لا يوجد اقوى من الكلام سوى {صممت الكلام..}

**صممت الكلآم..** · 05-02-2011, 10:42 AM

رد: ذاب الكون فيني واحترق وانجذب لانهيار الصمت..

اجهلك وبعين قلبي اتخيلك..
ياصدق معاليق العشق والوفاء..
اعشقك وبكل دروب انصفك..
يامن نطق له حرفي وجاء..
انصحك ما اظن ابقى معك..
يا قلب ماله غير الرجاء..
ابعدك وجروح قلبي تضرعك..
يا عين ابعد لاتقسى بمن وفاء..
اجرحك والجروح اظن تعذبك..
ياروح روح مالك هنا صفاء..

....

روح ياروحي الله معك..
دامك تعرف ان الحب لنا قسى..
روح فمان الله ولعد تلتفت..
خل لخلك شويه ذكريات وكفى..

**صممت الكلآم..** · 05-02-2011, 11:52 PM

رد: ذاب الكون فيني واحترق وانجذب لانهيار الصمت..

غيبتك لو هي دقيقه تعتبر صده
الوقت دونك سجن وغيابك اسياجه
لا تعتذر لي ترى ماعاد في شده
اعيد حكي يكود الصدر مخراجه
دامه يوصف بجود ابيك وبجده
وشلون تبخل على المجروح بعلاجه؟
ووشلون قاواك قلبك رده وصده
مع انه بين عليه الضعف والحاجه
ياقو قلبك برد ايمينك ورده
بخلت بمصافحه وارهيت بحراجه
لو ماسقى غيم عينه جرهدي خده
تراه يبكي وقلبه يلحق اخلاجه
ولو شفته يمازحك تراه من جده
الضحك عن درب ضيق الصدر ماعاجه
غير الغلا والوله عليك وش حده؟
يادرب ليله ويامسراه وسراجه
كنه يعرفك قبل يلقاك من مده
مع ان مابينك وما بينه امواجه
هواك بدو نووا للقلب بالشده
ورياض قلبي لشوف البدو محتاجه
والوصل..بحر متى انت بتسمح ابمده
السيف صبري وبحرك شح بامواجه
قصيدي اللي قريته واللي اعده
قديم لا يزعلك معناه واخراجه
وفراغ قلبي غلاك ارهى على سده
ليتك تشوف الغلا وابراجه وعاجه
اقوى رياح العذل ما تقدر تهده
والا الجفا لو تنفس هدم ابراجه
تغانم الوصل لن البعد لابده
ياتيك في يوم ثم ياخذك بادراجه
اللي لي انك تلين وتترك الشده
واللي لك اني ما سولف بك لهراجه
ولاني بزعلان واللي نرتجي مده
يا باب قلبي ويا قفله ومزلاجه
زعلة تغلي ومن تزعله من قده
ما دام كل يبي دربك ومنهاجه
غالي وتبخل علي وتطول الصده
الله يسامح غلاك ويلعن الحاجه

**صممت الكلآم..** · 06-02-2011, 12:18 AM

رد: ذاب الكون فيني واحترق وانجذب لانهيار الصمت..

عقبال ياماخذ فؤادي مية عام ..

.. ضيعتني منك وانا ما اهتديتك

لا ..ما نسيتك كيف بانساك ما دام ..

.. ذكرى الفراق تهزني لو نسيتك

حبك قدر وانا على دين الاسلام ..

.. مكتوب في وجه الجبين ورضيتك

لك في الضمير الود والحشمه اتوام ..

.. ولي في ضميرك مثل ما انا بغيتك

ولك منزل في نايف القلب وخيام ..

.. وذود الغلا ترعاه ولا شكيتك

يفطر عليك القلب وان فارقك صام ..

.. والله لونك شوك سدره كليتك

القلب طير لادعي للهوى حام ..

.. والا انت وكره من كثر ماهويتك

كن العيون من النظر عقبك ايتام ..

.. وكني ماريت الا انت من يوم ريتك

وكنك معي وانا فقدتك من اعوام ..

.. مع الخيال القاك كني لقيتك

من صعب وصلك ما تهنيتك احلام ..

.. وان جابتك فزيت شوق ومحيتك

يعني وصالك صعب واهدافي اوهام ..

.. يعني زرعتك للقدر ماجنيتك

صبرك يقولون العرب كل الايام ..

.. يوم عليك ويوم لاجاك جيتك

ويا قلب ياللي ورثك اجروح والام ..

.. بليتني ماهو بانا اللي بليتك

ولعتني من عادني في الهوى خام ..

.. واسرفت بي وانا خطامك عطيتك

طعتك وزبدة طاعتك هم وهيام ..

.. مالله كتب لي واستخرت وعصيتك

لوللقلوب اسواق بايع وسوام ..

.. لابدلك وان جيتني ماشريتك

والا انت ياللي جيش عينيك مقدام ..

.. لا اقنعت منك والرجا مارجيتك

كني سجين بين..افراج ..واعدام ..

.. وكنك سجن وانا بنفسي بنيتك

تنبيك عن حالي محاصيل الالهام ..

.. وتخبرك نظراتي نهار التقيتك

عقب الوصال اللي على عين من لام ..

.. قدهو يكفيني عن الوصل صيتك

وقدني الى مريت بالشارع العام ..

.. لديت من ما في الضمير ودعيتك

ادري ان صوتي ماقطع عشرة اقدام ..

.. وادري بي اعود الى من نصيتك

ياشينها يامحني راس الابهام ..

.. ماقدر على شوفك وانا عند بيتك

الاعمار ما تضمن وانا اخاف الاحكام ..

.. ارثيك خاف اودعك ما رثيتك

**صممت الكلآم..** · 07-02-2011, 09:55 AM

رد: ذاب الكون فيني واحترق وانجذب لانهيار الصمت..

هذا الحال..
نتعرف ونصادق وتتزاحم معزتنا ..
بقلوب يملؤها الحب والحنان والوفاء..
هذا هو الحال..
تزدحم ذاكرتنا بمرور الايام ..
وظروفها القاسيه..
تنسينا بعض القلوب ..
ولكن ما ان تصفى الدروب..
ياتي الحنين يدق باب الشوق..
الى كل من اعزهم قلبي..
واتى يوم واحتلوا جزء مني..

اليكم انتم ..

احبكم في الله..

**صممت الكلآم..** · 07-02-2011, 10:28 AM

رد: ذاب الكون فيني واحترق وانجذب لانهيار الصمت..

تقسو القلوب..
عندما تئن بوجع الرحيل..
تحن بقرب البعيد..
تقسو ويقسو الحنان..
ولا يعد سوى..
ورده ذابله بين ايدينا..
انت يامن ..
انتقلت لعالم اخر..
تركتني وحيده..
اجبرتني ان اقسو..
الملم اشتاتي..
وماضاع من عمري..
بعيدتن عنك..
احاول الان..
ان ارسوا بقاربي..
ولكن لاجد الحنين..
فاعود اليك..
حاملتن وردتي الذابله..
انت..

**صممت الكلآم..** · 07-02-2011, 10:23 PM

رد: ذاب الكون فيني واحترق وانجذب لانهيار الصمت..

**صممت الكلآم..** · 07-02-2011, 10:25 PM

رد: ذاب الكون فيني واحترق وانجذب لانهيار الصمت..

انتظرك لين ذاب الشمع..
وادعب النعاس جفني..
ياترى..
هل سيطول الغياب..

**صممت الكلآم..** · 07-02-2011, 10:34 PM

رد: ذاب الكون فيني واحترق وانجذب لانهيار الصمت..

يناسوا انا من التركيز ..
بانت برائته كلها

**صممت الكلآم..** · 07-02-2011, 10:40 PM

رد: ذاب الكون فيني واحترق وانجذب لانهيار الصمت..

تمر بنا اوقات ياتي اقوام..
لايحبذ الحديث معهم ..
عندها فقط نجبر بالصمت ..
لايوجد كلام بعد الصمت..
او يوجد كلام ولكن ..
له عقوبه بالنزول ..
الصمت ارحم وله وقار..
في بعض الاوقات..

**صممت الكلآم..** · 07-02-2011, 10:56 PM

رد: ذاب الكون فيني واحترق وانجذب لانهيار الصمت..

قبل ايام حضرت دروه بعنوان..
تعزيز الثقه بالنفس..
بصراحه كانت محاضره رائعه..
وكلها تفاعل ..
محاضره بجد مفيده..
كانت مليئه بالقصص والعبر المفيده..

وكان فيها كلام معبر رائع يوصف التعبير عن الذات والشعور به منها..

استاذ اخذ طالبين واحد متفائل لايفكر بالماضي الا اللي يفرحه والثاني متشائم
عايش بماضيه الحزين..
حبسهم بغرفه مظلمه عند البحرلمده يومين من دون ساعه
او اي شي يخبرهم الوقت..
بعد يومين اخرجهم للعالم ..
مع شروق الشمس ..
سالهم سؤال..
هل هذا شروق الشمس ام غروبها..؟؟
اجاب المتفائل بدون تردد شروق..
لانه يطمح لشروق الشمس القادمه قبل غروبها..
اما المتشائم اجاب غروب..
لان الياس احتل ركنيه منه ..

××العبره××
لازم نعطي لحياتنا تفائل وامل وانتظار شروق قادم..
ونمحي الياس من حياتنا وما نتذكر من ماضينا الا الشي المفرح..

اسال الله لكم السرور والتفائل الدائم..

لا يوجد اقوى من الكلام سوى {صممت الكلام..}

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget