لا تحسب ورود تنثر لك غلا وتفله ...
و البحر عشريين ونجومه وضحك هلاله

تعتقد أني أنا ميت وأنا لا والله ...
أنا لا ميت حبيبي لا ولا الله قاله

لي يبي يقرب خفوقي ما يجيني ب زله ...
ب زلت(ن) أسمحلها ومن عقبها ب زواله

كان عندك هرج ب تقوله لقلبي قله ...
وش علينا ب هرجت المسكين واللي قاله

ما عرف شي في بالي لا بغيت أوصله ...
يذكر أسمي يومها ب حله و ب ترحاله

من يحب ب حب ضايع قلت الله شله ...
ضاع واللي ضاع عندي أحتياط بداله

والله لا حذفه أنا ويصير حرف العله ...
ي لين ما يضحك عليه ابليس قبل عياله

لي مسج يكتب في بالي وعقبها أرسله ...
يدخل ب شاشات حبه وبنحرق جواله

من خباله ل خباله نية(ن) ناوله ...
ولا بغيت أزيد شاف خبال غير خباله

أرفعه وأرجع أذله وأرفعه و أذله ...
لين أسمع مرتين ب إذني يا هي حاله

لو بغاني هو رقالي ولا أنا مانزله ...
لا له أنزل و لا هو و لا ألف من أشكاله

ذا طريقي من عرفتك والطريق أدله ...
والطريق اللي تدله لازم(ن) تسعى له

خذ من الشاعر كلامه ولا حبه خله ...
أنا أحبك ... لا حبيبي لا والله قاله