جيت أسأل الليل لما طول غيابك
وهلت دموع السحاب وبلت احداقي

وأخذت كحل الظلام وجيت لأهدابك
أشوف من حنة أغصانك على أوراقي

مليت وانا انتظر طاريك وعتابك
حتى غلا شارع الاشواق بأعماقي

يقول .. كل الجفا هذا من أسبابك
ما يدري أني ابري من طعم خفاقي

ما يدري انك قفلت من الزعل بابك
ورقصت نار الغلا نوتة احراقي

وعزمت حزن القصيد ونام بكتابك
وأخذت للبرد مني بشت مشراقي

والخيمة اللي بنت لي من على هضابك .
عرضتها للهبوب .. ومزع أوراقي

وعقدت لي حجابك وكشرت لي نابك
وجردتني من غلاك وضاقت أخلاقي

جيت أتشفع بمعسولك وعتابك .
وبغصنك اللي تكرت القلب له ساقي

يكفي ترى ما تحمل طولة غيابك
. يكفي زعل كان لك في خافقي باقي