تويت
أولاً هذي المقادير :
2 باكيت كريم كرامل ..
3 باكيت دريم ويب ..
2 علبه قشطة ..
علبة جبنه فلادلفيا صغيرة ..
كوب وربع حليب بارد ..
7 باكيت بسكويت رينجو ( أصابع ) ..
نصف باكيت بسكويت شاهي ..
شوي من { الحليب السايل + النسكافيه } لتغميس البسكويت ..
كاكاو بودرة غير محلى ( للتزيين ) ..
الطريقة :
1- تخلطين الحليب البارد والدريم ويب حتى يصير غليظ شوي .. بعدين تضيفين الجبنة والقشطه والكريم كرامل وتحطينه ب الفريزر شوي بس ..
بس أحسن يصير لونه أبيض ،
2- تجيبين صينيه متحركه القاعده .. وتصفين بسكوت الشاهي في القاع بعد ما تغمسينه في الحليب والنسكافيه .. بحيث إنك تتركين مسافه من الجوانب عشان تصفين البسكويت الأصابع دار ما دار ..
3- تحطين نص الخليط السابق فوق البسكويت اللي يكون مغمس بالحليب..
4- تحطين طبقه ثانيه من البسكويت ( ويكون بعد مغمس في الحليب ) ..
وتحطين الباقي من الخليط ..
وتحطينه بالفريزر أقل شيء 4 ساعات ..
5- قبل ما تقدميه طلعيه من الفريزر تقريبا ( ربع - ثلث ) ساعه .. وترشين الكاكاو البودره ..
تعليق