قالوا مهند قلت قلبي محمد
قالولي يحيى قلت روحي بسلطان


كلي وطن لزين ( السعودي ) مجند
في غترته .. في رزته القلب هيمان


عيني عليه ... وغير زوله مفند
ماعاش من حط راسه ب قرمان !!

لاقال لي ولهان وشوقي تجدد
سمي عسى ماشر ترى البال قلقان



وش لي بحكي اتراك نصه مقلد !!
عيون شهب ورجولة(ن) مالها شان



وش لي ب رخوم(ن) ك خشب مسند
شكل(ن) حسن ماله من العز أوطان !!


تميم .. فهد .. خالد .. ياسر .. مؤيد
ياخلق وربي مابين الفريقين شتان !



نظره من عيون ( السعودي ) تهدد
تهز منهو حاول الشين .. أو هان

ثوب(ن) بياضه بالنقاوه تجدد
وعقال(ن) سواده حالك الليل فتان



في بسمته لذه ويسبيني الا عند
يجعلك في عزته .. في هيبته حيران



في نخوته طيح عقاله وتوعد
في فزعته قومة شيوخ(ن) وفرسان



أموت بتراب ( السعودي ) وأردد
يامدور على غيره من الناس غلطان



ياعسى خطوات ( السعودي ) تسدد
وياجعل ناوي له بالمكاييد خسران




منقوووله