تويت
قالو مريض وقلت فيني ولا في
قالوا مريض وقلت : فيني ولا فيه
ياعزة الله كيف ذاك المرض جاه ..!!
كيف الألم يدمي فواده ويدميه؟؟
ليت الألم ياناس شخص اترجاه
برجيه رجوه بخير حاله يخليه
وان كان وده علتي قلت : محلاه
لاجله بشيل العوق عنه واراعيه
واصير من بد الخلايق أنا دواه
لأنه عضيد الروح والقلب يغليه
ما ودي انه لحظة يشكي الاه
لو كان بيدي في عيوني أداريه
وتشيله جفوني وتغمض وتنساه
ياذا المرض عجل دخيلك تعديه
خل التعب لا يهد حيله ويصلاه
مأجور يامن بالنواظر نساويه
يالله عسى من الشر يسلم محياه
منقول..
تعليق