تويت
( الهدايا جروحي )
إن كان ماتروي من الحب روحي
خل الجسد مالي بهالزاد حاجه
جيت إمتعني والهدايا جروحي
أهديتني جرح تعذر إعلاجه
أقول أحبك وأنت ماكن توحي
ياللي تحسب الحب لعب وسماجه
من عام الأول بالحشا منك ضوحي
جمر تحرك جذوته واوتهاجه
وأنا كما طير لغصنه طموحي
مير إن حيله باحل في رتاجه
يكفخ بجنحانه وقلبه يفوحي
وإن مال غصنه للنسانيس هاجه
ماغيرك إنسان سكن في صروحي
يوم إن لي درب صعيب إنتهاجه
ياغايب جابه على الفكر نوحي
يطريك دمع منك زاد إنهداجه
تغيب مير إن الرجا بك يلوحي
كما يلوح ( طويق ) دونه عجاجه
أجود لك بالود وأنت الشحوحي
اللي بخل حتى بفلة إحجاجه
ماجيت غير إني لشوفك شفوحي
متشفق للود زاد إختلاجه
يضحك ولو مايستمع للمزوحي
ضحك الطرب من شوف وجهك إمواجه
قصيده للشاعره / عيده الجهني (وحيدة السعودية)
تحياتي
..
تعليق