بسم الله الرحمن الرحيم








اخواني شعراء منتدى عبير


بعيد من التكلف في الكلام و راح اخاطبكم بلهجتنا العاميه



ملحمة شعراء منتدى عبير



هي عباره عن قصيده تحتوي على ( 100 ) بيت
و القصيده هذي يكبتها و يشارك فيها جميع شعراء
منتدانا الغالي ..


اتمنى لا يتردد احد من ناحية وزن القصيده
او يتخوف من الشي هذا الشاعر اللي ما يعرف
بحر القصيده او لحنها ما يخالف يكتب اللي في باله
لكن يجب علينا توحيد القافيه و القافيه بعتقادي شي
واضح للجميع و أنا راح أضرب مثل بسيط على توحيد القافيه و هذا
يهم الشعراء المبتدئين اللي يهمنا مشاركتهم معنا في
هذه الملحمه :






بسم الله الرحمن رب الكون ذو الجاه القدير
الواحد الفرد الصمد جل و تعالى و الغفور
سبحانه المعطي و لا غير يجير المستجير
سامع دبيب النمل في الظلما و ما تخفي الصدور
بأمره يدور الوقت و الأفلاك بأمره تستدير
و بأمره نجا موسى و فرعون اغرقه وسط البحور
بيديه تصريف القدر ما بين شر و بين خير
و تحت امره الدنيا تدور و كل ما فيها يدور
يا رب ترحمنا ليا من حان تحديد المصير
في يوم حشرك و الجثث تحيا و هي وسط القبور
في ساعتن نلفي عرايا ذا فقير و ذا امير
و كلن يبي ياخذ كتابه و ابتدا وقت النشور



بك نستعين و بك توكلنا يصير اللي يصير
على صهيل احروفنا نطوي مسافات السطور
دون الرسول و دون وجهه ما نبي فيها شوير
وش خانة المسلم اذا ماهو على وجهه غيور
خير الخلايق / خاتم اصحاب الرساله / و النذير
ازاح ظلم الجاهليه و التعصب و النفور
و أسس مبادي دعوة الإسلام و الحق المنير
و حطم جميع اصنام راعين الضلاله و الفجور








طبعا القافيه راح تكون
الشطر الأول ( ير ) قدير
و الشطر الثاني ( ور ) صدور


اتمنى من جميع الشعراء و الشاعرات المشاركه
لعلنا نفعل شي للرسول صلى الله عليه و سلم

و الملحمه سيكون مسماها الأخير بعد إذن
الإداره الموقره و اخواني المشرفين


ملحمة شعراء و شاعرات منتدى عبير
في الرسول صلى الله عليه و سلم




انا بديت و كتبت ( 10 ) ابيات
و لا راح اوقف لا أنا و لا أنتو إيلين نوصل
( 100 ) بيت .......






توكلنا بالله
و الهمه الهمه