تويت
خل العذر ياموجع الليل بالناي
خل العذر يا موجع الليل بالناي==ليلك عجل والسالفه سرمديه
اطول من الضيقات وابعد من بكاي==واشد من صد الخوي عن خويه
يا ما ذكرت الوقت والوقت نساي==وياما قتلت الروح والروح حيه
وأنا بطبعي لا تثاقلت شكاوي==على صدر غيري بقت داخليه
تكبر وتكبر مثلها ضحكة شفاي==ويردداللي ما درى ياهنيه
وأنت إن شقيت بغلطتك هاتها جاي==اغلط بكيفك وأترك العذر ليه
أنا اللي أسف وأعتذر عن سواياي==اسف على غلطتك وأسف عليه
الذنب ذنبي والخطايا خطاياي==ولا أنت ماجا منك ذنب وخطيه
ذنبي وعذري بالهوى طيب مبداي==ضحيت لجلك لين صرت الضحيه
تدري وش ابغى تقول لي قبل فرقاي==تدري وش ابغى تقول عن حسن نيه
ودي تقول . أو عاد تدري وش الراي==تسكت مادام السالفه سرمديه
الشاعر : رشيد الدهام
محبكم
طير القوافي
تعليق