لسلام عليكم

قصيده بقلمي وان شاء الله تعجبكم

وانا ابي ردودكم ونقدكم


::

::

::


مدري لجل ظيقة صدر .. والا لجل ذاك الحنين

***

والا لجل حكم القدر ... الله وكيلك يا قدر


ذرفت من زود القهر .. دمعة تعبر للحزين


***

إن مابقى في هالعمر ضحكات . إلا ماندر


ودام الشجاع اللي هوى .. ماعشمه صبر السنين


***

من يشتكي لعلته ... دام العمر روح هدر


أبكي من الفرقى وأنا ... ألملم الحزن الدفين


***

بعد حب أروى الملهمه ....مالووم دمعي لا انحدر


دايم معي ليييين الفجر .... تبني( صروح العاشقين )


***

واليوم راعي الامل ... يبكي على حلم اندثر


أقسى من فقد العمر .... فقد الطموح اللي يبين


***

لا صار دستور الزمن .... يعيش من عاش بغدر


مفجووع قلبي يابشر ... ما طمنه ضلع" حصين


***

ولولا الامور الخافية ... شعيل ما والله هدر


مشهور بالبسمة وأنا ... بالهم أشبه بالسجين


***

اللي هوت به دنيته ... بين التساعة والكدر


كل ما كفخ طير السعد ... عود على ذاك الكمين


***

وأصبح يجدد علته ... كل ماهقيت إنه خدر


مثل العقيم اللي فقد ... بسنينه الغبرا بنين


***

ماشاف بالدنيا سوى ... دمعات مع ظيقة صدر


وإلا مثل من حدته ... دنياه للي ما يلين


***

وأصبح من اللي دمهم بالقوم أصبح منهدر


تشتت كل العقول ... اللي تبي قربك يحين


***

وتباعدت مثل الكفيف ... اللي يبي شوف البدر


معقول هذا يا الغلا ... واقع مثل هذا تبين.. ؟


***

والخافي اللي اكتمه ... حتى بخيالك ما بدر


إن كان رديتي فأنا ... ((لعنونك)) النجلا مدين


***

وإن طالت أيام العنا .... ما للهموم الا الصبر


يعني على ظيقة صدر ... ناتج على ذاك الحنين


***

وإالا لجل حكم القدر .... الله وكيلك يا قدر

الله وكيلك يا قدر




وسلامتكم