هذياني

**بـــــــــرق** · 04-11-2013, 01:32 AM

رد: هذياني

لك منزل بالقلب محد يطوله
والك بعيوني صورة شكلها غير

يابنت من هو طال كاس البطوله
شيخ لعينه يوقفن الطوابير

**بـــــــــرق** · 05-11-2013, 02:15 AM

رد: هذياني

ومنزل التورات والنصر والفيل
مع مريم ويونس وطه مع الناس

إنك بعيني غير يانافل الجيل
وانك ملكت الوجد مع صدق الاحساس

**بـــــــــرق** · 06-11-2013, 03:21 AM

رد: هذياني

يابنت لك جيه ترد الروح
هذاي دونته بهذياني

شفتك وفضح بالخفايا بوح
واوحوه صدقاني وعدواني

**بـــــــــرق** · 08-11-2013, 01:09 AM

رد: هذياني

مانيب عمك ولا خيك ولا خالك
ولا قريبك ولا من عصبتك لله

أنا مهامك وانا المجنون بوصالك
وانا مثل قيس مع ليلاه في دله

**بـــــــــرق** · 09-11-2013, 04:15 AM

رد: هذياني

نذر ويمين إنك سبايب دخولي
واقسم برب البيت لولاك ماجيت

عليك وجدي يالخشيف الجفولي
يفوق كل الوجد مير الجدا ليت

**بـــــــــرق** · 09-11-2013, 02:39 PM

رد: هذياني

لك يعتريني شوق في تالي الليل
يفضحه قلب في غرامك سجينا

يسعد صباحك ياصباح الهماليل
لارض ظمايها خلطها الحنينا

**بـــــــــرق** · 09-11-2013, 06:52 PM

رد: هذياني

هذا الجبل ياعزوتي يابعد حي
هذا ثرى حايل وهذا جماله

الديرة اللي يحتضنها جبل طي
ياحي سكانه وياحي فاله

**بـــــــــرق** · 10-11-2013, 02:48 PM

رد: هذياني

لك ظهور غير عن كل الظهور
واضح للخلق والكل شكره

أشهد انك بدر عن كل البدور
كامل بالعين والسحر نثره

**بـــــــــرق** · 11-11-2013, 12:57 AM

رد: هذياني

من صميم الذات من عمق الصميم
من خفوق عاش لك شوق ووله

إنكتب حب بقلبي لك مقيم
طاف اخر مابقلبي واوله

**بـــــــــرق** · 11-11-2013, 10:54 PM

رد: هذياني

رقدت يوم ان البطا كدر الليل
رقود جسم وعين الاشواق سهره

كف العتب يابو الرموش المظاليل
ملامك يذبل من العمر زهره

تعليق