تويت
طال السكوت ومال صمتي مطاليب
قلبي خويي مالقلبي معازيب.....واللي حقرني من رداه احتقرته
هكذا دائما حتى في عتبه لايفارقه
طابع الحزن ومناجاته للنفس ونظرته
الي مايجول بداخله من خلال التجربه
...المبدع دائما مبدع...
الشاعر :سعد الحريص
برد المكاتيب
هبت جنوب وطاح برد المكاتيب=.ويا كثر ما هب الجنوب وذكرته
يملا حضوره من حضوري وانا اغيب =وياما غيابي في غيابه حضرته
ان جا مطر صارت له اضلوعي اشعيب=وان راح ريح(ن) طير اللي بذرته
طال السكوت ومال صمتي مطاليب=غير الكلام اللي وقف وانتظرته
جنبت لو مالي عن الدمع تجنيب=من وين ما صديت فيني شعرته
واصمتي اللي صار فعيونهم عيب=واجرحي اللي لو فضحني سترته
لي صاحب(ن) يملا كفوفه تراحيب=لولا الحيا من ضحكته ما اعتبرته
يا صاحبي ماهي عليا مقاضي=بعذروبي انك ذخري اللي ذخرته
عذروبك انك شوهتك الاكاذيب=عذروبك انك جاك طيب ونكرته
ان جيتني بفراق زود العذاريب=لاجيك انا من زود صبر صبرته
للطير جنحان وريش ومخاليب=لكن يضيع صيدته في غبرته
ومن جزم نفسي يوم صار الردى طيب=حلمي قبل لا يكسرونه كسرته
ومن راح مني قلت يا عله مصيب=دورت له عذر(ن) كريم وعذرته
للي يبي بعدي انا ماني قريب=اما ربحني ولانا ماخسرته
قلبي خويي مالقلبي معازيب=واللي حقرني من رداه احتقرته
رغم الجروح اللي بقلبي معاطيب=حبيت كفين الزمان وشكرته
تعليق