تويت
كدش وطيحني (قصيدة إجتماعية)
(أشوف لي) عادات جداً قبيحه
والعقل مايرغب فعولٍ قبيحات
ياللي تلّفت دوم في كل صيحه
تشتت نبضات قلبك بصيحات
جاكرت في مظهرك بنتٍ مليحه
لين انتهت أفكارهم هالمليحات
كدش وطيّحني /عساهم ب طيحه
لادين يردعهم ولاعرف عادات
لو بإختياري مانبشت القريحه
ولانظمت ولاتعنّيت بأبيات
لكن ضمير القلب يصدر فحيحه
واللي عجبني ماصدر بالوزارت
لبس متردي حيل/ وقصَّة نطيحه
وفي عقلهم حازوا وسام الثقافات !!
ماخص لي اسم اخص الشريحه
اللي مشت في درب كله متاهات
ومنهو يجمّع ف المحافل (نصيحه)
قول النصايح مايجي بالإذاعات!!
بعض النصايح من غرضها فضيحه
القصد منها (القضا) والإهانات
إلاّ عليهم ودّنا بالصريحه
من شان ماينعاد فعل الدناءات
//
ii
//
وجلّ احترامي للعقول الصحيحه
اللي لها في دولة العز رايات
في دنية الأشرار دايم شحيحه
للطيب تنشي في سماها سحابات
تضحك مع الأيام لوهي جريحه
وتقابل أحزان الزمن بإبتسامات
هنا .. استهل الشعر وانظم وابيحه
فيهم جزيل المدح ماهو خسارات
للشاعر / وليد بن فهيد
تعليق