تويت
خذيني على غصن الهوى شبه تمثال .........خذيني غرام ٍ يستثيرك جداله
خذيني مع النظره سؤالات وامال ..........خذيني مع الخطوه دروب وسهاله
خذيني صدى حب ٍ يخلد للاجيال.............. ويحكي لهم حب الفلا للغزاله
خذيني على رجم الهواجيس حمال ...........اباشيل عنك الهم واطوي حباله
خذيني رهان ٍ في ملاقاة الابطال ...............نهار المواقف تنتخي بالرجاله
خذيني عليل ٍ يشتكي قسوة الحال ................خذيني دخيل الله خذيني جماله
خذيني جروح وعالجيني على جال ...........ترى القلب عن طاريك ماهوب داله
اعاني من الامي وابي راحة البال ............اعاني عذاب ما قويت احتماله
واسامر نجوم الليل والدمع همال ..............وشكواي لله عالم بكل حاله
تجرعت في الدنيا رديّات الاحوال ...............همومي تربّصني بروح الزماله
اراها كما حبس ٍ له ابواب واقفال ............وله عنبرين اثنين .. ظلم وعداله
خذيني ولا انسى لك جميلات الافضال ...........انا عكس من ينكر ويقطع وصاله
وانا عكس من يمشي مع الناس بطال ...........وانا عكس من يطريه دم الثقاله
خذيني وانا لك طيلة العمر معدال ..................لاحطك بوسط القلب ياطيب فاله
واحطك وسط عيني وانا رمش وظلال ........وهذي مواثيقي بصلب الرساله
اتمنى تعجبكم
تحياتي واشواقي
تعليق