هذه قصيدة كتبها اخوكم/
أبوبدرالدهمي (الرامي)
بعد طلب ومبادره من الاخ/
الشاعر روح التميمي
بحيث توجه هذه القصيده اهداء
الى كل حربي بالمنتدى وخارج المنتدى
من غير قصور في القبائل الاخرى
فكان المطلع اول بيتين للشاعر الكبير
روح التميمي
على اثرها بنيت القصيده واتمنى
ان تنال استحسانكم واعجابكم
-----------------------------



من زاركم يا حرب ماضيع الدرب
ياهل الكرم والجود يا اهل الشجاعه
من ضامته دنياه يزبن على حرب
يكسب على ضيم القبائل مناعه
من لابة في ساعة الضيق والكرب
تفرح بهم والضيق يغدي وساعه
يتقافزوا فزعات من كل مرقب
شوق لها ما هي اوامر وطاعه
ولا الغاوي اتمرد على الحق وارعب
اذكر له الحربي ويرخي سماعه
يعودالى رشده بوجه مسحب
ويقيد خيوله ويربط سباعه
ماني مبالغ حرب هي قادة الحرب
تاريخهم للناس كاشف قناعه
صيت لهم بالكون شرق وغرب
غطاء حجاج الشمس باهرشعاعه
وحربي اليا من قال حيا ورحب
ابشر بحربي والكرم من طباعه
يورد الضامي على الحوض يشرب
لو كان مورده خطر باندفاعه
يفرح الا من جاءه جاه ضيفه وقرب
يستقبله بالشوق ممدود باعه
يذبح سمان الحيل مايقرب الجرب
ماهو بيتردد وتخطل ذراعه
ويعطي من الموجود من دون محسب
مايحسب حسابه ويخشى المجاعه
ويسوق له من حر ماله ويوهب
ويلاحقه بالجود في كل قاعه
قد قالها روح التميمي وجوب
في مطلع ابياتي وهي له وداعه
من زاركم ياحرب ماضيع الدرب
يا اهل الكرم والجود يا اهل الشجاعه
ومن ضامته دنياه يزبن على حرب
يلقى على ضيم القبائل مناعه
بيتين لك ياروح حقك موجب
واحنا نصونه لا تخافوا ضياعه
وزدنا عليها قدر والنفس تطرب
لامر ذكر الجيد يحلى سماعه
ماني بمداح على شان مطلب
ولا لي بذكر اللاش لوبه نفاعه
وانا قبيلي من( دهم) مسكني (خب)
حيث الشرف والعز مرسي شراعه
وفي كل عليا لي مشارف ومرقب
وارض اليمن داري وفيها الجماعه
من عادني طفل صغير مدرب
على سلوم القبيله والبراعه
وربعي( دهم) من شرقها لين تغرب
لاصاح صايحهم يجونه بساعه
ويا الله تجمعنا على الخيريارب
حيث انني ما انويت فيهم قطاعه
وازكى الصلاه الي بها العبد يرغب
على النبي المختار مولى الشفاعه


وسلامتك والعذر والسموحه على القصور بالابيات
وتقبلوا تحياتي