تويت
هل ياترى مغليك للحين تغليه ؟
والا خلاص وراح في طي نسيان
.
لن الخفوق ايتل من حر مافيه
يومك قطعت الوصل عن جو ظميان!!
.
حرام ياخر غرامي وماضيه
حرام ماجازيت صدقي بالاحسان!!
.
قطعت جسر بين غالي وغاليه
واضرمت نار الوجد يانور الاعيان
.
في جوف من فادا بناسه واهاليه
لعيونك وجازيت فعله بهجران!!
.
ويلك من الله لاتخيب هقاويه
خلك مثل ماكنت في ماض الازمان
.
خلك بجنبه دامك اغلا امانيه
ارجع ولا تفرح بفرقاك عدوان
.
واشبع لجيانه وبلل ظواميه
واترك مضانين بمن فيك هيمان
.
انا هويتك يالعزيز بمجانيه
والعشق لك فاق لمفاهيم واوزان
.
عشق بمعلوقي اكيده مساريه
عشق ململمني من سنين للان
.
عشق بكوني واضحات خطاويه
عشق يفوق العشق بانسه مع الجان
.
عشق وبه طيفك لفكري محويه
عشق يمين القطع ماعشقه انسان
.
عشق فلا يعشقه هذا وهذيه
عشق وله مديت يالروح برهان
.
اني بلاك ارحل لدنيا المتاييه
ولا ادور بدالك رفاقه وخلان
.
هذا انا يارافض كل مابيه !!!
كلي رجا يرجع حياها للاوطان
.
.
بقلمي
الشمري
.
تعليق