شكرا جزيلا من جديد ... ويتبع الشكرر القديم
شكر سخيف .. ومن سخافتك برزت سخافته

شكرا على الصدمة .. ونكرانك لمدات الكريم
اللي فرش قلبه .. يبرهن لك كرم ضيافته

والمشكلة إني إعتبرتك .. بلسم الجرح الاليم
وإنك بقايا من زمن جدي .. ومن نظافته

ولقيتها حسبة غلط ... وإثباتها أصبح عقيم
وحاولت اكذّب .. بس عيني شافت اللي عافته

عاد انت ؟ والله كنت عندي مثل دمعات اليتيم
اللى على محور برائتها .. الصحيح اضافته

عن جد ماني قادر أستوعب .. وتفكيري سليم
لكن تفكيري من الصدمة .. فقد شفافته

وابشرك بشرى ..؟ تراها حوّلت بي بالصميم
وقلبي تكسّر وكسرت كسره .. كثر حسافته

ياللي تلاعب بالمشاعر .. فالك الذنب الأثيم
بكرة .. يجيك اللي حوت كذب الغلا .. ثقافته

وأنا أشهد إنك محترف ممتاز .. وأعتبرك عديم
والمحترف في أي حاجة ... أحترم حرافته

وأنا اعترف لك .. بس حاول تتقي طيش الحليم
وارجوك لا تنسى تعلّق للحليم اللافته

وأكتب عليها .. إذكر إنك .. إكتشفت إنك غشيم
في خط واضح .. ينقرا على الإنارة الخافته

وارقد على فراش الذهب ... والماس .. والمجد العظيم
وأنا بدوي .. عن عز نفسه ما قصر مسافته

وأبغاك تفهم ..شي واحد قبل لا أمشي يا فهيم
عمرك .. سمعت إن السخف .. يشكر على سخافته ؟