السلام عليكم ورحمة الله وبركاته

صباحكم ورد/مساءكم ورد





بدون مقدمات



أتمنى ان تروق لكم

ولاتحرموني أرائكم..!



يامل قلب عليه من الجفا تكه
يمسي ويصبح عليه الصبح مشتاقي


يالله اني دخيلك لا حضر نكه
تقول سكران قلبي مابعد فاقي


انا فقدت الذي دك الحشاولكه
اللي له ايام تبكيه الاحداقي


غيرك يهاجر واقول له فكه
الا انت ياصاحبي مثلك ولالاقي


اللي بنا داخلي مجالس ودكه
انشهد انه جذبني حبه الراقي


يقول لي خاطري من الذي بكه
واقول هذا الذي بدنيا الهوى شاقي


تبي الصراحة حبيبي صابني شكه
واقول يمكن يموت الحب باعماقي



لاطال فيك الغياب وصعبه السكه
يمكن اهوّن بعد ماتنكسر ساقي


مدام بابك يجيب الريح بصكه
والعذر ياصاحبي لوشانت اخلاقي


وان كان ربي كتبلك روحة لمكه
ارجوك تدعي لقلب لاعه فراقي



قلبي حنون البلا ياصابته عكه
كتبت لك حالتي في بيض الاوراقي



وان كان لك قلب وتصيبه الحكه
يجيبك الله حبيبي زال بي هاقي




وسلامتكم


منقوله