الرحيل و هيمنة ريح الغياب
ثورة تنسف معالم أرض ...
و تشيب شباب
ريح ... لا .. بالصبر تهدا
ولا تصد بأي باب
الرحيل و هيمنة ريح الغياب
أسئلة و قصة مهاجر
مات حي ...
وطالت القصة ... ولكن ...
ما لقى حتى الجواب
الرحيل .. أرجوك خله
اخر سطور الحلول
ولا تقول .. لا تقول :
الرحيل ... إن كان تكره
تمتلي الدنيا جروح
وتصبح الدنيا خراب
قول سوي أي حاجه
(إلا) بارحل
تنهي الدنيا (أبرحل)و تبتدي ثورة غياب
و الغياب وجه أسود
للجروح و للمواجع و العذاب




و ترحل ... ترحل الدنيا.. و دنيا من العذاب تلوح
و لا يبقى سوى طيفك يموتني .. و يحييني


و ترحل .. ينفطر عالم... و عالم يرتمي مذبوح
وعالم يزرعك بالبال ...يخاف أنسى .. ويضنيني


و ترحل .. تعتريني (روح) تغنيلي ف عز النوح :
(زمان الصمت) و اتنفس زمانك يا مغنيني


تبوح بحبك و تمطر بحبك أزمنه للبوح
تحبك فوق هذا الحب ... و كثرالحب تسقيني


على حر الظما طيفك و نبرة صوتك المبحوح
سواليفك و ضحكاتك و من صافيك ترويني


تسامرني إلين اغفى .. و باحلامي تجي و تروح
تجيبك بالمنام ... اللي على ذكرك .. يغفيني


بحلم(ن) هامته أبعد ... من اللي تنتهي بسفوح
و تاخذ من دفا وصلك لحاف و به تغطيني


تحف العالم الغافي إلين الفجر يملا الدوح
صباحات الطيور اللي تناديك و تناديني


و يقطف زهرتك ثغر(ن) يحفه عطرها و يفوح :
(صباح الحب يا اجمل حب) ..على احساسك تصحيني


أدور لك هنا .. و هناك .. ألاقي نفس ذيك الروح
و أسألها حبيبي وين ؟؟ أحس انه حواليني


يسولف لي .. يناديني .. يضمد شوقي المجروح
يبدد غيمة الغيبة ... و يبعث ما اندفن فيني


قالتلي : حبيبك غاب جسد خاوي بليا روح
وانا روحه أحفك دوم .. مثل ماهو موصيني


وترحل ما أحد غيرك كثر منهو يجي و يروح
إلى منه عصف بي الشوق يطمني...يهديني




و ترحل ... الا روحك ... ما بترحل
وفت بالعهد الاول في غيابك
هنا احساسك على بعد المدى يوصل
هنا وصلن رحل بي لين جابك
هنا بوحك .. هنا روحك
هنا لا جفت غصوني
و لا ورود الغلا تذبل
(زمان الصمت) ... أنا بسأل :
ليه الحزن و الشكوى ؟!
و ليه الخطوة ما تقوى ؟!
مدام ان الغلا أقوى
على الفرقى على هم السنين
زمان الصمت انا أسال :
ليه البعد يضنينا ؟!
و اذاما غاب غالينا
يغني حزننا ( و ترحل )؟؟!!
مدام الروح لا زالت على عهد الوصل للروح
أبد لا حزن لا شكوى
و هالخطوة غدت أقوى
و لا باقي زمن للصمت
و لا باقي أنين
.......................