تويت
السلام عليكم ورحمة الله وبركاته
يسعدني انتسابي لهذه الكوكبه الجميله
والتي تظم نخبه جميله نتشرف فعلاً بالانظمام معهم
مصافحة اولى واتمنى ان تروق لي ذائقتكم العذبه
محداً كسر قولي وأذا قلت وفيت
......... إلا أنت ي مدلل زمانك كسرته
مره جفيتك وقلت أنا عفت وأقفيت
......... عجزت لحمي قولي الي ذكرته
مدري وش اللي ردني بس رديت
......... جيتك بذنبي حتى لو ما غفرته
جيتك طفل عن نصف طبعي تخليت
......... جيتك طفل يغليك لو ما عذرته
ماني كذا بس أنت بي ويش سويت
......... هاك العنيد اشلون جاك وجبرته
وشلون طوعته على ما تمنيت
......... من عنفوانه كيف جيت وقهرته
واليوم يمشي لك على ما توريت
......... تستاهله يومك بفعلك قدرته
خذ ما تبي ماقول لك ليش ما اعطيت؟
......... إلا الغلا الى منك ياما أنتظرته
غلاك يكفي وأنت كفيت وفيت
......... ولو تكسر الخاطر فدى لو كسرته
وسلامتكم
أخوكم
سعد العتيبي
تعليق