تويت
غلطتي حبيت وهذا مصيري - احمد الصانع
إللي شفته في وصالك مو شويه ..
كيف أصبر وانا في وصلك أعاني ..}
.,.
جيت لك شايل خفوقي بين إيديه ..
مابغيت إلا من أيامك .. ثواني ..}
.,.
ماهقيت الدنيا في قربك رديه ..
وقلبك إللي لو طلبته ماعطاني ..}
.,.
البقى ماباقي في .. قلبي بقيه ..!
مدري منك طعنتي أو من زماني ..}
.,.
لاترجاني وأعدي لك .. خطيه ..!
وكل ما أزعل ، تسمعني أغاني ..}
.,.
(( أعطني حريتي .. أطلق يديه ..!
أنني أعطيت )) لكنك .. أناني ..}
.,.
بس تبي تاخذ ولا ترد العطيه .. !
وغيرك أعطا / بس منك ماخذاني ..}
.,.
ما أبي منك ..! عطورات وهديه ..
كنت أبي قلبك يبادلني .. حناني ..}
.,.
غيرك أصلا إحترق .. قلبه عليه ..
باع عمره وكل ما يملك عشاني ..}
.,.
قلبي تفاحه .. وحبك جاذبيه ..}
مانطرني أستوي ، فجأه كلاني ..
.,.
لاتجيني تعتذر ..! عينك قويه ..}
لأنه قلبك من عذاريبه ..! ملاني ..
.,.
غلطتي حبيت .. وكلي عاطفيه ..}
ما أشوف العيب وإحساسي عماني ..
.,.
وإلا أنا لو صار ضدي .. ألف وميه ..}
مايهز إنسان في لحظه ..! كياني ..
.,.
ياحسافه بسبتك شفت ..! المنيه ..}
كنت أظنك شي .. وشفتك شي ثاني ..
.,.
إنت قلبك كان .. مجهول الهويه ..}
وعادي عنده لو خذا غيري مكاني ..
.,.
صارت جروحي من أسبابك : نديه ..}
وإصرخت لك بس يا جارح كفاني ..
.,.
( قصتي وياك ) جدا .. واقعيه ..}
ماهي حلم .. مر في بال الأماني ..
.,.
مامداني .. أكتب أبيات الوصيه ..}
والكلام ، ثقيل أحسه من لساني ..
.,.
القصيده : خانتك ماهي .. وفيه ..}
صرت أكتب فيك وما ألقى المعاني ..
.,.
ب النهايه تكفى ، إطلق لي يديه ..}
هل راى الحب مثل قلبك .!! أناني ..
.,.
يا محامي روح إرفع لي .. قضيه ..}
قلبي مجني .. وهذا في إيده ، نهاني ..
قصيده للشاعر :: احمد الصانع
]
تعليق