رد: تمنيتك تحس فيني بقلم خطاي ضيع غلاي

رح انزل لكم بارتين يعجبونكم انشاء الله يوم الخميس انتظروها



ودي

رد: تمنيتك تحس فيني بقلم خطاي ضيع غلاي

يعطيك العافيه استمري

رد: تمنيتك تحس فيني بقلم خطاي ضيع غلاي

مشكووره
نتتظرك

البارت السادس عشر

احمد عصب وتنرفز من سوال غلا
غلا:ماجاوبتني؟؟
احمد:انتي ماتستحي على وجهك وتسالي مرة ثانية كانك مو مسوية شي خطا
غلا:خطا؟ في ايش اخطيت ياسيد احمد
احمد:غلا لاتكلميني بهالطريقة
غلا:اللحين صارت طريقتي ماتعجبك
احمد:ايوووووة في راسك شي
غلا: كل هالعفيسة عشان سوال ماعرفت ترد علية
احمد:لا اعرف ارد وانا اللي فتحتة ليش خفتي اشوف رسايل الحبيب نواف
غلا كان كلام احمد لها مثل الصاعقه ماتوقعته منه ابدا وماتوقعت ان احمد يفكر انها تحب غيرة
الهنوف:انهبلت وش هالكلام
احمد:تستاهل جاية تحاججني عشان رديت على نوافوة
الهنوف:اولا ماكان نواف كانت اختة ثانيا هذا ولد عمتها مو غريب عادي
احمد:غلا تحبة عشان كذا ماترضى فية

غلا كانت حييييييل متضايقة وكانت الكوافيرة مستغربة من حالها لان كل ماعدلت مكايجها انعدك من دموعها

سعاد:غلو روقي وش فيك احمد غيور ماتعرفية
غلا:بس مو بهالطريقة
سعاد:ماعليك انا باخذ لك حقك

غلا طلعت الحمام وهي خارجة لقت احمد قدامها حاولت تبعد من طريقة بس كان واقف في وجهها
غلا:وش تبي
احمد:زعلتي؟؟
غلا:لا
احمد:لا زعلتي
غلا:ودامك تدري ليش تسال؟؟
احمد:اسف
غلا:ماكل جرح بلسمة كلمة اسف
احمد:وش اسوي لك
غلا:ولا شي بعد عني
احمد جلست يفهم غلا ان حبة لها يخلية يغار حتى من الهواء عليها
وغلا لانها تحبة سامحتة

وبعدها الكل صار جاهز وصاروا متجهين للقاعة
غلا كانت لابسة فستان نيلي هادي ومصلحة تسريحة جدا هادية
وسعاد فستانها ابيض واحمر وشوق كانت المفاجاءة كان فستانها اخضر روووعه

غلا راحت القاعة مع خالها ابوعبدالله عشان ماتشوف احمد ولا يشوفها وهي متكشخة

احمد:ويييييييين غلا
سعاد:راحت مع عمي احمد
احمد:لييية
سعاد:مدري
احمد:عشان لاشوفها بس دواها عندي

الكل وصوا القاعة والهنوف مانزلت من على الكوشة بس ترقص
غلا:الهنوف بنزينها فل اليووم
سعاد:ماتعرفها تموت في الرقص
ومرت الحفلة بسلام على ان الكل كانوا متخوفين من ابتسام
شوق:بنات عباتي مالقيتها
غلا:يؤ وين حطيتيها
شوق:عطيتها دنيا
سعاد:اساليها
شوق :ياصبر ياشوق على بلاوك
ام فواز:انتي شوق بنت عبدالله
شوق:ايوة انا بغيتي شي
ام فواز:قمر ماشاء الله
شوق(بغرور):ادري ...... بس من انتي؟؟
ام فواز:بعدين بتعرفي وين امك ؟؟
شوق اخذ ت ام فواز ووصلتها عند امها وخطبت شوق رسمي واتفقوا على ان بكرة تكون الشوفة عشان الاهل باقي متجمعين

رد: تمنيتك تحس فيني بقلم خطاي ضيع غلاي

شوق بقت اخر وحدة في القاعة قلبت الدنيا على عباتها ومالقتها
وطلعت حوش القاعة وقابلت فواز في وجهها كان داخل ياخذ امة عشان نظرها ضعيف شوق انحرجت لان ماكان يغطيها أي شي ... ورجعت بسرعة للقاعة
احمد:غلا وش جابك معنا
غلا:لية يضايقك؟؟
احمد:لا بس ماكنتي تبي تركبي معي
غلا:مجبوووووورة
احمد:محد جبرك انزلي اذا تبي!!!
ام عبدالعزيز حست ان غلا واحمد بتبدا مناقرتهم وبيبدا الزعل فحبت تغير الموضوع
ام عبدالعزيز:تدروا شوق انخطبت
سعاد:جد
احمد:ايوة ليش نكذب عليك
غلا:وانت وش دراك؟؟
احمد:صديقي ؟؟
غلا:جد؟؟
احمد:والله تبي اجبلك واحد ثاني من اصحابي تتزوجية
غلا:ياليت بس بسررررعة بتزوج مافيني صبر
احمد(انصدم من رد غلا)
سعاد:لوتنخطبي بتوافقي
غلا:ولا رح اتردد لحظة
سعاد:والحب ماتفري تاخذي واحد تحبية
غلا:اذا بيجيني واحد شاريني ليش الفضل علية اللي احبة ويسلى فية
احمد(انقههههههههههههههر من اسلوب غلا وعرف ان قصدها بس تجرح بالكلام))
احمد:وين هذي شوق تاخرت وربي لامشي واخليها
سعاد:يارب نسيت اقولكم مالقت عباتها
احمد:وجع توك تتكلمي؟؟
سعاد:غلا عطيني عباتك وانزل اعطايها عشان تقدر تطلع
غلا:مستتتتتتتتتتتتحيل اعطيني عباتك وانا بنزل اعطيها
احمد:اخلصوا الساعة 4 بياذن الفجر
سعاد:عباتي صغيرة عليها مارح تغطي شي منها
وبعد محاولات مع غلا اقتنعت واخت سعاد عبايت غلا ونزلت لشوق فالقاعه ولبستها وطلعوا السيارة
احمد":فية ناس هربوا في العشاء عشان مانشوفهم واللحين شفناهم غصب
غلا(عرفت انه يقصدها):بس فية فرق اللحين كل شي اخترب ونص المكياج راح

وبعدها وصلوا البيت ونزلت شوق وخلت بس الطرحه مع غلا
وطلعوا البيت ومابقى الا غلا فالسيارة
احمد:مو ناوية تنزلي؟؟
غلا:كذا بدون عباية
احمد:عادي
غلا:والله فكرة
احمد تتكلمي جد .. والله اقتلك
غلا:اجل حلها
احمد طلع البيت وجاب العباية لغلا وركب جنبها
غلا:احمد:انزل بسرعة قبل لاحد يشوفنا
احمد:خليهم يشوفونا وش بيصير يعني؟؟
غلا:منت صاحي
احمد:قولي اللي تبي تقولية
غلا لبست العباية وفتحت باب السيارة بس احمد سحبها من يدها
غلا:لا انهبلت منت في عقلك
احمد:تدري ان مابقى لنا الا يوم مع بعض خليني اروي عيني من شوفتك
غلا فكت يدها ونزلت وهي في قمة الاحراج

رد: تمنيتك تحس فيني بقلم خطاي ضيع غلاي

البنات اخذوا شور ولبست كل وحدة بجامتها ودخلوا الغرفة
شوق كانت معهم بس جسد بس تفكيرها بعيييد
كان عقلها مع الشخص اللي شافتة
شوق:قالت للبنات السلفة
غلا:ياقلبي عليك وانتي ماتعلقي فية الا اليوم
شوق :عادي وش تفرق فية
سعاد:لان اليوم واحد من اصحاب احمد خطبك وبكرة ياحلوة شوفتك
غلا:لا تغلطي اليوم مو بكرة خلاص بدينا يوم جديد
شوق:ولية محد شاورني
سعاد:الرجال ماينعاب وشاريك ولد ناس وش تبي اكثر من كذا
ام عبدالعزيز (دخلت الغرفة عند البنات):وانا جت الحين عشان اعطيك خبر ابوك موافق واخوانك موافقين بعد لا تضيعي الفرصة من يدك
شوق:خلاص موافقة

في العصر ام فواز كانت تجهز نفسها عشان بعد المغرب تروح تخطب لفواز ويشوف شوق
فواز:يمه
ام فواز:نعم
فواز:ماعاد ابي شوق
ام فواز:وشو؟؟؟
فواز:انا امس شفت وحدة وبصراحة عجبتني كثير وماعاد ابي الا هي
ام فواز:ومن بنتة؟؟
فواز:مدري بس مابي الا هي
ابو فواز:وش هالكلام ماعاد معك الا بنت عبدالله ال سالم عايلة والنعم فيهم
فواز:بس قلبي تعلق بغيرها
ابو فواز:مو هاذي اللي انت اخترتها ارضى باختيارك

في بيت ابوعبدالعزيز...
شوق: مدري كيف بقابلة وانا من داخلي مايبية
سعاد:خلي حركات الاطفال عنك

رن جرس الباب معلن وصول اهل فواز وفواز وشوق متخوفين
ام عبدالعزيز رحب بالرجال ودخلهم المجلس وام عبدالعزيز دخلت الحريم في مجلس الحريم

شوق:ياربي وش البس
سعاد:البسي فستانك اللي امس كان يجنن
شوق:لا
غلا:البسي طيب فستاني
شوق:فكرة
سعاد:تدون ا نامي مابلغت اخواتي
غلا:لية؟؟؟
سعاد:تقول اذا تم كل شي على خير بتبلغهم
غلا:عاد لو جو وجابوا عيالهم بيهرب العريس
شوق&سعاد:ههههههههههههههههههه

ابوعبدالعزيز:ام عبدالعزيز نادي البنت
ام عبدالعزيز:شوق يلا يمة
شوق طلعت وشافت ام فواز ةتذكرت الموقف وانحرجت بكثييير
ام فواز:يافديت الخجول ياناس يلا يمة بدخل معاك
شوق دخلت وهي منزلة راسها
فواز بس شاف شوق قال:انتتتتتتتتتتتتتتتتتتي
شوق رفعت راسها وقالت:انتتتتتتتت



انتهى البارت اتمنى اشوف توقعاتكم وردوكم

رد: تمنيتك تحس فيني بقلم خطاي ضيع غلاي

الله يعطيك العافيه
ننتظرك تكملينها

رد: تمنيتك تحس فيني بقلم خطاي ضيع غلاي

الله يعطيك
الف الف الف
عاأأأفيه روعه

رد: تمنيتك تحس فيني بقلم خطاي ضيع غلاي

مشكورة على هتعب
بس متى البارت الجاي

رد: تمنيتك تحس فيني بقلم خطاي ضيع غلاي

طولتي
ننتظرك عزيزتي
ياليت تكملينها لنا ...