عزيزتي .. هل انتي حامل؟ اذن تفضلي با الدخول

**بنت عز** · 01-05-2006, 02:48 AM

اهلين خيتو نردين

كان بودي اساعدك بس لسه ماتزوجت عشان اشاركك بس اذا عادي اشارك بموضوعك ممكن اسوي لك بحث عن اي موضوع

انتي تامرين امر

**๑ஐ زُمُرُّده ஐ๑** · 01-05-2006, 02:50 AM

اهلين اختي : نردين

انا ماني متزوجه ولاهم يحزنون

خخخخخ بس اذا بغيتين شي اسال امي واجاوبك ههههههه

واسالي اسئله عادي يمكن نفهم ونقدر نساعدك ...

تحياتي ...

سندريلا

**نردين** · 01-05-2006, 02:17 PM

مشكوره اختي الحبيبه بنت عز عادي يا قلبي
تشاركين ... تمونين ياعيوني ... واذا على البحوث عندي
منها مجلدات ودرازن خخخخخخ لاتخافين علي محسوبتك حافظتها!
بس فيه سواليف ما مكن نلاقيها في الكتب ..مثلا ( وش نوع المتاعب
الصحيه اللي جاتك ؟ نفسك في بنت او ولد ؟ وش جهزتي حق النونو؟
خايفه من الولاده وتفكرين كثير؟ ) يعني سواليف من هالنوع
مشكوره يا عمري ولو حابه تسولفين
في هذي الاشياء عادي عشان تكسبين
خبره خخخخخخخخخ تحياتي

**نردين** · 01-05-2006, 02:23 PM

الاخت العزيزه سندريلا مشكوره حبيبتي واكيد
ماتقصرين انتي والوالده الله يخليها لك يارب
تحياتي

**بنت عز** · 01-05-2006, 05:13 PM

وش نوع المتاعب
الصحيه اللي جاتك ؟

والله اشوف اللي حوولي استغفر الله وحم صراحه متعب يعني حتى الماء مايتهنون بشربه
بصراحه يخلون الواحد يكره الحمل
نفسك في بنت او ولد ؟

خخخخخ اي وحده اشوفها حامل اقول يارب تجيبين بنت حتى لو هي نفسها بولد البنات احلى واطعم خاصه اول طفل بصراحه البنت احلى

وش جهزتي حق النونو؟

خخخخخخخخ هذي عاد ماجاوبك عليها الا اذا تبين اسرق افكار لك من اللي حولي ابشري

خايفه من الولاده وتفكرين كثير؟

هههههههههههههه اشوف اللي حولي بس يجي طاري الولاده يرجفون وتتغير لون وجيهم مساكين بس الله يعينكم

يارب يهون عليك خيتو
قولي لنا انتي وش تتمنين بنت او ولد؟؟ اذا كنتي للحين ماتعرفين

**نردين** · 01-05-2006, 11:18 PM

عيوني هذا مب حملي الاول .... في حملي ببنتي من سنتين
كنت تعبانه حيل.... جتني مشاكل مع الكلى ... وحساسيه شديده في الصدر
وبعد ولادتي ب6 شهور سويت عمليه في صدري .... والحمدلله على كل حال
لكن الحين الحمدلله كل شي زين وماشكي من شي ... وبالنسبه للخوف من الولاده فحدث ولا حرج ؟ ولادتي ببنتي حسيت بها من يوم الاحد وماولدت الا فجر
الثلاثاء ... مشكلتي يا قلبي ان زوجي يبغى ولد.... وانا ماهمني وش ابجيب .. بس
ابغى هالولد عشان ارتاح ... تصوري احيانا مانام من كثر التفكير والهواجيس .

**بنت عز** · 02-05-2006, 08:19 AM

ياربي يقهروني الرجال اذا قالو نبي ولد اعرف لك وحده جابت خمس اطفال ورى بعض الاربع الاولات بنات وكل مره يقول تستمري تحملي لين تجيبي الولد
واخيرا الله رزقها بالولد وهو ترتيبه الخامس

يعني كأن الحرمه بأيدها شي

الله يسهل عليك يارب خيتو بس ماقلتي انتي الحين في اي شهر عشان نحسب لولادتك مضبوط

**نردين** · 02-05-2006, 01:25 PM

حبيبتي انا الحين داخله شهري الثامن والولاده بتكون
في شهر 6 وفي نهاية شهري الرابع سويت اشعه في مستوصف اهلي
وقالت لي الدكتوره ان اعضاء الجنين مب باينه يعني بنت 90% لان الولد يبان
ومن ذاك اليوم وانا متحطمه ... امي تقول انهم كذابين وخواتي يقولون لي
عيدي الاشعه الحين عشان تتاكدين وما تحطين امل على الفاضي
وبعدين تنصدمين؟ وانا مب عارفه وش اسوي . مره ضايق صدري

**نوارة** · 02-05-2006, 01:48 PM

اهلين نردين

حبيبتي اتمنى تهدين الوضع

سواء بنت او ولد انتى مالك دعوى

الشي هذا يتحدد من الرجل المرأه ما لها علاقه

انتي اتوكلي على الله وربي بيفرجها من عنده

اهم شي اهتمي بصحتك زين

وربي يسهلها

مع تمنياتي القلبيه لك

ان تقومي بالسلامه اولا

وتحققين اللي ببالك

تحياتي

عزيزتي .. هل انتي حامل؟ اذن تفضلي با الدخول

عزيزتي .. هل انتي حامل؟ اذن تفضلي با الدخول

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget