تويت
على بالي جالسه تحت كنز ..
مرحباأإأإأ
ماني سألتكم كيفكم أكيد بتقلون تمام ..؟؟
أنا من عرفت النت والناس الي فيه كلهم تمام ..
..!!ماعلينا تمام مو تمام بقريح ..
في يوم من الأيام يوم السبت الموافق تاريخ 9\9\1990هجري , وفي نفس الوقت يجي ملادي ..
قررت أني أطس للسوق بشتري بلايز للجامعه ..الله يخسهم عثونا في الألوان أبيض أسود
مادري وشي الحكمه من الأبيض والأسود .. يمكن وهم يشرحون ويشفونا في الأبيض والأسود يتذكرون أيام زمان تلفزيون أبيض أسود على وقت ..أم كلثوم ..
ولا يمكن يشفونا حمار وحشي ....تهقون يلعن أم النذاله ألي فيهم .. يسونها مو بعيده عنهم ..
المهم ..
وأنا أدور في المول تعبت وقررت أني اجلس أرتاح
وقلت لأهلي أنا بربض وأنتم طسو كملو اسوعانكم , أذا خلصتم علموني لاترحون عني وتخلوني
لأن ذاك اليوم سوها فني نسوني في السوق ..
الهم يوم جلست و روقت وطلبت لي موكا ..بعدين حسيت أن فيه شي يوجعن مع تحت . جلسه على شي موطبعي
بس ناظرت إني جالسه على كرسي وشو الي موطبعي قلت يمكن انا اتخيل , سهجت الأمر ..الا فيه شي يوجعني من تحت
ياربي وشو هذا الشي الي جالسه عليه وشكله الي جالسه عليه مربع ..بديت افكر فيه حيوان مربع الشكل يمكن جالسه على حيوان ..
لا مومعقوله فيه حيوان مربع ياربي وش ذا الي قاعده تحته
اخر شي قلت يابنت قومي وشوفي وش ألي جالسه عليه ..
أول ماقمت شفت انصدمت قلت ياحليلي أثري جالسه على كنز ..وأنا مدري ..
جالسه على بوك ..
موجبن بوك .. اعرفكم تحبون البلع
اخليكم مع الصوره ..
أنا أول ماشفت البوك قلت شكله لولد .. ومقرش فيه دارهم واجد
عاد أنا أحب أستطلع عن المستقبل احب استكشف وش حولي .. عاد فضولي شدا أعرف وش وسط هل بوك
قلت افتح البوك ولا عيب وجلسة أفكر أفتحه ولا مافتحه بعدين قلت خلني افتحه يمكن اعرف صاحب البوك وأروح اسلمه له ولا وشلون اعرف صاحبه ..حرام تلقى صاحب البوك ضايق صدره .. cry
بعد تفكير عميق في مخي قلت يابنت افتحيه
قبل مافتحه جلست افكر مره ثانيه البوك شكله كشخه ويوجد بسطه دراهم واجده قلت يمكن فيه خمس ألاف ولا اربعه ولا ثلاثه ولا الفين ولا ألف يعني مايقل عن الألاف ..
قلت يابنت اقطعي الشك في اليقين وافتحيه ..لأن مخي تعب من كثر التفكير ..
فتحت البوك ..اخليكم مع الصوره
تتوقعون كم في البوك ..؟؟!!
صراحه انا أول ماشفت كم في البوك اشوي ويغمى على انصدمت صدمه قويه تقل احد معطني كف على وجهي ..!!!
للحين ماني مستوعبه كم في البوك ..
شوفو كم ..
اربع ريال بس .. وش ذا القعاطه راح كل تفكري وتخطيطي على الفاضي
اربع ريال ماتسوى الواحد يفكر ..
يوم شفت الأربعه قلت خلني اكمل تفتش على البوك يمكن شي ملفوز منا مناك لأن البوك شكله كشخه اخرتها تصفا على 4 ريال ..لا مومعقولهإلا مير القى منديل مصفط قلت شكله بدوي يحط مناديله في البوك من زود النضافه .. شكله من الحنس
لكن شفته الاهو نظيف ومسفط ومكتوب فيه شي ..
قلت : يالله المنديل يشتها الواحد يمسكه ..
مير اجي وافتح المنديل وانا اقراء وش فيه ..تمزعت من الضحك لدرجة الناس التفتو علي يقلون وش ذي تضحك على ايش
لدجه كانت بنت جالسه حولي جت وقطة معي في البوك .... تمون بقوه
شوفو وش الهذره في المنديل ..
ترجمة النص : أنت ياملقوفه وشوله تفتحين البوك أول بعدين تفتحين المنديل هذا مدامك فتحته بدون أذني تحملي ماتقريب
عاد هنا انا وقفت افكر انا والبنت الي قطة معي وش بتقول الحين اكيد بتقول كلمه لاصارت ولا استوات بتقول شي شنيع ..الدعوه فيها تحمل مسؤليه
انت نسانه حماره وكلبه ... ))بس هذي الكلمتين الي مخويتنا هذولي عندنا مناعه عنهن هل كلمتين ماتحرك اشعره
في النسبه لنا تقل احد يقول وش اخبارك وش علومك ..!:h:
في الأول على بالي البوك لولد بس شكله لبنت ولابعد أنواع الدلاخه فيها
ولقيت بطاقات الي يجلها هي وبطقاتها يقول تاجره
انا من شفت اربع ريالات غسلت يدي منها ..
بس الحين عرفت انها فقرانه من بطاقة التفوق اثرها طالبه في الجامعه والبطاقه الي تحتها بطاقة حساب خاص وألي تحتها بطاقه فيها رقم الحساب وألي تحتها بعد بطاقة تخفيض من ستي بلازا والبطاقه الي تحتها بطاقة عميل مميز في محل laud
ومن شد الدلاخه لقيت ورقه مكتوب عليها أرقام أتوقع أنها أرقام السريه للبطاقات ..
الحين يقال انها كاشخه ارقام مميزه ...........هع
والله بغيت اتهور واروح للصرافه واشوف كم رصدها بس من شفت اربع ريالات قلت مايحتاج شكلها مفلسه ماعندها شي
حرام اطلع فضايح اكثر من هي طالعه ..
هذي صوره جماعيه لي كل مافيه البوك
لكن اخر شي عرفت منهي البنت اطلعت معنا في الجامعه عرفتها من بطاقة رقم الحساب كان مكتوب عليها اسمها في الكامل
عاد يوم شبعت من التصوير والضحك أنا والبنت الي قطة معي في أول السالفه ..
جت راعية البوك تسأل عن بوكها عاد عطنها بوكها وقلنا لها فتشنا البوك لكن بطريقه زينه
ولا لو تدري وش مسوين فيه ..كان ذبختنا
عاد هي بدت تصرف الوضع ..بدال ماتقوم تغسل اشراعنا قامت تتفلسف على اربع الريالات الي في بوكها ..
طبعا أنا ماقلتلها اني في الجامعه .. اسكت حسيت انها فشيله ..
والله وطلعت بنت حلال ..
تفاهمت الوضع عاد لاحد منكم يتهور ويفتش اغراض الأخرين .. موكل مره تسلم الجره ..
وسلامتكم هذي كل السافه ..
عاد لاحد يطلع منكم الا تارك له بصمه ..
ولا لأفتش اغراضكم 
تعليق