انا احبك انا اعزك انا باقي على ذكراك

***مزون شمر*** · 23-10-2009, 11:15 AM

اهلين اختي
الله يعطيك العافيه
متابعينك

**ملك القلب** · 23-10-2009, 11:16 AM

يسلمو يعطيك العافيه على الطرح الرائع

**ملكة الاحساس** · 23-10-2009, 02:21 PM

الله يعافيكم

**ملكة الاحساس** · 23-10-2009, 02:34 PM

البارت الثاني :

لعيون :مزون شمر & ملك القلب

الثلاجه مفتوحه والنور مبين جسم احد قالت لوجين : افا يالخاينه كذا كذا جزاة المعروف حررام عليك كان خليتيني انزل معك والحين تونا نقول صاحبات واخوات اي هين وراحت فتحت اللمبه وصارت المفاجاه القويه ؟؟ مشاري واقف مصدوم من جمالها وهي مصدومه وبس التقت عيونهم ببعض سرح وبعد 2دقيقه انتبهت لنفسها لوجين بتوتر وخوف: ا...س..ف..ه ما ...نتب..هت<< طبعا كانت مره خايفه وراحت على طول ركض لغرفتها بعدين قفلت على نفسها ولبست روبها وكانت ميته جوع قالت : خليني اروح بس انزل بشويش بدون لا احد يشوفوني << وطبعا كل هاذا بعقلها ولما لبست روبها جلست تتوزوز كنها حراميه وتمشي على اطراف رجولها ولقت المطبخ لمبته مسكره راحت ركض اخذت لها اكل وطبعا الدور الاول كله مظلم وهي تنزل كانت تحس فيه جسم جالس بالصاله بس قالت عادي اكيد تحفه وراحت ركض اخذت اكل لقته بالثلاجه وركضت لفوق واكلت ونامت
هديل+رفيف: يلا لولي قومي
هديل: يلا لولي الحين الساعه 3 ماصليتي ولا شي بسرعه عشان نلحق على الخيول قبل العيال
رفيف بصوت صارم وعالي: لولي
لوجين : عمى بعينكم انتي وياها وياها ياجعلكم الصمرقع تراني هنا منيب هناك
هديل + رفيف: ههههههههههههههه
رفيف: قلت لك اختي ماينفع معها الا القوه وشوفي على الصباح ادعيتها كذا حشاء منتي لولي اخافك صرتي ماما فاطمه وانا مدري
هديل: ههههههههههههههه حتى ماما فاطمه ماتقول هالكلام (( ماما فاطمه جدتهم ))
رفيف : يلا قومي بسك نوم
لولي وهي قايمه من السرير : طيب اوف اعصابكم
هديل ورفيف متسدحين ضحك على شكلها كان مرره بيبي فيس وكان يجنن
قامت دخلت الحمام وانتوا بكرامه وغسلت وجهها وتوضت وصلت بعدين رجعت تحممت وسوت شعرها بالليس ولبست سكني جينز لونه بني فاتح وبوت اسود جلد يجنن حق دولتشي جابانا وتيشرت حق زارا اسود نص كم وطبعا هي مالها بطن طالع شكلها خوقاق وراحت فتحت الباب لقتهم ينتضورنها هديل: انعنبوك وش ذا الجمال مشاءالله الله يحفضك غطيتي علينا رفيف: اي تحلم تغطي علي لوجين : ههههههههه تسلمين من ذوقك وراحوا نزلوا تحت لقوا ميساء تحت هي وامها وزوجات عمانها لوجين ورفيف وعمانهم وابوها وعيال عمها طبعا اول ماهلت كان ريحة العطر واصله وكان شكلها يجنن ورفيف كانت لابسه مثلها بس جاكت وسكني جينز لون بني غامق وشوز وانتوا بكرامه بوت عالي اسود واول مانزلوا الانظار كلها صارت عليهم طبعا ميساء كانت تشوف نظرات مشاري وكان ودها تسوي شي بس ماتقدر ابوها وامها واخوانها موجودين اول مانزلوا راحت لوجين هي ورفيف وهديل حبوا راس جدهم بعدين جدتهم بعدين عمانهم بعدين لوجين ورفيف حبوا راس ابوهم وسلموا على عيال عمهم بالكلام واول مانتبهت لمشاري اتذكرت انه هو الي كان بالمطبخ وانقلب وجهها الوان قوس قزح حتى هو حس انها توها تلاحظ وابتسم قطعت الجو رفيف : يلا ماتبون نركب خيل ((طبعا رفيف ولوجين حرييفات بالخيول )) نكمل هديل : ايه يلا العم فيصل ابو مشاري : وين يابابا وين بتروحون لحالكم هديل : ايه بابا كلنا نعرف فيصل : عارف يابابا بس لازم رجال معكم هناك كله عمال وبعيد لازم بسياره رفيف: واول مره تكلم عمها بدون رسميات : عمو تكفى عمو انا الي بسوق والله اعرف وعادي خل اي رجال يجي معنا بس انا الي بسوق وعد ماصدم فيهم طبعا الكل هنا ضحك وام مشاري من اول ماشافت لوجين ورفيف حبتهم وكانهم بناتها العم فيصل : طيب يابابا انتي سوقي بس مين بيروح معهم ( ماكان فيه الا صالح ومشاري )) العم محمد: خلاص مشاري وصالح يروحون معهم موافقين ياعيالي طبعا صالح يحب هديل من زمان بس هي ماتدري ومشاري لقاها فرصه يروح مع لوجين فاماصدقوا خبر وقالوا ايه قال العم مساعد: استنو ياشباب وصابيا بتركبون لحالكم الخيل لوجين : عمو والله مافيها شي اسئل بابا انا حريفه في الفروسيه وحتى رفيف وحتى هديل تكفى عمو العم مساعد : خلاص ابشري ماطلبتي طبعا مشاري وصالح كان ودهم يذبحونها بس اسكتوا قامت رفيف قالت : بابا ابي سيارتك العم مساعد والعم فيصل باصوات متفارقه: وليه ماتاخذون سيارتي الكل: ههههههههههههههههههههههههه رفيف: لا انا احب سيارة بابا بعدين تعودت عليها المره الجايه اخذ سياراتكم العم مساعد : خلاص عمتي رفيف انتي خيطي وحنا نلبس العم فيصل : والمره الجايه ترى سيارتي رفيف : من عيوني يلا خلونا نروح وقاموا العيال والبنات طبعا كانت لوجين مره مستحيه من مشاري بعد الي صار وهديل مره مستحيه من صالح كل مارفعت عينها لقته يناظرها وصلوا للسياره فتحت رفيف السياره خلاص انا بركب قدام ولحد يجي جمبي مشاري وصالح : ليه عمتي رفيف : عشان لو بسوق لازم بس واحد الي يجلس جمبي وانتو صداقاء ماترضون واحد قدادم واحد وراء خلاص انا سواقكم راجو وانتوا وراء وراكم لولي وهديل قالو خلاص موافقين رفيف بصوت يسمعه بس البنات : استناكم توافقون عماني طبعا ركبوا والمسافه كانت 10 دقايق لان المزرعه كبيره وصالح يقول لرفيف يمين ولا يسار يدللها المكان فيما كانوا بالطريق مشاري يقول بنفسه ليه ماكسر حاجز الصمت الي ببينا وقال: لولي انتي باي سنه طبعا هي عادي خلاص قالت : انا بثالث ادبي وصالح قال: وانتي هديل اي سنه : انا بثالث علمي قالت رفيف : اشوف محد عبرني عنها اظاهر صدقتوا اني بصير راجوا الكل :هههههههههههههههههههههههههههه مشاري: بنفسه يازين ضحكتها وصلوا للاستبطلات حقت الخيول وطبعا مشاري مبسوط مرره انها تسولف معه وحتى صالح مبسوط مرره نرجع لحديثنا كان فيه عامل حق الخيول قال مشاري طبعا بصوته رزه وباين انه مرره شخصيه : لو سمحت نبغى تطلع لنا 2 خيلين طبعا كلهم فتحوا فمهم ليه 2 وفيه اكثر من 7 قال مشاري : عشان لاسمح الله لو فقدتوا السيطره على الخيل ماتصيرون كثار وتصدم وتصير مشكال كثيره قالت لوجين : صح خلاص 2 قال صالح : موب عدل بنتين يركبون بدور واحد خلاص بنت ولد عشان نخلص بسرعه وعشان يصير ماملينا واحنا نستناكم << طبعا مخطط انه يركب خيل وهديل خيل لاكن بنفسه (السرج: نفس المكان الي فيه الخيول تمشي ) قال مشاري : خلاص انا ولولي وانت وهديل ورفيف لحالها ولها وقت بعد زياده رفيف انبسطت قالت بسمع الايبود فيما تخلصون طبعا الدور الاول كان لصالح وهديل وجلسوا يمشون بالخيل ويسولفون ومشاري ولولي يسولفون بما انهم ماركبوا خيول ماجاء دورهم واخذوا ايميلات بعض لانه عادي واخذو الارقام طبعا مشاري ميييت وناسه خلص دور هديل وصالح وجاء دور لولي ومشاري وضحكوا واستانسوا ولعبوا وسو سباق وهم يسونه كان مشاري يطبق عليها مثل قد سمعه بعدين جاء دور رفيف وجلسوا كلهم ال4 يسولفون مع بعض ولما خلصت رفيف رجعوا للبيت الي بالمزرعه وسواليف وضحك بالسيارة لما وصلوا وجلسوا عند الحريم طبعا رفيف تحب ام مشاري مره وجلسوا يسولفون مع بعض جت بترقى لوجين قالت ميساء: انتي ماراح تاخذينه مني خليك مرتاحه ومشت طبعا لوجين مافهمت بس قالت اكيد هي ماتحبني من يوم كنت صغيره ولا يمكن تحبني الحين طبعا هي كانت مقفله جوالها من اول ماجت المزرعه وتذكرت انها مقفلته ورجعت فتحته لقت 15 مسج عشان شموخ دقت ولقت الجوال مقفل و 33 مسج عشان عبير دقت وهيفا 9 وجنى 2 ومن ابوها 5 راحت مسحت المسجات وراحت بتتحمم سمعت صوت جوالها يرن ونغمته :ياخاين الود ليه وش الي قصرت فيه حبيت باصدق مشاعر وش الي اكثرت بيه ياخاين ياخاين ياخاين الود ليه : ردت لوجين كان ابوها : هلا بابا ابوها : هلا حبيتي لوجين حبيتي انا لازم اروح للندن شركتنا هناك فيها خلل وش رايك اوصلك للبيت الحين انتي ورفيف وانا اسافر لوجين قالت عشان ماتثقل عليهم : خلاص بابا انشاءالله انا اغراضي راح تصير جاهزه بعد ساعه انا ورفيف قال الابو: ترى حطيت لكم فلوس زياده لك انتي بالكردت كارد وبالكردت كارد حقت رفيف طيب حبيتي لوجين :الله يكثر خيرك يالله بابا لازم اقفل عشان اجهز نفسي الابو : يلا فمان الله لوجين : فمان الكريم وقفلت وراحت جهزت اغراضها وخبرت رفيف وخلصوا على الساعه 6 المغرب وجو نزلوا تحت يودعونهم ودعهوم وجدتهم قالت لازم تجون عندنا مره ثانيه وعزايم المهم لوجين قالت : هديل لاتقطعين تكفييين هديل : انشاءالله من عيوني يلا توصلون بالسلامه يارب ولو ان ودي تجلسين بس ماباليد حيله لوجين : ههههه انشاءالله مره ثانيه وحبت راس جدها وجدتها وطلعوا وطول الطريق رفيف تتكلم عن وناستها وهبالها وش سوت والابو انبسطت مرره وصلوا للبيت ودخلوا وكل وحده فصخت عبايتها ونامت فيها والابو اول مارجعوا البيت كلم لوجين وحرصها على اختها وعلى نفسها وجاء الجمعه وقامت لوجين ولقت الساعه 9 بالليل قامت وهي مصدعه وراحت لغرفى رفيف لقتها نايمه بسابع نومه راحت لقت عبير 14 لم يرد عليها وشموخ 3 وهيفاء 6 وراحت دقت وسوت مكالمه جماعيه وحكت كل شي صار وطبعا خلصوا وسولفوا شوي وخططوا انهم بكره يروحون عند مدرسة العيال على انهم عيال ويجون ينامون اليوم عند لوجين طبعا اهل صاحباتها مفتفحات مرره فاوافقوا كلهم الا جنى لانها تحضر للاختبار قاموا وخلوا رفيف تغيب وتجلس مع راجوا عشان لو صار شي ولا شي يصير فيه احد يفكر طبعا لبسوا اثواب ونسيت اخبركم ان البنات من اول مابدت الدراسه وهم موصين خياط رجالي يسوي على مقاسهم هاذا خياط ابو لوجين وطبعا محد نام من كثر التخطيط والتهبيل وكان اول الترم يعني بينصبون وبيقولون جداد جاء الصباح والبيت كله حركه الي تروح والي تجي والي تجهز والي تلبس وخلصوا وركبوا السياره راجو: ايس فيه انتا مين رفيف : راجو لاتخاف هاذولي لوجين وشموخ وهيفاء بس مافيه كلام احد طيب راجو: اكيد ماما وراحوا سيده لمدرستهم طبعا مدرستهم مره متلاصقه بالعيال واول ماجاء الصباح على اساس انهم بس بيوقفون عند البوابه وبعدين يهايطون على العيال بعدين يرجعون بس صار شي قوي للاسف وقفت سيارة جيب لكزز عند قسم الاولاد ونزلوا 4 بنات اقصد 4 عيال طبعا كل العيال كانوا يخققون وكدشات وجمال رباني وادب وذوق فاول ماشافهم واحد جاء قال للوجين طبعا لوجين متلثمه بس رسمت بالكحل على حواجبها عشان يبان انها ولد وخلت صوتها خشن << اي هين اوما النعومه بس نرجع نكمل جاء الولد قال : انتوا في مدرستنا قالت لوجين بصوت خشن : اييه يابو الشباب نحنا جديدين طبعا هاذا الولد مار على شموخ وتذكرت انه خوي الولد الي عطاها الفلوس في الكفي بس سلكت وقالت اول ماشوفه اعطيه اياه واروح طبعا رجع الولد لاخوياه وقال : شباب فاتكم بنات مدرستنا مسوين انهم عيال والله اني عرفت بس عيال ال***** ضابطين الدور ماعرفت الا من مناكير يد وحده منهم طبعا هاذي هيفاء نست تشيل مناكيرها قال وليد : وش رايكم نخليهم يدخلون المدرسه غصب قال فهد: خلاص وانا معك طبعا هم البنات مافكروا ان اول مايرن الجرس راح يدخلونهم يحسبون ان لهم حريه الشخصيه يختارون << لو كذا كان من زمان مالقيتي عيال بالمدارس المهم رن جرس وقاموا جو شلة وليد عندهم هم كانوا يهايطون على ناس بمدرستهم وجاء وليد يبي يسحب لوجين على انها صديقه ويدخلها المدرسه وفهد يحسب لوجين على انها صديقه ويدخلها المدرسه ومحمد يسحب عبير على انها بيدخلها المدرسه طبعا كل واحد مسك له وحده وليد : ايه انت ولد يلا يلا امش معي رن الجرس عشان الحصه يلا يلا وطبعا مانتبه لعيون شموخ لانها كانت منزلتها وهو يجرها يلا يلا لما وقفوا عند الباب كل البنات والعيال طبعا مافيه مفر خلاص دخلوا من الباب قامت رفعت راسها شموخ وقالت : تكففففى طلعنا مابي اجلس هنا مابي طبعا هو عرف هالعيون وعرف هالصوت قال انتي قالت: ايه انا تكفى والله اعطيك كل فلوسي بس طلعنا قال هو : طيب مقدر الحين دخلنا من الباب بسسرعه خلينا نروح للحمامات وانتم بكرامه طبعا الكل مشاهد بصمت مرتاعين يعرفون بعض واول مامشت شموخ وليد للمحمامات وانتوا بكرامه قال : خلاص انتوا اجلسوا هنا بس بسسرعه كلنا ندخل بحمام واحد الي هو الحمام حق المكنسات عشان مايشكون اذا كان الباب مسكر قالت هيفاء : خير لا لا لا وين حنا فيه طبعا فهد اول ماسمع صوتها نسى كل الناس قالت : لا لا مافيه امل ادخل مع واحد وش يضمن لي ماتسون لنا شي قال وليد : شموخ تعرفيني وانا مافيه امل امسك شعره منكم بس يلا ادخلوا قالت شموخ : خلاص بندخل مالنا الا هالحل ودخلوا 8 في حمام واحد وانتم بكرامه جاء واحد استاذ يفتش على الحمامات وانتم بكرامه فتح الاول مالقى شي فتح الثاني مالقى شي فتح ولحد ماوصل لل6 وقف قال بصوت يسمعونه :لا هاذا حق الصيانه وكل واحد اررتاح مرره جاء الاستاذ الثاني حق الفنيه

نرجع لميساء شوي بالمدرسه: اقولك ريم هال***** يحبها مشاري اه بس لو تشوفين كيف يناضرها والله وعالي سماه لا انسيها اسمها ماعاشت بنت **** تخلي مشاري يحبها (ريم صاحبة ميساء الروح بالروح ونفس طبايعها ) ريم: وش رايك نسوي خطه جهنميه موت وانا عندي ميساء: OK
نرجع للوجين: يالللله هاذا بيفتح الباب شوفوا رجوله قرب فهد: خلاص خلاص انا بطلع له وبطلع كل المكانس الي يبيها وارجع لكم طيب وليد: انتبه لاتنكشف واذا حسيت ان فيه( قفطه) يعني مسكه صرفه لو تضطر انه يشرح لك الدرس فهد : طيب طيب وخروا طبعا فهد كان بالاخير وقدام مره هيفاء لازم يمر من عندها راح قدام وصل عند هيفاء بعدت شوي وتلاقت عيونهم ببعض طولوا قال وليد: بسرعه احد يتغزل في بنت وبالحمام وقت عليك وقت يلا خلصنا فهد: طيب لاتدف وطلع وهيفاء لا وصف من كثر ماصار وجهها الوان القوس قوزح الاستاذ : فهد وش الي مدخلك حق الصيانه كل الحمامات فاضيه وش معنى فهد: لا تو كانت مليانه واضطريت اتفضل استاذ انت تبي شي الاستاذ : ايه ايه الله يعافيك عطني المكنسه الحمراء الي بيدك فهد: انشاءلله تفضل طبعا الاستاذ مره مذهول من ادب فهد اول مره بحياته فانطم وكان فرحان لدرجه ماتنوصف لانه راضي عليه فهد: هاه استاذ تبي شي ثاني الاستاذ : ابد ابد سلامتك وراح وطبعا اول ماراح دخل للحمام وقالهم اطلعوا يلا وليد: كيف يطلعون واذا مسكونا هم وش موقفهم فيصل : على *** انت وياه يلا خلصونا بنطلع الحين محمد: عندي فكره ليه مانجيب هالسلم الي هنا ونروح جمب المظله وننط وليد : جبتها يابو حميد يلا ويروحون يشيلون السلم فيصل : بروح اشيك على الساحه اذا فاضيه رنت لك رنه وليد: طيب يلا ببسرعه تراه خفيف مرره مايعور ابد<< طبعا يطنز وليد سمع هزت جواله وقال : يلا يلا نروح شموخ : وييين مانقدر مانعرف وليد: اعلمكم يلا بسسرعه لاتنقفطون ويمشون بسرعه وصلوا عند المظله وكان فيه درج قوه وقفوا عند باب وهم لسا شايلين السلم وليد: شموخ يلا روحي طبي للمظله شموخ : ماعرف اخاف اموت طبعا كانت عيون شموخ كلها دموع وكانت بريئه جدا وهي تقولها والولد خق وجلس يناظر لوجين: هييييه يلا شموخوه بسسرعه خلصينا شموخ : طيب طيب ساعدوني طبعا على طول فصخت الثوب كان فوقه سكني جينز وتيشرت حق سبايدر مان وشوز وانتم بكرامه حق لويس فتن الي لونه اسود وبالفضي مكتوب من قدام اسم الماركه اول مافصخت ثوبها وليد مايدري يناظرها ولا يناظر عيونها ولا يناظر وشو شموخ قطعت حبل افكار وليد: يلا يلا ساعدوني طبعا البنات مسكوها وخلوها توقف عند الباب عشان تنط وليد: وين وين خليني قبلك عشان لو صار شي لاسمح الله امسكك وعلى طول ننط لان المسافه مره قريبه وبالراحه يمدي اي بزر ينط منها لاكن شموخ خوافه فابطلعت الروح نطت وصلت وجاء دور لوجين : يلا يلا انا بنط هيفاء: تعالي وش تنطين افصخي ثوبك لوجين : طيب طيب وتفصخ ثوبها طبعا كانت لوجين مرره حلوه ولابسه : تيشرت حق نايك لونه اصفر وسكني جينز غامق وفكت شعرها كان خلقه مرره كيرلي ولابسه شوز وانتم بكرامه حق نايك الي لونه اصفر وكانت فيه علامه نايك بالابيض كبيره عليه ونطت بسسرعه ولا كانت خايفه لان المظله حدايدها لاصقه بالباب مره البزر يقدر ينط وجاء دور هيفاء : مابي مابي انط اخاف اموت بعدين انا وحيده اهلي مابي مابي وجلست تصيح طبعا فهد قلبه مرره تقطع من جوا لما صاحت وقال: خلاص ننط انا وياك طيب وانا بمسكك لاتخافين والمسافه مرره قريبه خلاص طبعا هالكلام مره ريح هيفاء وافقت لوجين : يلا افصخي ثوبك طبعا كان شعرها ستريت فكت الشماغ والغتره وطاحت خصل على عيونها وطلعت مرره بريئه كنها ريهانا وكانت لابسه بدي لونه ازرق مرره ماسك عليها ولابسه سكني جينز فاتح وشوز حق بومه الاسود الي فيه فضي بعالامه البومه طبعا كانت مره خقق وبالذات بعين فهد لوجين: يلا فهد يلا هيفاء طيب طيب بسسسرعه فيصل ومحمد: خلاص اذا نطيتوا احنا بنط بعد عبير ومعنا السلم وليد: طيب يلا يلا وطبت هيفاء هي وفهد بعد طلعه الروح وعبير طبت بثوبها عيت تفصخ ثوبها لان لبسها مرره كان عاري وفيصل ومحمد بسرعه نطوا فيصل اول عشان يسحب السلم من محمد وسحبوه كلهم وجاء بينط محمد وطقه الحاجز الابيض الي بين المظله والباب وعوره مره وليد: محمد محمد وش فيك فهد: محمد وش فيك وقفت وش فيك رد يا**** محمد: مافيني شي شكل رجلي انكسرت خلاص روحوا انا بجلس واذا قالوا شي بقول كنت ابي انحاش وانكسرت رجلي يلا بسسسرعه روحوا قبل لايجي الوكيل وليد: طيب طيب يلا مشينا ومشوا وطبعا كانوا يمشون فوق المظله وكانت هيفاء ماسكه يد فهد بيدينها الثنتين من الخوف ان المظله تنفك ويطيحون وطبعا مشوا وصلوا عند غرفه الحارس كانت شوي بعيده عن مستواهم يعني مخاطره لو نطوا وليد شموخ بسرعه نطي بشويش وانا بمسكك لحد ماتوصلين للارض وانزل من الغرفه وروحي وقفي على الشارع شموخ : طيب بس انتبه لاتتركني اخاف اطيح وليد : طيب يلا بسسرعه وطبعا فهد كان ماسك وليد من اخر حافه رجوله عشان لايطيح وفهد ماسكه فيصل عشان لايطيحون نزلت شموخ بعد بسلام وصلت للغرفه وبعد الغرفه نطت لان المسافه عاديه وطبعا الحارس نايم ماحس وليد: يلا لوجين بسسرعه دورك ويسون نفس الحركه لاكن تورطوا لان لوجين مسك طرف الجينز حق الحزام في المظله ومعيي ينفك هيفاء: انا انا معي حزام وتفصخ حزامها بسرعه طبعا حزامها شكلا فقط فصخته وكان لونه احمر فاقع جلد وكان مره حلو فيه اسمها بالانجليزي محفور وراحت عطت فيصل وفيصل عطى فهد وفهد عطى وليد راح وليد دخل الحزام جوا حق الاحزمه وراح دخل جزء وجزء ماسكه بيده ولما دخل الجزء الثاني مسكه بيده ورفع لوجين لانها نحيفة وطبعا وليد جسمه رياضي لاكن بطلعة الروح رفعه وانفكت الحديده من حق الحزام الي بالجينز وعلى طول نزلت لوجين عند شموخ وحضنوا بعض من الخوف طبعا جاء دور هيفاء : يلا انا دوري وليد: يلا طيب بسرعه تعالي فيما كانوا يوصلون هيفاء دقت لوجين على راجوا وقالت له يجي من عند غرفة الحارس ولما وصلت هيفاء وليد: يلا عبير بسرعه عبير : طيب يلا ونطت بكل سهوله وصلت ولقت السياره نتنظرها على اساس بينزل وليد يوصلهم جت السياره وركبوا كلهم الا شموخ قالت: شكرا تعبناكم وفلوسك بترجع لك عن قريب وعلى طول ركبت وراحوا وقفوا عند كفي وشرحت القصه لوجين لرفيف ولبسوا عباياتهم ونزلوا طبعا كانت الساعه 1 الظهر ونزلوا يجلسون يروقون بالكفي في د:كيف الي بالصحافه واول ماوصلوا جلسوا على الطاوله وكل وحده تفضفض من الهم والخوف الي تو راحت شموخ هي وهيفاء يطلبون جت مدت شموخ وقالت بالانجليزي طبعا : لو سمحت اريد ان اطلب الكاشير : ليست مشكله ماذا تريدين شموخ : 4 شوكلاته حاره و1 فربتشينو الكاشير : اي مقاس شموخ : كبير الكاشير k طبعا كان فيه بقسم الرجال 2 يسمعون هالصوت رائد: تركي موب هاذا صوت شموخ صدقت لوجين شموخ تركي : والله كنه صوتها وش رايك نروح لقسمهم على اننا جايين معهم رائد: ايه والله فكره ومافيه سيكرتي وانا ابي اشوف حال لوجين بعد ماخنتها مع صديقتها العزيزه غدير وكل هاذا بنبره استهزاء طبعا اعلمكم القصه (لوجين كانت تحب ولد اسمه رائد وكانت تموت فيه وهو يحبها لاكن بس تضيع وقت المهم جاء يوم من الايام دقت لوجين على غدير : هلا غدوري حبي ( طبعا كانت الصديقه المقربه للوجين ) هلا قلبي كيفك لوجين: الحمدالله بخير تعالي ياسكره وش رايك نطلع للمملكه غدير وبكل اصرار وخوف: لا لا تكفين اصلا مافيه وطبعا بصوت متوتر وحست لوجين ان فيها شي قالت : اصلن استهبل انا مسافره في شرم مافيه امل اجي يلا حبي اكلمك بعدين وقفلت بسرعه وراحت لبست عبايه ماتعرفها غدير كانت توها مفصلتها وكعب حق فرزاتشي جديد وشنطه دكني يعني كل شي غير وراحت للمملكه بسرعه وجلست تدور تدور لحد ماوقفت عند السواني وشافت المنظر الي لايمكن فيوم من الايام راح تنساه رائد واقف مع غدير ومتحجبه غدير وحاطه فول ميك اب وكان ماسك يدها لوجين على طول راحت عندهم وقفت وقالت : رائد انت تخوني مع اعز صديقه لي طبعا على طول لوجين شالت الطرحه لانها تتحجب بس عشان تشوف وش فيها رائد: اصلا ماعمري حبيتك ولا راح احبك كنت العب عليك اما الحين حبيتي غدوري طبعا لوجين ناظرت فيه نظره لحد الحين مانساها نظره كانت فيها تترجى فيها انه يكون حلم نظره اثرت في رائد الي لايمكن ينسى نظرتها هاذي وعلى طول مشت رجعت للبيت طبعا على طول داخت والي ماقلت لكم اياه ان لوجين فيها القلب يعني لو زعلت مره تموت او فرحت مره تموت ورجعت للبيت واول ماوقفت عند الباب داخت وشالها راجوا وداها المستشفى وكلم ابوها طبعا جلست بغيبوبه لمده 2 يومين وصحت وجاها اكتئاب حاد وبعدين غيرت المدرسه وصادقت بنات ثانيات الي هم عبير صديقتها المفضله وشموخ وهيفاء وجنى نرجع لمحور حديثنا رائد :يلا نطلع وطلعوا ورجعوا دخلوا من باب العوائل وكانت طاوله لوجين جمب الباب على اليمين وكانت كبيره وكانت واقفه اول وحده قدام وفاصخه عبايتها وكان شكلها مرره يخقق ومره بريئه طالعه اول مادخلوا كانت لوجين تطقطق بجهازها طبعا جهازها بلاك بيري وفيه bb فاكانت تطقطق مع هديل بنت عمها اخت مشاري قالت رفيف: شوفي الله ***** يخقق رفعت لوجين نضرها وتحس الدنيا فجاه وقفت تشوف رائد
نرجع لشموخ وهيفاء اول ماخذوا الطلب مشوا لقوا 2 وباين ان شموخ تعرفهم راحت وقفت على اساس بتدخل وشافت المصيبه العضمى رائد شموخ: ايوه وش بغيت رائد كان مانتبه لها كان يناظر في عيون لوجين كانت تناضره بضعف وحب وكره بنفس الوقت وامتلت عيونها لوجين : انا اكرهك اطلع برى اطلع برى طبعا بصوت جدا عالي حتى حقين الكاشير سمعوا الصوت وارتاعو طبعا على طول وقفت لوجين عشان كانت بتعطيه شي بتعطيه هديه وصلتها من زمان ولحد الحين محتفضه فيها وحاطتها بالبوك صوره رائد وغدير راحت طلعت بوكها من الشنطه وجت بتمشي الا على طول داخت شموخ : لوجين لوجين عبير : اللللللللله ********** اللله ******** الللللللللله ******** شفت وش سويت بالبنت حسبي الله لوجين قومي لوجين تكككفين يالوجين قومي انا ماخنتك زي غدير قومي قومي وطبعا ماوصف لكم شكل عبير كانت تصيح تصيح بدرجه موب طبيعيه هيفاء: يلا يلا بسسرعه نشيلها نوديها للمستشفى طبعا رفيف من الصدمه ماتكلمت وراحوا بسرعه ينادون راجوا يشيلها معهم وشالوها وحطوها بالسياره ورفيف لحد الحين تناظر للطاوله وماستوعبت وكان رائد وتركي منصدمين لهدرجه هي عزيزه وكان رائد يعرف انها اخت لوجين وطبعا من كثر ماهم مرتاعين يحسبون الكل راكب وراحوا سيده للسياره شموخ: راجوا راجوا روح دله بسسرعه راجوا وينطلق راجوا للمستشفى

***مزون شمر*** · 23-10-2009, 05:06 PM

الله يعطيك العافيه
متابعينك

**روح soso** · 24-10-2009, 01:31 PM

مشكوره ,,
الله يعطيك العافيه ,,.

**ملكة الاحساس** · 24-10-2009, 03:08 PM

يعافيكم ربي

**ملكة الاحساس** · 24-10-2009, 03:18 PM

البارت الثالث

اول ماوصلوا نزلوا كلهم والى الان مالاحظوا عدم وجود رفيف بالسياره نرجع للكفي رائد: رفيف رفيف حبيبتي ترى لوجين مافيها شي شوي وتقوم انشاءالله يلا قومي حبيتي اوديك يلا رفيف: تصيح وتناظر مكان واحد ومررره متاثره وتصيح بصمت تركي: وش نسوي راحوا عنها كيف نعرف والبنت مررره منصدمه طبعا رائد كان اول مره بحياته يحس بالخوف والقلق على لوجين رائد: استنى بكلم شموخ اقولها تجي تاخذها رائد يكلم على شموخ ولا ترد نرجع للمستشفى دخلوا المستشفى وراحوا عند الرسبشن شموخ: لو سمحت عندنا حاله طارئه بسسرعه نبغى دكتور حق الرسبشن: نادى على النيرسات وخلاهم ينقلونها والكل راح وجلست شموخ تنقل بيانات لوجين لحد ماخلصت المعلومات وراحت بسرعه وتسمع جوالها يدق مرره كثير جت بتقفله لقت مسج من رقم غريب ومكتوب عندها رفيف راحت على طول فتحته وكان مكتوب: شموووخ بسرعه تعالي خذي رفيف معيه تطلع معي اوديها لكم وماتتحرك وتصيح هي في د:كيف استناك طبعا شموخ على طووول ركضت ركض وماكانت منتبهه وصقعت في واحد ايه من الجمال نرجع للمدرسه فهد: وليد احس اني حبيت هيفاء ووليد وانا بعد والله حبيت شموخ فيصل كان طالع مع محمد يوصله للمستشفى وليد: تصدق اني اذا ناظرت عيونها احس اني ببحر هموم وبحر الم فهد: وانا احس ان هيفاء رقيقه وبريئه بما تعنيه الكلمه طبعا كل هالكلام في السياره نرجع للكفي رائد: رفيف حبيبتي خذي اشربي مويه ولاتخافين لوجين بالطريق الحين يلاحبيبتي شاطره يلا اشربي تركي: شكلها متعلقه باختها مررره رائد: الله يعينها نرجع للمستشفى اول ماركضت شموخ صقعت بواحد وقالت اسفه اسفه ورجعت تركض وصلت للسياره وقالت : بسسسرعه راجوا روح كفي بسرعه وراجوا مررتاع وراح للكفي نرجع للمستشفى هيفاء: عبير وين رفيف وشموخ طبعا عبير لارد تصيح تصيح مرررره وهيفاء ماعرفت حسبت صار لهم شي وجلست تدور بالمستشفى طبعا من القلق ناسين شي اسمه جوال نرجع لشموخ وصلت لد:كيف نزلت بسرعه مرره وفتحت الباب وكان لونها مخطوف وكان لحد الحين فيه رائد وتركي واقفين برا دخلت بسرعه للجلسه حقتهم وارتاعت من شكل رفيف شموخ: رفيف حبيبتي يلا ترى لوجين صحت تنتضرك بسرعه خلينا نروح لها هناك ابوك هي بس داخت لان فيها طبعا سوء تغذيه يلا حبيبتي << طبعا كل هالكلام كذا بس عشان رفيف تقوم معها رفيف : انتي تكذبين ابي اختي رجعوها لي امي ماتت وتركتني مابي لوجين تتركني شموخ خافت قالت: ليه تتركك فال الله ولا فالك رفيف: يعني تسوين نفسك انك ماتعرفين ان لوجين فيها القلب طبعا اول ماقالت كذا على طول طاحت المويه من رائد بس شموخ ماهتمت كانت مررره متفاجئه وبعدين سوت نفسها تعرف قالت : ايه ايه حبيبتي ادري بس الحين سوء تغذيه ماصار شي يلا نقوم نروح لها طبعا على طول رفيف استجابت للامر وشموخ عطت رائد نظره استحقار وكره وطلعوا في بيت العم ابراهيم ابو هديل هديل: بابا قلبي يعورني احس فيني شي طبعا هديل حبت لوجين مررره واحساسها مايخيب دائما ابوها: ياحبيتي مافيه شي بس يمكن متوتره ولا شي روحي ناميلك شوي هديل : انشاءالله بابا طبعا كانت الساعه 4 العصر في بيت العم مساعدابو ميساء:الله يبشرك بالخير بترجع وانا ابوك متى بترجع ترفع راسي فيها تميم: افا عليك يبه تربيتك يلا انا انشاءالله برجع بعد 3 ايام او 4 بالكثير واخلص دراسه برا بعد 1 او 2 سنتين انشاءالله الابو: تروح وترجع بالسلامه ياولدي تمتم: الله يسلمك يلا فمان الله نرجع لرفيف طبعا هي وشموخ وصلوا المستشفى وقعدوا شوي وناداهم الدكتور وقال : مين فيكم امها طبعا شموخ اضطرت تكذب عشان يقولها لان عبير منهاره وهيفاء بتدوخ لو تسمع ان لوجين فيها قلب يعني هي اقوى وحده فيهم قالت : انا يادكتور اختها امها متوفيه فيه شي الدكتور: لو سمحتي حاب اشرح لك حالت المريضه ممكن تجين معي طبعا رفيف واقفه كنها تمثال لاتتحرك ولا شي بس تترتجف ولاتتكلم كنها بعالم ثاني طبعا على طول راحت شموخ جلست رفيف على الكراسي وقالت لهيفاء تنتبه لها وراحت وراء الدكتور ووصلوا الغرفه الدكتور :مثل مانتي عارفه ان اختك فيها قلب قالت شموخ بتوتر واضح وخوف: ايه نعم عارفه الدكتور: وطبعا كان ممكن تاثر فيها هالصدمه بشده بس انتوا جبتوها باخر الدقايق شموخ: يعني الحمدالله مافيها شي الدكتور : لا الحمدالله سليمه هالمره لاكن ياليت المره الجايه تنتبهون لها اكثر وكافي صدمات وبعدوا عنها اي شي يضايقها طبعا شموخ قالت : انشاءالله دكتور طيب الحين ممكن نطلعها الدكتور: لا لحد مايخلص المغذي وتقدرون تاخذونها انشاءالله بس ياليت تمرين قسم المحاسبه قبل شموخ: انشاءالله بس نقدر نشوفها الدكتور: ايه اكيد بس انبهكم مررره ثانيه ابعدو عنها اي شي يضايقها شموخ: انشاءالله وطلعت لقسم المحاسبه وطلعت الكردت حقها وحاسبت ورجعت خبرت عبير ورفيف وهيفاء نرجع لرائد وتركي بالكفي رائد: تصدق اني اول مره احس اني حقير تركي: تصدق والله حتى انا حسيت انك احقر واحد بالوجود رائد: اه بس ياليتني ماشفتها كان ماصار الي صار تركي:خلاص عاد لاتضيق صدرك انشاءالله هي بخير رائد : انشاءالله نرجع للمستشفى خلص المغذي وتحمدوا للوجين بالسلامه ووصلوا السياره وبالطريق راجوا: مدام كثير مس رفيف صيح صيح واجد حتى مدام عبير انا احسب هيا في موت عشان هيا كثير صيح قالت شموخ: افا قولها قولها قول اني ماحب لولي قول ضحكوا كلهم حتى لوجين وصلوا للبيت طبعا البنات قرروا ينامون عند لوجين وكل وحده كلمت اهلها وعطتهم خبر في الليل الساعه 9 كان فيه ثامرفي توتي كافيه الي بالتحليه (هاذا يصير ولد عمة لوجين ورفيف وفيه ثاني جامعه طب صديق معاذ الروح بالروح ومملوح مررره وفري جدا ): معاذ ياولد ياهيييه نحن هنا وش تفكر فيه ها اعترررف معاذ( ولد عمة رفيف ولوجين بعد وبثاني جامعه طب يخقق بمعنى اوما الكلمه وكل البنات دايخين عليه ) : هاه لا ولا شي معاذ : علينا يلا قولي انا صديقك وولد عمتك الروح بالروح وش فيك بسرعه ترى اليوم ويك اند وخميس السبت منيب فاضيلك تتشكى لي قلي الحين ثامر: انا احب وحده ههههههههههههههههههههههههههههههههههههههه وهههههههههههه شو هههههههههههه ت ههههههههه تحب ههههههههههههههههههههههههههه ووهههههههه حده هههههههههههههههههههههههههههههههه طبعا كل الكفي مرتاعين كان صوت معاذ كان عالي مره ثامر: ممكن تاكل ** و** وتكرمنا بسكوتك امش يلا ابي اروح ارقم مليت معا ذ: موب تقول احب كيف تحب وترقم ثامر: هاذي الموضه ياقمر

ياترى ثامر مين يحب ؟؟
.......................................................................................................................................

تسلموون من عيوني

نرجع للوجين : بنات وربي اني مافيني شي خلاص وش فيكم علي شموخ : يعني طرده يعني اطلعوا من بيتي يعني عبير : شوفي انا طلعه مانيب طالعه والاكل بتاكلينه غصب عنك سامعه هيفاء: شوفي عاد انا صبرت كثير ياتاكلين يانتحر وحده من الثنتين طبعا رفيف كانت بحضن لوجين رفيف : بنات ابي اطلع والله مليت وبعدين خلونا نغير جو من بعد النكد لوجين: ايه والله انا احس نفسي مره نشيطه تكفووووون بنات طلبتكم خلونا نطلع الله يوفقكم طبعا البنات ماحبوا يكسروا خاطر لوجين ووافقوا
في الفيصليه ثامر ومعاذ كانوا يقزون خلق الله ويرقمون البنات

***عبير الزهور*** · 24-10-2009, 10:11 PM

مشكورة
كملي حنا في انتظارك

انا احبك انا اعزك انا باقي على ذكراك

انا احبك انا اعزك انا باقي على ذكراك

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget