بسم الله الرحمن الرحيم



تحية طيبة لكم جميعا يامن شرفتموني بمروركم الكريم

على قصيدتي المتواضعة

قصيدتي تتحدث عن رجل كبير بالسن ضحى بكل شيء من أجل ابنه


حتى كبر بعدها جعل جزاء والده دار المسنين


قصيدتي


... ليت الزمن يرجع ...



ليت الزمن يرجع ويرجع زماني = ودي أطفي جمرة داخل الروح

واقتص من شخص عزيز كواني = واصبح فؤاي من فعايله مجروح

قاسي ظلمني والله المستعاني = من بعدها وانا اسهر الليل وانوح

شايب ضعيف مالي الا لساني = خارت قواي ولاقدر اجي ولا اروح

مرجوم في دار غدت هي مكاني = غابت بها كل ابتسامات وامزوح

مالي بهم ياخوك قاصي وداني = كل على فراش التعاسات مسدوح

المشكله باللي معاهم رماني = أقصد ضناي وزود الروح بجروح

لاواحسايف فرحتي يوم جاني = زانت به الدنيا مسرات وفروح

بنيت في بالي جميل الأماني = وشيدت له بالقلب بنيان وصروح

ومن موت والدته وحنا خواني = تركت لجله كل زين ومملوح

مابي يكدر خاطره شخص ثاني = وش عاد لو يقفي حلا العمر ويروح

كنت ارتجي نفعه إذا الوقت شاني = لاضعف حالي واصبح الصوت مبحوح

يظفني لاصار سبعي ثماني = ويصير ظلي عن سمايم ولافوح

واليوم يوم اني بغيته جفاني = قام وتنكر لي ولاهوب مبيوح

يالله عسى تبلاه باللي بلاني = اشوفه من الهم والغم مطروح

يذوق وناتي خبيث المعاني = يفوح قلبه بالألم والحزن فوح

مايهتني بدنياه لوهي ثواني = يشوف ماشفته قبل طلعت الروح

وختامها ياجعل هاللي وطاني = ياطاه ولاني قايل يوم مسموح

منقول