البارت السابع


هنا فيصل سيب خاله يتكلم ودف الباب وراح يجري عند باب الشارع وفجاءه الكل سمع الباب لمن اتخبط وقام بسرعه اما فيصل صار يجري في الدرج ويبكي ويصرخ ليش ليش
ومانتبه انه طلع على خط السيارات وفجاءه تجي سياره طايره من السرعه و تطير فيصل معاها في هذي اللحظه ريناد قلبها صار يدق وقتها سمع الكل صوت تفحيطه قويه
ريناد: لالالا فيصل
نزل يجري سعود ومحمد لقيه فيصل في الارض وكله دم من قوة الصدمه لانه وقتها طاح على قزاز كان مكسور في الارض ودخل كله في جنبة من الجهه اليسار
راحت ريناد تجري تطالع من الشباك لقيت الناس متلمين حولين فيصل وهو صارت تبكي الكل حاول يهديها وهي مره منهاره
اتصل سعود على الاسعاف وجاه اخد فيصل وراح معاه سعود على المستشفى وهناك دخلوه على طول على العمليات
وريناد في البيت تبكي وكانت تبغى تروح لفيصل المستشفى علشان تكون قريبه منه فقرر محمد انه ياخدها ويروحوا المستشفى
راحت رينا د وامها ومحمد ورونا المستشفى
قعد فيصل في غرفة العمليات 3 ساعات وريناد واقفه عند الباب مستنيه أي احد يطلع يقولها أي خبر عن فيصل
وفجاءة تطلع الممرضه تجري تنادي دكتور ثاني راحت ريناد تجري عندها تسالها ايش في فقالتلها انه مره تعبان ويبغوا دكتور ثاني يساعدهم
ومرت ساعه واثنين واخيرا طلع الدكتور راحت ريناد تجري عنده علشان تتطمن على فيصل
ريناد: وهي تبكي دكتور كيف فيصل كيف حبيبي
الدكتور: الحمد لله لحقنا عليه في اخر لحظه القزاز مادخل مره عميق بس مره نزف كثير احنا الحين منتظرين انه يفوق
ونتاكد انه بخير
ريناد: طيب هو ايش صار فيه
الدكتور: انكسرت يده اليسار ورجله اليسار فيها شعرين وشويه جروح في وجهه هذا غير الزجاج الي كان في جنبه اليسار لانه من الواضح انه الصدمه كانت من الجهه اليسار
ريناد : وهي تبكي طيب امانه يادكتور يعني فيصل طيب
الدكتور: ان شاء الله اهم شي ادعولوا
ريناد:يارب تقوم بالسلامه ياحبيبي
جاه وليد اول ماعرف الي صار واوا ماشفته ريناد راحت تجري ضمته وصارت تبكي بقوه
قاعدوه ينتظروا فيصل انه يفوق علشان يتاكدوه انه بخير وهنا محمد اتصل على امه علشان يقول لها الي صار مع فيصل وتجي هي واخوه الكبير فهد
ويطلع الدكتور ويقولهم انه فيصل فاق وانه طيب والحين راح ينقولوا على غرفه فوق وقتها رينا د ومن دون شعور سجدت على الارض وحمدت ربها انه فيصل طيب
طلع اثنين من الممرضين ومعهم فيصل على سرير العمليات علشان ياخدوه على فوق ووقتها ريناد شافته وقعد تبكي وتفتكر شكله لمن كان يعاندها وشافت فيصل الي كان كله حيويه وحركه الحين على سرير ماراح يقدر يتحرك لمدة 4 اشهر
صار الكل ماشي واره سرير فيصل الى ان طلعوه فوق في غرفته وسلم عليه الكل وجات امه وفهد ودخلوه عنده سلموا عليه
كان عند فيصل في الغرفه تهاني وايمان وفهد ومحمد وسعود ..وريناد واقفه بره خايفه تدخل وتشوفه الا جاها وليد و قالها انها تدخل علشان يشوفها فيصل ويفرح لان أهم شي نفسيت فيصل ما تتعب
راحت ريناد قربت عند الباب وجاه ابوها حط يده على كتفها علشان يشجعها انها تدخل وقررت في هذا الوقت انها تدخل فتحت الباب ودخلت واول ماشافها فيصل صار يبكي الكل ماكان متوقع الكلام الي فيصل راح يقوله لريناد
فيصل:وهو مو قادر يرفع راسه انتي ليش جايه
ريناد: مصدومه انا
فيصل: ايوه انتي ايش تبغي مني ثاني
ريناد: انا
فيصل:ليش رفضتيني ليش عيشتيني على حلم ليش ماقولتلي من زمان كان مابنيت احلام على الفاضي كان ما اتعلقت فيكي
وصار يبكي بقهر
ريناد: مين قالك اني رفضتك
فيصل: كمان ماكنتي تبغيني اعرف ليش ليش ياريناد وانا الي حبتك من كل قلبي وصرت مكان ماروح اشوفك معايا انا ايش سويت لك لدي الدرجه هنت عليكي وهان حبي عندك خلاص روحي اطلعي بره وسيبيني خلاص مابغى اشوفك ودار وجهه
ريناد: انا اصل مارفصتك بالعكس اول ماقالي بابا قولتله ردي وبعدين انت مين قالك
فهد : خلاص قال مايبغى يشوفك اطلعي بره
ايمان: مو كفايه ولدي كان راح يموت بسببك ماكافكي
فيصل: استني يا امي يعني انتي مارفضتيني
وليد: اول شي انت مين قالك انها رفضتك
فيصل:خالي حمد
وليد: طيب ياحمد والله ما اسيبك
فيصل : وهو مره متالم ريناد ردي عليه انتي يعني تبغيني ولا لاء
ريناد: عندك شك اني مابغاك
فيصل: جاوبيني
ريناد: وهي تبكي ايوه ايوه ابغاك وماقدر اعيش من غيرك ,,وصار تبكي بقهر
فيصل:متاكده
ريناد:عندك شك
فيصل: انا الحين ارتحت وغمض عيونه
ريناد: فيصل فيصل ايش فيك رد عليه
فيصل:_________
سعود حاول يحرك فيصل بس مافي نتيجه
ريناد: احد ينادي الدكتور بسرعه
راح محمد يجري نادى الدكتور وجاه هو والدكتور
الدكتور : فضوا الغرفه بسرعه
ريناد:ليش ايش فيه فيصل
وليد:تعالي يابنتي نطلع
ريناد:لا لا ابغى اكون جنب فيصل
وليد :طيب خلي الدكتور يشوف ايش فيه وبعدين ارجعي ثاني

مشكوره عالبارت
استمري متابعه لك
لاتطولي علينا

البارت الثامن


طلعوا كلهم خارج الغرفه الا محمد قعد مع الدكتور وصار الدكتور يكشف على فيصل يحاول يعرف ايش صارله وليش فقد وعيه وبعد فتره رجع فيصل صحي اطمن عليه الدكتور واعطاه ابره منومه علشان يرتاح لانه مو طيب عليه المجهود والانفعال وكمان مو طيب عليه لو رجع اغمى عليه ثاني وطلع يطمن الباقي
الدكتور : الحمدلله استعاد وعيه بس اعطيناه ابره منومه علشان يرتاح وما ينفعل وان شاء الله بكره يصير احسن
وليد:طيب هو مافي أي خطر على حياته
الدكتور: لا ان شاء الله بس اهم شي انتو ادعولوا
وليد: تسلم يادكتور
الدكتور :الله يسلمك وراح
سعود:خلاص انتو الحين ارجعوا البيت انا راح اقعد عنده
محمد: لا انا راح اقعد
سعود:انت عندك زوجتك اما انا ماعندي احد يالا روح انا الي راح اقعد
وليد:ايوه صح يا محمد سعود معاه حق
محمد:طيب راح اروح بس امانه اول ما يصير شي تكلمني تقولي
سعود: ولا يهمك
وليد:يلا احنا كمان نروح
ريناد: وهي تبكي سعود الله يسعدك كل شويه كلمني طمني على فيصل
سعود:ان شاء الله ولايهمك وانتي أي وقت اتصلي
رجعت ريناد مع امها وابوها لبيت جدتهم وهناك لقي وليد حمد قدامه واقف فا راح على طول وضربه ومسكه من ثوبه وقاله والله لو صار لفيصل شي ماحد راح يفكك من يدي يا نذل
وهنا الكل عرف عن الي صار مع فيصل ومين السبب فيه فقامت الجده وطردت حمد من البيت
وثاني يوم قام فيصل وطلب من سعود انه يكلم ريناد علشان يعتذر منها لانه صدق انها رفضته وعن الكلام الي قالوا لها امس واخد جواله واتصل واول ما شاف ريناد رقم فيصل حست نفسها تبكي لانها افتكرت ايام زمان وما قدرت تسيطر على اعصابها وبكيت وبعدها ردت
فيصل:الو
ريناد:_________
فيصل:ريناد انا عارف انك على الخط وعارف انك زعلانه مني ومعاكي حق بس والله انتي لو مكاني ايش راح يكون موقفك.
ريناد:انا لو مكانك مستحيل اصدق كلام عنك من أي احد فيصل انت على طول اتهمتني وجرحتني قدام الكل وحتى ماعطيتني أي مجال ادافع عن نفسي,,,وصارت تبكي بقهر
فيصل:والله عارف اني غلطان بس انتي الله يسعدك لاتحكمي على الكلام الي قلته وانا تعبان صدقيني ماراح تتخيلي انا قد ايش ندمان وانا مستعد لاي شي تطلبي مني والله لو تبغيني اعتذر منك قدام الكل بعد ما جرحتك قدامهم وصار يبكي
ريناد: لا يا فيصل ولا يهمك اصلا انا خلاص ماني زعلانه بس اهم شي انت لاتبكي
فيصل: من جد مانتي زعلانه ولا بس علشاني تعبان تقولي كذا
ريناد:لا والله من جد ماني زعلانه وبعدين خلاص اهم شي انك اعتذرت مني انا اما الباقي مايهموني واهم شي كمان انك تعرف وتصدق اني ما رفضتك
فيصل:والله مصدقك
ريناد:فيصل
فيصل:عيون فيصل وروحه
ريناد:ماقلتلي انت كيفك الحين حاسس بشي
فيصل:كنت تعبان بس لمن سمعت صوتك ارتحت مره
ريناد:من جدك تعبان
فيصل:لا الحمدلله امزح معاكي ..وهو يحاول يخفي المه
ريناد:اكييد
فيصل: ايوه اكيد
ريناد:الحمدلله
فيصل:ريناد ان شاء الله اول ماراح اطلع من المستشفى راح اجي اخطبك رسمي حتى وانا لسه بالجبس
ريناد:ههههههههههه
فيصل:ليش بتضحكي
ريناد:ولا شي
فيصل:من جد ليش
ريناد:متخيله شكلك وانت جاي تخطبني بالجبس
فيصل:تتريقي ها
ريناد: لا والله
فيصل: طيب ايش قولتلي
ريناد:انا راي نستنى لمن تفك الجبس لان هاهم شي عندي الحين صحتك.
فيصل:يعني لسه موافقه
ريناد:اكيييييييد
فيصل:خلاص راح احاول اني استنى الى ما افك الجبس بس ما اوعدك
ريناد:طيب
فيصل:طيب ياروحي راح توحشيني مرره
ريناد:وانت كمان
فيصل: وانا كمان ايش
ريناد:__________
فيصل:فين روحتي
ريناد:ولا مكان
فيصل: وانا كمان ايش ماجاوبتيني
ريناد:ايش تبغى
فيصل:ابغاكي تجاوبيني
ريناد:على ايش
فيصل: وانا كمان ايش
ريناد:انت عارف
فيصل:لا ماني عارف
ريناد لازم اقفل الحين
فيصل:بس ما جاوبتيني
ريناد:راح توحشني وقفلت على طول علشان تقطع الموضوع
فيصل:يابعد روحي ياريناد الله لا يحرمني منك وهنا يدخل سعود عليه الغرفة
فيصل:يالطيف الناس تدق الباب الغرفة قبل ما تدخل
سعود:ان شاء الله يا استاذ فيصل المرة الثانية
فيصل:طيب طيب تتريق انت ووجهك
سعود:ايوه عندك شي
فيصل: لاءم اعندي شي الحين بس انا اوريك بعدين
سعود:طيب نشوف يا مكسر
فيصل : طيب طيب ياشاطر
وفي هذي اللحظه يدخل الدكتور عليهم وينهي مضاربتهم علشان يكشف على فيصل ويطمن عليه ويسالوا عن ريناد امس



يتبع...........

مشكوره عالبارت
ننتظرك لاتطولي علينا

راح اتوقف فتره عن تنزيلها بسبب الاختبارات

الله يوفقك
راح ننتظرك

معذوره
و ربي يوفقك

البارت التاسع


الدكتور:ها يافيصل كيفك اليوم
فيصل:تمام
الدكتور :الحمدلله
فيصل:متى راح اطلع
الدكتور:ليش مستعجل
فيصل:طفشت
الدكتور: اسمع ابغى اسالك امس كانت في واحده مره خايفه عليك وتعبتنا بالاسئله انت متزوج
فيصل:مين هي ياسعود
سعود:مانتى عارف انت ووجهك
فيصل:ريناد
سعود:ايوه
الدكتور:مين هي ريناد
فيصل: روحي وعمري
الدكتور:اها الله يسعدكم
فيصل:تسلم
الدكتور:يالا ماتشوف شر ان شاء الله
فيصل:الشر مايجيك
وطلع الدكتور وبدءت الزياره وقتها قعدت ريناد تفكر اذا كان تروح ولا لاء
تقطع امها تفكيرها وتقولها انها راح تاخدها معاها الزيارة لفيصل علشان تتطمن عليه لانها كانت طول الوقت تسال عنه
نزلت رينا د وامها السياره مع السواق وراحو المستشفى واول مادخلت على فيصل الغرفة حس فيصل انه قلبه
راح يطلع من مكانه من الفرحة لكن حاول انه مايبين قدام سعود وتهاني بس ماقدر
ريناد:السلام عليكم
فيصل:هلا والله وعليكم السلام
ريناد:ها كيفك
فيصل:الحين صرت تمام
تهاني: من جد الحمد لله والله مره خفنا عليك
فيصل:من جد خوفتكم عليه ولا بس تسايروني
تهاني:راحت ضربته على كتفه وقالته والله انك من جد بايخ
وبعدها طول الوقت وفيصل مارفع عينه من على ريناد وريناد نفس الشي بس كانت مره منحرجة وكانت نفسها تطلع من الغرفة
بس كمان ماتبغى تبعد عن فيصل
بعد اسبوع طلع فيصل من المستشفى وراح عند جدته لانه لازم 3 اشهر ما يتحرك فكان جالس في غرفة سعود
وكان ينتظر كل يوم اربعاء علشان تجي ريناد ويسمع صوتها وريناد لمن تروح لبيت جدتها ل
ازم تروح تسلم عليه من عند الباب وتتطمن عليه وتسمع صوته
مرت ال3 شهور وراح فيصل فك الجبس هو وسعود واول مافكه راح لوليد
وهناك كان في محمد وزوج خالته مشاعل وزوج ولاء وفيصل وسعود منتظرين فيصل يجي وطالبوا ريناد رسمي
وحددوا موعد الشبكه بعد شهر لانه فيصل كان مررره مستعجل.

يوم الشبكة كانت ريناد قمة في الروعة لابسه فستان وردي وجالسة في الغرفة
وفيصل عند الرجال كان لابس ثوب ومشلح وكان منتظر متى يتصل علية أي احد علشان يروح يشوف ريناد
واول ماتصلت عليه ولاء راح يجري ودخل في الغرفة على ريناد كانت جالسه على الكنبة وتطالع في الارض من كثر الخجل
فسلم عليها وجلس جنبها و مسك يديها
فيصل: اخيرا ياريناد اخيرا
ريناد:_______
فيصل:نسيت اقولك الف مبروك
ريناد:الله يبارك فيك وانت كمان الف مبروك
فيصل : انا اليوم مره فرحان لانك معايا
ريناد: وانا كمان
فيصل: عارفه ايش نفسي
ريناد: ايش
فيصل : اخطفك واشرد
ريناد:هههههههههههه
فيصل:ليش تضحكي مانتي مصدقتني
ريناد:لا
فيصل:ترى اسويها
ريناد:طيب اتحداك
طلع فيصل جواله على طول واتصل على ولاء
فيصل:ولاء انا وريناد رايحين ماراح ننزف قولي للمعازيم انه العريس والعروسه شردوا
ولاء :من جدك انت لا لا تفشيلنا
ريناد:خلاص والله صدقت
فيصل:لا لا مافي لاتحاولي
ريناد:خلاص الله يخليك
فيصل:صدقتي اني اقدر اسويها
ريناد:ايوه والله صدقت
فيصل:ايوه بنات ماتجي الا بالعين الحمراه
وهنا طلعنا تهاني علشان تناديهم للزفه
لمن دخلوا القاعه الكل انبهر بجمالهم وكان راى الكل انهم مره مناسبين على بعض
وهما ماشين على ممر الكوشه كان فيصل حاسس بالم مره قوي في بطنه وجنبه اليسار لكن كان يحاول يخفي تعبه علشان ريناد
لاتحس بشي وقعد الالم ملازم فيصل الى نهاية الشبكة وبعدها طالع فيصل وريناد يتمشوا بالسيارة ويوصلها على البيت
وفيصل طوال الطريق متالم لكن ماكان يبين التعب الى ماوصل ريناد البيت وراح هو على بيت
حاول انه ياخد انواع كثيره من المسكنات لدرجة انه من كثر المسكنات الي اخدها اغمى عليه
في الظهر جاه محمد علشان يبارك لو فتحت امه الباب سلم عليها وقعد معاها شويه وسالها عن فيصل
ولانه امه كانت ماتبغى فيصل يخطب ريناد لانها تبغاه ياخد بنت صحباتها فكانت ماتدري عن الي صار لفيصل
محمد راح يدق على فيصل غرفته
محمد:فيصل ياعريس قوم يالا
فيصل:______________
محمد:فيصل
فيصل:_________________



يتبع.............

مشكوره عالبارت الحلو
استمري عزيزتي