تويت
لاتصنعين الشوق! ..بعيون جساس
ابطيت اخيل البرق يابارق الياس=واليا تعدت قلت مالله ومرها
من كثر ماعديت في راس نبراس=اتبع بروقك وتخبر مطرها
ماكني الا في صحاريك عساس=عسى سحاب الصيف يسقي دهرها
اضمت مطايا الشعر ياقاسي الباس=ومع دربها الوبال يتبع اثرها
هيجنت للهوجاس .وابليس ... والناس=ماتدري ان الله روحي صخرها
على غلاك اللي بلا حد وقياس=بين الرجا والياس روحي حصرها
لاتصنعين الشوق ...! بعيون جساس=من دون ذنب دووك عيني دمرها
غادي ودور في صحاريك نسناس=النفس طابت يامسبب كدرها
في حزة فيها المعاليق يباس=هاضت قريحة شاعر ماعسرها
عن الخيال وحام فالفكر قرناس=عينه على افكار توخت حذرها
اسبوقه المسباح والارض قرطاس=حول بها والقاع ضاق بنظرها
وترجمتها بالشعر من قلب واحساس=وهي كلمتين بس وبختصرها
العبره اللي تعترض بين الانفاس=ياليتها مثلك عطتني ظهرها
لشاعر
ناصر الحريص
مما راق لي
ان شاء الله تنال الرضا
تعليق