تعاليتي

تعاليتي علي واجد وزدتي هالتعالي غْرور
ويعني زي ماتقولي علي النفس شفتيها


أعَرّفك غصْب تبغيني أجيلك خاضع ومكسور
تبيني أجرح العزّه لجل إنتي تذلّيها


على بالك بيدفعني خفوق الحب لك مجبور
وعلى بالك أذل النفس من شانك ووطّيها


وربي لا مسيكينه خدعْك احساسك المغرور
أنا لا يمكن ارضاها ولا يمكن أسوّيها


فهذا بعدك وحلّمك تشوفين الدمَع منثور
أنا لاعشت لو كلمة رجا منّي سمعّتيها


صحيح إني على شوفَتْك كلّي واله ومطيور
ولكن عزّتي تبقا على شوقي معلّيها


أبتحمّل عنا جرحك واتحمّل عذاب الجور
مدام امحبتك قلبي تولّع وابتلى فيها


أبتحمّل ولو عمري غدا وسط الشقا محصور
ولا أرمي كرامة نفسي لك حتى تدوسيها


نصيحه إسمعي منّي نصيحه طاوعي هالشور
حياتك لا تخلّي هالكبر يابنت يعميها


وش ايفيد الجمال اْن كنتي انسانه بدون احساس
وش ايفيد الجسد من دون روحٍ ربي محييها


مع تحيات&لغازلك غصب&