تويت
بسمة شفاتي من الظلم تهجر الفم
بسم الله الرحمن الرحيم
أشتاق للضحكة وأشتاق للهم
وأحتار مابين الرضا وانكساري
وتجتاحني الدمعة مع بسمة الفم
وأبكي وأضحك بس دون اختياري
ما نلام ياعالم غدت عيشتي وهم
ودمعي مصاحبني بليلي ونهاري
تجرعت من كاس الهوى أطيب السم
وبكيت من حبي وقهري وناري
معاناة دمع وضيم والحزن والظلم
من أقرب العالم سبب في انهياري
صارت رسوم الدمع بخدودي وشم
وذوى شموخي.. من بياخذ بثاري؟؟
ياحسرتي من هم بالقلب يلتم
وياحر قلبي من لحزني يواري
زهرة ذوت تبكي على عمر ما تم
عاشت بجدبة أرض وقسوة صحاري
ترى الورد يضحك من اللمس والشم
وجروحها بركان.. كل ساعة يثاري
اه يا قلبي.. لمتى نبضتك هم؟
أحس إنه معي عايش وبوسط أفكاري
يمشي بعروقي مصاحب القهر والدم
وأكتمه بقلبي مثلما أكتم أسراري
وبوحي لمتى مكبوت من كتم في كتم
والفرح يصرخ .. من سبب انتحاري؟
والصبر مأساته معي كنها حلم
يتمنى موته من اللي شافه بأقداري
بسمة زماني من الظلم تهجر الفم
وحفرة لحدهابتنحفر وسط داري
يرثيها حرفي بالبكاء والألم
وفاتها حول حياتي ومساري
شعاع أملي يحجبه غيمة الغم
و عيني تهل من العنا أمطاري
ياربي أرجي عطفك برحمه تعم
تفرج بها همي وتداوي انكساري
بقلمي..
تعليق