
يطلبك تقديره وإحساس ماهوب امحسوس

لا رضى عنك رضا ربك ويحصل لك رضاك
والجمال يزول / و الأخلاق ما تشرى ب فلوس

جعل هالليلة بداية عمره الهاني معاك
وجعل كل ايامكم بهجة و لا فيها عبوس

ويحفظك ربي من الحساد ويحقق مناك
يا مشاعل / و ارقصي يمه / ترى بنتك عروس