البارت الثاني عشر

لوجين وصلوا البيت وغيروا ملابسهم ولوجين راحت تتحمم ولما طلعت لقت مسج بجوالها فتحته وابتسمت وراحت ركض لغرفة شموخ وهيفاء وعطتهم خبر وطبعا هي ماتقدر تاخذ رفيف فاراح تخليها عند العيال وراحت بسرعه بعد ماخبرتهم لبست تنوره طويله مرره لونها اصفر حرير وتيشرت ابيض ماسك وفكت شعرته خلته على طبيعته وحطت شوي مسكرا وكحل وروج وراحت طقت باب غرفة رفيف وعطتها خبر طبعا رفيف ماتبي من الاصل تجي مع لوجين فامبسطت انها جت منها

عند العيال سلطان : اقول ماودكم نسهر سهره حلوه اليوم تميم : لا انا موب راعي هالحركات سلطان يصفر وبعدين قال: كبرنا كبرنا صالح: اقول انت خربان لاتخربنا معك مازن: اسمعوا عيال عندي لكم خبر يحبه قلبكم صالح: وشو مازن: فهيد اخوي بيجي لندن تميم : الللللللللله يحيه ويسلمه واخييييرا بيجيه كووويس تكفى تكفى قله لاينسا يطفش لجين ورفيفوه اختها صالح: حرام عليك تميم : كل ** انا وفهد نتفاهم صالح: كل ****

عند البنات لوجين اخذت رفيف ونزلت تحت ورنت جرس العيال

عند العيال تميم: اقول احد يقوم يفتح الباب سلطان : والللله ان ماقمت ماخلي اخوي يجي تميم خاف وهو يبي يطفش لوجين عشان ترجع للرياض هو وفهد وخاف صدق سلطان ينفذ تهديده فاوافق معاذ: غريبه قمت ثامر: من جد

انفتح الباب تميم طبعا اول ماشافها قال: خير انشاءالله وش مجيبك عندنا لوجين : ابي صالح او معاذ او ثامر ممكن تميم: كلهم نايمين لوجين: طيب مزون تميم: كل البيت نايم الا انا خير وش تبغين بعد لوجين : اممم لاخلاص شكرا تميم قبل لايقول شي طبعا لوجين على طول راحت لانها مررره حساسه وحست انها جد مرره صارت عاله فاقبل لايسكر الباب كانت رفيف واقفه ورجعت تمسك الباب قبل لايسكره وقالت بنظره تحدي والم وانكسار بوقت بواحد: لو ابوي عايش ماكنت احتاج اذا لوجين راحت لصاحباتها اروح عندكم طبعا هزت كيان تميم مررره وحس انه جرحهم بعدين سرعان ماقال في نفسه : تاكل ** هي الي خربت علي سفرتي وقفل الباب

طبعا لوجين اول مارجعت دخلت غرفتها وحست انها اول مره بدون ظهر بدون احد يحميها بدون احد كانت تحس انها هي الوحيده الي بالدنيا لاعندها اخوات ولا صاحبات ولا شي طبعا رفيف اول ماجت راحت جمعت اغراضها بدون لاحد يدري وعلى طول طلعت من البيت

جت الساعه 7 المغرب ارسلت لوجين للبنات انهم مايقدرون يجون وراحت تبي تشوف وين رفيف راحت لغرفتها ماحصلتها راحت تركض تدورها بالبيت كله ماحصلتها بعد جلست تصيح وعلى طول شموخ وهيفاء سمعوا الصياح وبعدين جلسوا يهدونها انفتح باب شقتهم كانوا يحسبونها رفيف وطلعت هديل : وش فييييييييك شموخ قالت لها السالفه هديل: الحين وشو يعني البنت وووينها دقوا عليها ودقوا ودقوا محد يرد بعدين لوجين جلست تكتب مسج لرفيف ولاكن لارد

فهد: ياخي وش هاذا اليوم يالحي**** ليه ماقومتني عشان نروح للجامعه وليد: وانا وش يدريني راحت علي نومه المهم الدكتور عطاني امس رقم بنت قال انها بتسوي معي بحثي لاكن ماتدري ويبغاني اعطيها خبر


هيفاء: اسمعوا بروح عند العيال اعطيهم خبر شموخ: طيب يلا روحي وراحت لما رنت الجرس صارت المفاجئه رفيف هي الي فاتحه الباب على طوووول حضنتها هيفاء وجلست تصيح طبعا العيال جو يركضون عشان يشوفون وش فيها هيفاء من بين دموعها : تدرين انك خوفتي لوجين عليك روحي بسرعه المسكينه بتموت علينا من الصياح وحضنتها مره ثانيه وعلى طول رفيف راحت عندها طبعا العيال مدهوشين لهدرجه هيفاء تحب لوجين عشان تخاف على اختها هيفاء: اسفه ازعجتكم ثامر: لاعادي وراحت هيفاء للبيت وجلسوا يضحكون ويسولفون وطول الوقت لوجين حاطه رفيف بحضنها

الصباح قاموا البنات ووصلوا رفيف وتاخروا وراحوا للجامعه طبعا بسرعه طقت لوجين الباب : لو سمحتي دكتوره هل استطيع الدخول الدكتوره : لماذا التاخير لوجين : عذرا لن نكررها مره اخرى الدكتوره : حسنا تفضلوا ودخلوا البنات طبعا ماكان فيه مكان الا جمب وليد مكان وجمب اجنبي بالمقاعد الاخيره وفيه جمب فهد اجنبيه وجمبه وليد وجمبه مكان فاضي ومن الجهه الثانيه عند فهد محد فيه طبعا الدكتوره تضايقت انهم متاخرين ولا جلسوا الدكتوره : لو سمحتوا اذا لم تريدوا الجلوس تفضلوا الى الخارج لوجين : لالا سنجلس وراحت بسرعه جلست جمب الاجنبي وهيفاء باسرع شي جمب الاجنبيه الي جالس جمبها فهد من اليمين وهيفاء صارت من اليسار وشموخ على طول عند وليد

عند العيال اول مادخلوا كل واحد جالس ومرفع رجوله على الطاوله وحاط الاب عليه وجالس يطقطق فيه
طبعا راح تقولون ليه هديل مو موجوده كثير معهم لانها غير الجامعه وصارت بلندن لاكن مكان بعيد عن البنات عشان كذا نادر ماتجيهم


نرجع للبنات وليد يحس انه ملاك عشانه يشوفها جالسه لا وبعد جمبه وبنفس المكان خلصت الدكتوره شرح وطلعت طبعا على طول شموخ سلمت على وليد ولوجين وهيفاء سلموا وبعدين سلموا على فهد

عند العيال معاذ: اقول ليه مانروح ندج ونسوي مسيرات وربي من فتره عنها ثامر: اقول اعقل اعقل ياعمي ترانا بلندن مو الرياض

في وحده من مدارس الرياض طبعا العيال والبنات مبناهم مره لاصقين ببعض مابينهم الا جدار لينا: بنات تو رميت على ساحة العيال مويه بارده احسن عشان يعرفون مره ثانيه يذبون علينا ساره: اقول حبيبتي تبين عيال انتي اول ماتصفر اطلعي ووقفي الحارس يخليك توقفين عادي البندري: ايه والله صادقه او اننا نروح عندهم على اساس اننا نبي نسحب ملفاتنا او نشتكي ونلاقي عيال هناك لينا :تصدقون مدرستنا على انهم مايخلونا نلبس الا تيشرت ابيض ساده على القميص وغير ان استاذاتهم شديدات وغير ان احنا بثالث ثنوي احس هالمدرسه فله ساره : ايه عشان شباك فصلنا يطل على العيال البنات : هههههههههههههههههههههههههههههه لا والله بس فقدنا بقيه شلتنا مررره بالذات عهود دينا وهي جايه قالت : بنات ابي عهود تحضر تخرجنا وررربي قهر كانت معنا من اولى ابتدائي والحين نقلت عشان بيتهم يعني ماراح اشوفها معي بالتخرج ساره: لاماراح نشوفها دينا : يالللله ماتخيل تذكرون لما كنا نستهبل وننحاش من المدرسه ونهايط بالمولات ونروح ندج دج موب صاحي لينا: نذكر كانت احلى سنه بحياتي صح كانت ثاني صعبه بس طعمها مع عهود غييييير وربي ساره : المهم بنات بنفقد المنارات وصعوبه دراستهم والتربيه وهبال عيالهم الي يوصلونا للبيت وبنفقد المملكه ودجه العيال الكاش وبنفقد بن خلدون ودشرتهم والسمو وذبهم للدرجات والصحافه ونكدهم وهمهم وتعقيدهم ومطعستهم وبنفقد علوم الرياض ومصاخة مديرتهم ومصاخه مساعدة المديره وبنفقد قوانينهم القويه الي لاتيشرت ملون الا ابيض ساده لا ويقولون مرتب الشكل اوما الترتيب بس تصدقون بفقد هالمدرسه اكثر شي صح انهم يخلونا نلبس عبايات راس ونقاب ومافيه دف ابدا ولا فيه مساعده بس بفقدها وبفقد لسان مديرتهم الي يلعلع جوا المدرسه وربي بنفقد الهاي سكول مووووت

نرجع للبنات وليد: يلا عازمكم على مطعم عاجبني مرره بلندن وابيكم تجون معي لوجين : معليش وليد انا اعذرني بروح لاختي امرها يلا سي يا وعلى طول راحت وليد : خلاص انا عازم شموخ وهيفاء طبعا هيفاء كانت مررره مستحيه





مرت الايام ووليد وشموخ حبوا بعض لدرجه ان الكل يحسدهم على هالحب

ولوجين حبت مشاري مررره صارت تكلمه واذا فضا جاء للندن واذا هي فضت جت للرياض

وهيفاء تمووووت على التراب الي يمشي عليه فهد

يوم عيد ميلاد هيفاء طبعا الكل مشغول لوجين رجعت للرياض عشان مشاري بس حطت هديه هيفاء بغرفتها وشموخ كانت مررره مشغوله بوليد والسوالف والهبال طبعا هيفا كانت مررره كاشخه عشان فهد بيمرها

عند العيال تميم صار يتقبل لوجين وحده وحده ويعتبرها اخته
فهد مر هيفاء وجلسوا يسولفون بالسياره ولما وصلوا المطعم اول ماجلسوا قال فهد : هيفاء انا حاب اصارحك بشي طبعا هيفاء انبسطت انه بيقولها انه يحبها مثل ماتحبه قالت وهي طايره من الفرحه : اكيد قول فهد: هيفاء انا صح حسيت اني احبك طبعا هنا كانت هيفاء باشد السعاده فهد: بس انا عرفت اني احبك كاخت طبعا هنا كانت ابتسامه هيفاء كللللللللها راحت قالت : فهد ماسمعت ممكن تعيد فهد : انا احبك بس كاخت وانا احب لوجين وكنت اتمنى تبادلني بهالشعور لاكن مابادلتني وبعدين خلاص انا ماراح احب بعدها هنا هيفاء كن احد كاب عليها موووويه قالت : يعني انت ماتحبني فهد: لا وكنت اسوي نفسي اني احبك لاني كنت احسب لوجين تحبني بس ماتبي تعطي خبر لاحد عشان كذا واليوم تأكدت انها ماتحبني عشان كذا اقولك انا احبك بس كاخت طبعا هنا ماوصف لكم شكل هيفاء كانت مرررررررره تحس نفسها حقيره وكل شي قالت بصوت مبحوح: فهد وصلني للبيت لو سمحت فهد: انشاءالله ودفع الحساب وطول ماهم بالسياره فهد وهيفاء ساكتين

البارت الرابع عشر والأخير



عند شموخ كانت هي ووليد جالسين عند البحر وليد: شوشو انا احبك موووووت تفهمين وش معنى موووت شموخ: وانا بعد وليد: انتي بعد وشو شموخ: طقته من ضهره وقالت:خلاص عاد ترى ازعل وليد: خلاص خلاص الا زعلك ودق جواله وراح قام من الكرسي شوي وبعدين رجع قال : شوشو حبي انا الحين بروح شركة ابوي كلموني شموخ: اوووف يعني لازم وليد: ايه وربي لازم يلا سي يا شموخ: سي يا طبعا اول ماراح وليد راحت شموخ ركبت السيارة طبعا شموخ دائما اذا اتفقوا على مكان ماتركب لحالها معه يامع رفيف او لوجين او هيفاء او تركب مع السواق وتخليه يلحقه طبعا السواق تعود اول ماركبت شموخ نست تعطي خبر للسواق انه يروح للبيت مايروح وراء وليد وجلست تفكر بوليد وحبها له بعدين بصوت كنه قوم شموخ من احلامها الورديه السواق بالانجليزي : لقد وصلنا للمكان شموخ: اي مكان السواق : لقد لحقت بالسيد وليد كالعاده وهاذا هو المكان الي وقف فيه وذهب الي تلك الشقه طبعا شمووخ استغربت شقه قالت : طيب شوي واجي ونزلت على اساس تسوي سبرايز لوليد طبعا الشقه كانت كبيره مررره يعني بس دور واحد وكنها بيت شقه تحت وشقه فوق راحت للي تحت ورنت الجرس فتح لها واحد اجنبي سكران طبعا على طول خافت وراحت فوق وجلست تنتظر هي كانت تحسب ان هاذيك الشقه لابو وليد وانتضرت يمكن نص ساعه بعدين قالت بنفسها : خليني ارن هاذا الجرس ورنت الجرس ولا فيه احد رد بعدين رنت مره ثانيه فتحت لها بنت اجنبيه كبيره تقريبا قد شموخ طبعا هي قالت : اسفه لقد غلطت بالعنوان وجت بتنزل الا تسمع صوت وليد يقول : عزيزتي من هناك البنت : لاحد حبيبي فقط بنت غبيه لقد غلطت بالعنوان طبعا كانت لحد الحين الباب مفتوح وهي واقفه قامت بسرعه شموخ فتحت الباب بقوه ودخلت لقت الصاله فاضيه بعدين راحت لغرفه ثانيه لقتها فاضيه راحت للثالثه ولما فتحت الباب لقت الصدمه شافت وليد نايم بالسرير وجالس يلعب بجواله شموخ: وليد طبعا شموخ كانت تقول هالنبره بحزن بالم كانت تبي تكذب اذنها وعينها بس ماقدرت وليد طبعا انكشف خلاص ماله داعي يجلس ينصب زياده قال : ايه وليد خييير وش تبين شموخ: وليد انت انت وليد انت تحبني انت كيف جيت معها وبنبره قويه كيييف وليد: انتي غبيه ماتبين نتقابل الا باماكن عامه وماتركبين سيارتي الا اذا معك احد انا مابيك كنت ابي شي واحد بس لاكن حسيت اني ماراح اوصل له وخلاص تركتك شموخ: وليد انت تحبني وانا احبك وليد تكككفى قول اني احلم تكفى مو معقوووله هالحب الي بعيونك وهالخوف يطلع كذب مو معقوله خوفك علي من كل شي كذب مو معقوله هالحب الي كل ماتلاقت عيوني بعيونك حسيت فيه مو معقووووله موووو معقوله وليد:اسمعي انتي يابنت ال***** انا خلاص مليت منك انتي ماتبين تعطيني الشي الي ابيه خلاص انقلعي برا يلا شموخ بنبره حزيينه وبصياح قالت : كنت احب وقلت خلاص بعد تجربتي الفاشله ماراح احب مره ثانيه وبعدين حبيتك بس تصدق اكثر شي جرحني لما شفتك نايم ومع وحده ضيعت شرفها عشانك مع وحده بنت شوارع شرفها ماراح بس معك مع الكل مع وحده تخوني لاهي من اصلك ولا هي مثلك ولاهي تحبك مثل ماحبك تصدق هالجرح كببييييير محد يقدر يمحيه جرح اني اشوف وليد نايم مع بنت شوارع وليد الي حبيته وعشقته من كل قلبي وليد الي فظلت الناس كلهم عليه بس الي اقدر اقوله الله يوفقك في حياتك انت من طريق وانا من طريق واوعدك ماراح تشوف وجهي ولا تسمع سيرتي بلندن كلللها انا بروح بلد ثانيه وبعيش من دونك لاتحسب اني بموت من بعدك ترى مليون من يتمناني ولاتحسب اني بعد مقدر احب انا اقدر احب بس بعد هالجرح الكبير انا مابي احب المهم الله يهنيك ومسحت دموعها وقالت تدري دموعي هاذي ماعمرها نزلت حتى على موت احد عزيز علي موووت ونزلت الحين عليك بس تصدق حسيت اني بزر لاني ماعرفت اختار الصح يلاتامرني بشي يا طبعا كانت صعبه اول كانت ماتفارقها كلمه حبيبي والحين بكل صعوبه قالت: ياوليد وليد: لاسلامتي بس اذا طلعتي سكري الباب وراك لانك بصراحه خربتي جووي شموخ على طول طلعت ركبت السياره وهي ميته صياح جلست تصيح تصيح طبعا السواق جلس يدور لحد ماتهدا لحد ماجت الساعه 5 الفجر وهي تصيح بعدين حست انها هدت شوي وقالت للسواق يرجع للبيت طبعا ماكان بالبيت الا هيفاء دخلت لقتها تصيح قامت حضنتها وجلست تصيح مررررره لدرجه ان روحها كانت بتطلع جلسوا حاضنين بعض لحد الساعه 7 الصباح بعدين قالت هيفاء كل شي عن الي صار لها وشموخ نفس الشي قالت كل شي وبعدين جلسوا يشجعون بعض انه عادي وان ربي كاتبه

نرجع للرياض طبعا اول مارجعت لوجين خطبها عمها لمشاري ووافقت ولما راحوا يسوون تحاليل الزواج واول ماطلعت النتيجه اكتشفوا ان دمهم مايطابق

بعد مرور 2 شهرين على الاحداث لوجين وشموخ وهيفاء ورفيف راحوا عند عبير وهديل وجلسوا عندهم 2 اسبوعين بعدين راحوا لامريكا لان شموخ تبغا تنسا كل شي يرتبط بوليد وعبير وهديل كانوا من زمان بعيدين عنهم فاقرورو يبعدون عن كل شي ويروحون امريكا ويكملون حياتهم من جد وجديد


بعد مرور 6 سنوات عبير وهديل ولوجين صاروا مترجمات بشركه بامريكا وشموخ وهيفاء صاروا معلمات بوحده من المدارس الخاصه ورفيف كانت داخله طب وباقيلها مشوار طووويل وكانت بثالث جامعه طبعا الكل مبسوط بدون حب بدون تعب بدون ماتنفتح الجروح وبين العطل اهلهم يجونهم عشان يشوفونهم

الصباح بالجامعه كانوا البنات ماخذين اجازه من الشغل عشان يتذكرون ايام اول لما كانوا يستهبلون بهالجامعه وكانت رفيف معهم
رفيف: بنات احبكم لوجين: انا اعشقك ياحلى اخت بهالدنيا

نرجع للعيال وليد طبعا صدم بحادث سياره وجاه شلل كامل مايقدر يتحرك ابدا وفهد مكمل حياته ونادم انه ضيع هيفاء من يده ومشاري خطب بنت ثانيه وتزوجها ومعاذ وثامر وفهد وصالح كملوا دراستهم بلندن ومازن وتميم رجعوا للرياض وهياء وغيداء والبنات عن قريب راح يروحون يدرسون مع لوجين بامريكا
طبعا راح تستغربون سبب تسميه الروايه انا احبك انا اعزك انا باقي على ذكراك
طبعا السبب ان انا احبك لان لوجين حبت مشاري بشده مرررره وعزته وهيفاء حبت فهد وعزته لاكنه جرحها ولايمكن ترجعله بس راح تظل تحبه للابد
وشموخ من بعد خيانه وليد لها وهي الى الان تحبه وتعزه وتجيها حالات ودها ترجع للندن عشان بس تسمع صوته
طبعا البنات كل وحده حلفت ماتتزوج الا عبير وهديل وبعد 2 سنتين عبير خطبها واحد ابوه يصير شريك ابو عبير واسمه سلمان وهديل انخطبت لصالح وبعد سنه كامله تزوجوا
انتهت الروايه اتمنى تعجبكم وانا اعتذر بشده عن الاخطاء الاملائيه او عن اي شي ثاني واتمنى ان الفكره توصل

يعطيك العافية مع اني ما قرأتها

الله يعافيك

مشكوره على الروايه
وننتظر جديدك
موفقه

مشكوره يا ملكه

و لا تحرمينا من مشاركات جديده

...


الله يعافيك

العفو بصراحه انا الحين جالسه اكتب روايه اسمها يلا ننسى الي حصل ونجعل الدنيا امل وانشاءالله بتنزل اليوم

العفو انشاءالله من عيوني